Ruk oh yah meng ma brak matip ohe meng oh 14:26 - Oksapmin

²⁶ Wandeipat meng tit Gur nohe danong hatin ohe da ohri hatinmur. Itaniro suaniro kuu brero arwaniro ire danong hatin ohe danong ohri hat sasipri. Nohe danong hatin ohe da ohri isip hat orhorwi sashenmur. Ihat son ohe da oh gorhe boknong daham ma ihat sapat dahe mahaw mar hatin mar mandama nohe danong hatin ohe da ohri isip hat sashenmur. Ihat saya han bap gurwi nohsi tap hat sus namgit napisashen han bap gurmur. Ihat na saya han bap guroh nohsi tap hat sus namgit na napisashen han hat pati han bap gurmur.

Ruk oh yah meng ma brak matip ohe meng oh 14:26 ပူးပေါင်းရင်းမြစ်များ

Matyu 10:37

Gur suanir itanir ire danong isip hama nohe danong isipnap na hayahanoh ama ihat pati bap gur nohe yah han hatin hat na pati bap gurmur. Kuunango wanango ire danong isip hama nohe danong isipnap na hayahanoh ama ihat pati bap gur nohe yah han hatin hat na pati bap gurmur.

Ruk oh yah meng ma brak matip ohe meng oh 14:20

Potporhan gahan tit han oh Noh aprin orhor kuu kopen dat ohoh ihan noh kinhat aprin hahmur. Ihan noh na saprohmur pongopri. Ihir imat orhorwi pora garham na sangopari.

Ruk oh yah meng ma brak matip ohe meng oh 14:25

Gahan kuuhan isip tit Jisas ohsi tap hat pipari. Saptin mandap oh Jisas oh it tamburkes rim ihirnong wandeingopri.

Jon oh yah meng ma brak matip ohe meng oh 12:25

Amaru hat orhor hanip gurhe Noh norhe ina mama hat pat orhor hat patepraneng dahayahanhe kakdah morhor timbas hatiprimur. Noh kakdah ohe ina moh mandama eimat paten ohe dasi hatipraneng dahayahanhe ama ihat dahaya gur eimat paten dasi hat pateprimur.

Aposer 20:24

Ihat am hat patin ma apripat oh nohnong nitperhan noh haputiprohkin dahatin ohe danong oh hat patim na apripatmur. Hanipyah Jisas Krais orhor Go Got orhe damdapat orhor Imat yah matpora daham ma yah nahapat ohe yah meng oh pot pisashenmur napor kis nahat napapat ohe atamreindin oh timbas mar amamen matpor daham ama ohe danongwi ham atamrein sapatmur.

Rom ihirnong Por oh brak atip ohe meng oh 9:13

Got orhe damdapat ma imtip meng oh ite boknong mar ritporhan ma brak matip oh mamaru hat patmur. Ohri ma wanhup han Esa ohnong oh noh na bopor mat paptesuhmur. Kom ma wanhup han Jekop ohnong noh bopor mat paptesuhmur ritporhan brak matipmur.

Piripai 3:8

Nohe rih ina teimdapat ma yah hat sasuhnong ohwi na dahapatmura; gin ohe ma ihat sapat mohsi tap mat oh Noh be ihat sapat ma hapat dahapatmur. Norhe Hanipyah Jisas Krais ohnong am hatin ohe da ohwi isip yahnap han ma hapat dahapatmur. Ihama ohe tapnong ham yah han hatin ohe da oh isip hat sonmat rihohe erer ma ihpat ohe da oh na napanggeitin ohe danong ihat sapat ma hapat daham mandama Krais orhorwi napanggeitin han ma hapat daham orhe danongwi hat sapatmur.

Erer tarpatipra 12:11

Dire taptem ihir sipsip bap ohe heim ohe kasip ohsi; arpin meng pot ma pisapti ohe kasip ohsi ama yot ite kasip ohsi Satan ohnong ambapte matamuro. Ihir Dir ihat saptin niyarit hapuriyahan yahwa daham ihat sashe han ihirmuro.