Ruk oh yah meng ma brak matip ohe meng oh 16:13 - Oksapmin

¹³ Jisas oh giporpat Gin mohnong dahatinmur. Tit han gowi yot han ite atamreindin asoh tapsut orhor tap hat atamreindin hatinda. Basra. Ihat na atamreindin hatinmur. Yot mat orhor atamreihanoh titnong bopor dei titnong na bopor dei hatiprohmur. Tit ohe danong ham titnong kom asar mandatiprohmur. Ihat yot hat na tamreindin ina hat pati ohoh ihan Got orhe danong ham atamreindin ohsi; mani ohe danong ham tamreindin ohsi tap hathe na tamreindin ina hat patimur pongopri.

Ruk oh yah meng ma brak matip ohe meng oh 16:13 ပူးပေါင်းရင်းမြစ်များ

Matyu 4:10

Potporhan oh Satan go sona. Got ohe ritporhan ma brak matpa meng oh mamaru hat patmur. Gur guragure Hanipyah Got orhe danongwi ham armi deiyao orhe atamreindin oh atamreiyao ham patenmur ritporhan brak matpamur. Ihtin ohoh ihan noh gwe danong na hatiprohmur. Ihan go sona potipri.

Matyu 6:24

Jisas oh giporpat Gin mohnong dahatinmur. Tit han gowi yot han ite atamreindin asoh tapsut orhor tap hat atamreindin hatinda. Basra. Ihat na atamreindin hatinmur. Yot mat orhor atamreihanoh titnong bopor dei titnong na bopor dei hatiprohmur. Tit ohe danong ham titnong kom asar mandatiprohmur. Ihat yot hat na tamreindin ina hat pati ohoh ihan Got orhe danong ham atamreindin ohsi mani ohe danong ham tamreindin ohsi tap hathe na tamreindin ina hat patimur pongopri.

Ruk oh yah meng ma brak matip ohe meng oh 11:23

Gur nohe tapnong ham na napanggeipti han gur nohnong er naham mahaw nahaptimur. Gur hanip ihirnonghe Orhe sipsip bap amtiper na daham na naruprup deiyahanoh ama han gur okmat darheriptimur pongopri.

Ruk oh yah meng ma brak matip ohe meng oh 14:26

Wandeipat meng tit Gur nohe danong hatin ohe da ohri hatinmur. Itaniro suaniro kuu brero arwaniro ire danong hatin ohe danong ohri hat sasipri. Nohe danong hatin ohe da ohri isip hat orhorwi sashenmur. Ihat son ohe da oh gorhe boknong daham ma ihat sapat dahe mahaw mar hatin mar mandama nohe danong hatin ohe da ohri isip hat sashenmur. Ihat saya han bap gurwi nohsi tap hat sus namgit napisashen han bap gurmur. Ihat na saya han bap guroh nohsi tap hat sus namgit na napisashen han hat pati han bap gurmur.

Ruk oh yah meng ma brak matip ohe meng oh 16:12

Gur ire erer pomat na apapayahanoh ama imat er mat papti han gurnong guragure datin erer oh nih gurnong napripra pongopri.

Ruk oh yah meng ma brak matip ohe meng oh 16:9

Jisas oh giporpat Gin gur mohnong dahatinmur. Kakdah er hat patim ma daripti mani mohsi hatip hat pati han ihirsi guragur yah han hat indinmat aprishenmur. Imat apriptin ma timbas haya tei mah Got oh orhe eimat ma napaptepra apteinong nambur napisapramur.

Ruk oh yah meng ma brak matip ohe meng oh 9:50

Potporhan Jisas oh Gur mohnong dahenmur. Gurnong na mahaw nahapti han ihir guragure yah han ihirmur. Ihan ama ihat napanggeipti han ihirnong baso poripri pongopri.

Jemis 4:4

Ihat daham ma ihat sapti bap gur Got ohnong bisei mar ihaptimur. Gur mohnong hanhanda. Kakdah mohe danong rum mutuh mat ma papti oh Got ohnong mahaw mat paptimur. Gur ama danong hanhan hat patim ihat saptida. Ihtin ohoh ihan kakdah mohe danong hat inper ma dahapti guroh Nuhur Got ohnong mahaw mar ihapti ma hapat dahenmur.