Ruk oh yah meng ma brak matip ohe meng oh 17:7 - Oksapmin

⁷ Jisas oh ameng oh porpat Gin gur tit han tit gwe natamreipat han ohe meng oh dahatinmur. Gwe natamreipat han oh mong sur teidapatdo da imah papter teidapatdo apriporhan Go gin kapkap apris tongnom den dinmur potiprohda.

Ruk oh yah meng ma brak matip ohe meng oh 17:7 ပူးပေါင်းရင်းမြစ်များ

Matyu 12:11

Dahamtiperhan oh Guragure ihapti danong oh sama dahenmur. Gure sipsip bap sahapti tit tuperipti dik orhor tanggap tem wahanoh nita go wamat mandatiprohda. Basra. Nita gorhor it ambura yah teinong matiprohmur.

Ruk oh yah meng ma brak matip ohe meng oh 13:15

Potporhan Hanipyah Jisas oh Wa. Da yot hat patim dasuh mengsi ripti han bap gurmuro. Gur tuperipti dik moh na tamreiptimur ripti orhor burmakauo donkio ire apnong sus ambop daphom ambopdapat marim tom pandinmat pisaptimur. Gur Nuhur tuperipti dik moh na tamreiptimur ripti gur ihat tamreipti ohoh ihan gur da yot hat pati han bap gurmur.

Ruk oh yah meng ma brak matip ohe meng oh 14:5

Por darherpat iraire tuperipti Sabat dik patim ma tamreipti danong oh daham ha am hatingwe rim ihirnong We. Gur Sabat tuperipti dik orhor patim guragure brerdo sahapti hando tit tanggap wahanoh Sabat diko rim mandatiproheda. Basra. Sabat diknong na dahama kapkap orhor ambur yah teinong matiprohemur pongopri.

Ruk oh yah meng ma brak matip ohe meng oh 17:26

Hanip Brer nohe ma it apripra oh rih Noa oh patin ire ma ihasheru hat patin orhor apripramur.

Ruk oh yah meng ma brak matip ohe meng oh 17:6

Potperhan Hanipyah oh Es. Gure Hanipyah oh inahatin hatin hanwa ma dahapti da oh mastet gwe gar hatin hat ma pati da ohsi orhor Gin mama irat gwe san go gorhap kakersi tapera sus tom sor hru tei ohom it tonggonom maronmur poriyahanhe guragure ma daham poriya meng orhor arpin dam tarpatiprohmur pongopri.

Ruk oh yah meng ma brak matip ohe meng oh 17:8

Basra. Ohnong na gipotiprohmur. Gorhe natamreipat han ohoh ihan ohnong Norhe denri natemtinmur. Natemara mamen tahama norhe den oh kan mat natinmur. Kan mat napriso tom yohot napriso hapatin noh den damo tom damo hatiprohmur potiprohmur. Pora den damo tom damo hapat Ginra gorhe den dinmur potiprohmur.