Ruk oh yah meng ma brak matip ohe meng oh 16:9 - Oksapmin

⁹ Jisas oh giporpat Gin gur mohnong dahatinmur. Kakdah er hat patim ma daripti mani mohsi hatip hat pati han ihirsi guragur yah han hat indinmat aprishenmur. Imat apriptin ma timbas haya tei mah Got oh orhe eimat ma napaptepra apteinong nambur napisapramur.

Ruk oh yah meng ma brak matip ohe meng oh 16:9 ပူးပေါင်းရင်းမြစ်များ

Matyu 19:21

Potporhan Jisas oh Go Noh yahnap han hatpora dahahhanoh gorhe erer oh ihirsi mohoma mani oh dar borop han ihirnong apinmur. Ihyahanoh go aw tei mahat Got ohe napapindin tei ohe ruumsansi han hatipramur. Ihpat nohsi tap hat sashen han hat aprishenmur pongop.

Matyu 6:24

Jisas oh giporpat Gin mohnong dahatinmur. Tit han gowi yot han ite atamreindin asoh tapsut orhor tap hat atamreindin hatinda. Basra. Ihat na atamreindin hatinmur. Yot mat orhor atamreihanoh titnong bopor dei titnong na bopor dei hatiprohmur. Tit ohe danong ham titnong kom asar mandatiprohmur. Ihat yot hat na tamreindin ina hat pati ohoh ihan Got orhe danong ham atamreindin ohsi mani ohe danong ham tamreindin ohsi tap hathe na tamreindin ina hat patimur pongopri.

Ruk oh yah meng ma brak matip ohe meng oh 16:11

Ihat dahapti ohoh ihan gur kakdah er hat patim ma daripti mani ohnong oh pomat na papayahanoh ama imat er mat papti han guroh Got orhe arpin han erer oh gur pomat na papindin han bap hatiprimur.

Ruk oh yah meng ma brak matip ohe meng oh 14:14

Ihtin ihirnong imat den pandehanoh ihir gonong it yan na napin hatin han ohoh ihan Got orhor gonong bapkei amam dasi nahatipramur. Ma nahatipra oh duung dasi hat pateshe han ire ma masapri dik oh gwe yanhe napripramur pongopri.

Ruk oh yah meng ma brak matip ohe meng oh 12:33

Ihat patim guragure erer oh wan han ihirsi mani ohsi mohoma ama mani ohsi hatip hat pati kuuhan ihirnong panggeinmur. Imat panggeipti aw tei mahathe guragure yah han erer oh ruprup mat kasip ung na turkatin ung oh mit sarinmur. Aw tei ohe yah han erer ohot ma saripti erer oh timbas haho gapah han ihir dariyao daskein ihir dam timbas deiyo na matin han sariptimur.

Ruk oh yah meng ma brak matip ohe meng oh 11:41

Ihan gur Nuhur bisei hat pat beso preto moh gahdeiyahan ongeng deiyamur dahapri. Guragure pret tei ma it pati erer oh hatip hat pati han ihirnong apris panggeitinmur. Iham ama ohe pe oh na bisei ham ongeng tahaptimur.

2 Korin 4:17

Gin mohnong dahenmur. Gin matei patim ina ruum daripti moh kakun garpok tit dariptimur. Kimsi komdapat ma dat patepri da oh na timbas ham eimat isip yahnap hat paten da datiprimur. Ama eimat yahnap da datinmat oh gin kakun ruumsup daripti ma hapat dahaptimur.

Ruk oh yah meng ma brak matip ohe meng oh 16:13

Jisas oh giporpat Gin mohnong dahatinmur. Tit han gowi yot han ite atamreindin asoh tapsut orhor tap hat atamreindin hatinda. Basra. Ihat na atamreindin hatinmur. Yot mat orhor atamreihanoh titnong bopor dei titnong na bopor dei hatiprohmur. Tit ohe danong ham titnong kom asar mandatiprohmur. Ihat yot hat na tamreindin ina hat pati ohoh ihan Got orhe danong ham atamreindin ohsi; mani ohe danong ham tamreindin ohsi tap hathe na tamreindin ina hat patimur pongopri.

Aposer 10:31

Patdapat nohnong Kornirias gwe Got ohsi mengiro ihirnong erer oh panggeio ma hapat oh Got oh am hat patmur.

Matyu 6:19

Gur kakdah moh yah erer oh ruprup mat saripti ohe danonghe hapri. Kakdah moh ruprup mat sariyahanoh daskein oh deo tomo oh suma nehaho gapah han ihir daharmar dariyao hapti ohoh ihan gur yah han erer oh kakdah moh ruprup mat saripti ohe danonghe hapri.

Jut ohe brak mat atip ohe meng oh 1:21

Ihama Got orhe bopor nahat napapat mutuhdapat orhorwi hat patepera daham orhe bopor nahat napapat mutuhdapat hatwi orhor patenmur. Patim Hanipyah oh hinhina naham orhorsi eimat yah hat paten ohe dasi nahatiprawa daham minhan patenmur.

Aposer 10:4

Potporhan oh kas hapat ohnong kin dung por wamara Hanipyaha. Go kian meng napotporim ihpat ama potip oh. Potporhan oh Gwe Got ohsi mengiro erer oh ihirnong panggeimo ma deipat oh Got oh wamara gwe ma ihpat oh yaho naporpatmur.

Ruk oh yah meng ma brak matip ohe meng oh 16:4

Dahapat tit ama dahatip oh. Ai. Noh ire kamah han ohe yan hat ma patinong asoh noh yan ahatip matpora. Imat ahatip deirit ihir ama ohe pe oh nohnong Go nuranure yah hanmur. Ihan go apris nure ap moh den denmur sa naporipri ama gidahatip oh.