Ruk oh yah meng ma brak matip ohe meng oh 12:17 - Oksapmin

¹⁷ Timdiporhan oh Noh den dam ruumsan tima moh ohe pe oh noh ihsen ruumsan titsi datiprawa dahama Gin itin ap oh timbas hat pat moh noh kinhatiproh sa dahapat

Ruk oh yah meng ma brak matip ohe meng oh 12:17 ပူးပေါင်းရင်းမြစ်များ

Matyu 16:7

Napotporhan Nuhur den mim na apriya ohe meng oh napor ma hapat gigoshatpa.

Matyu 5:42

Tit napina napor deip nahahhanoh aprishenmur. Ihir Gin go ama han napina. Noh yan hatpora naporhanoh na amram kom asaripra. Aprishenmur pongopri.

Ruk oh yah meng ma brak matip ohe meng oh 10:25

Gahan Jisas oh meng am deipatin pohon sawa mengnong amnap hat pat han tit tandeima Jisas ohe mengnong adason matporim ohnong Tisa. Noh kinhahrit dipwi yah hat paten ohe da oh datiproh por dahandeingopri.

Ruk oh yah meng ma brak matip ohe meng oh 11:41

Ihan gur Nuhur bisei hat pat beso preto moh gahdeiyahan ongeng deiyamur dahapri. Guragure pret tei ma it pati erer oh hatip hat pati han ihirnong apris panggeitinmur. Iham ama ohe pe oh na bisei ham ongeng tahaptimur.

Ruk oh yah meng ma brak matip ohe meng oh 12:16

Giporpat ihir erer oh dar ruumsansi hatpora dahapti ohe danong oh hatipririm mama paham mengnong moh dahatinmur. Han kamah han tit den ruo erer oh ruumsansi han tit ama patesuh oh. Gahan ohe den ru oh dam ruumsan isipnap ama timdip oh.

Ruk oh yah meng ma brak matip ohe meng oh 12:18

Ihan noh erer it pat ap morhor urkamat sara ap isip mat yah mat orhor hatpora. Ham mamen deipat norhe wito den erer oh apnong moh mat sara ama ohe pe oh yah hat pateprawa.

Ruk oh yah meng ma brak matip ohe meng oh 12:22

Kuuhan gonsi ihirnong ama meng oh porpat orhe pinggit pisapat han ihirnong Gur Nure ma indipri oh nuhur den oh kinhat sa indeipri. Watah andin oh kinhat sa indipri daham da trun trun darher ruumsup hapri.

Ruk oh yah meng ma brak matip ohe meng oh 12:29

Guragure ita Got oh gure den din ohe ma hatip hat patio tom din ohe ma hatip hat patio erer oh orhor gonsi am hat pat ohoh ihan gur Nuhur deno tomo oh kinhat dam patepri daham da darher ruumsup hapri. Got ohnong hanhan hat pati bap ihir Nuhur deno tomo erer oh kinhat patepri daham ama erer datin ohe danongwi hat patimur. Ihan gurhe ire ihat ma dahat pati da hatin hapri.

Ruk oh yah meng ma brak matip ohe meng oh 12:33

Ihat patim guragure erer oh wan han ihirsi mani ohsi mohoma ama mani ohsi hatip hat pati kuuhan ihirnong panggeinmur. Imat panggeipti aw tei mahathe guragure yah han erer oh ruprup mat kasip ung na turkatin ung oh mit sarinmur. Aw tei ohe yah han erer ohot ma saripti erer oh timbas haho gapah han ihir dariyao daskein ihir dam timbas deiyo na matin han sariptimur.

Ruk oh yah meng ma brak matip ohe meng oh 16:3

Potporhan oh Norhe napapat han oh Gin gwe natamreindin oh gin timbas hahmur ma napor moh gin noh kinhatiproh sa. Kot tei ohe tamreindin oh noh hanhan hat pat moh kinhat sa kasip ham mong sum tamreimo hatiproh. Noh na tamreim hanip ire patinong asoh Den ti namdina por deipmat son oh noh kas hapatmur. Gin noh kinhat sus den dam patepra ama gidahatip oh.

Ruk oh yah meng ma brak matip ohe meng oh 16:9

Jisas oh giporpat Gin gur mohnong dahatinmur. Kakdah er hat patim ma daripti mani mohsi hatip hat pati han ihirsi guragur yah han hat indinmat aprishenmur. Imat apriptin ma timbas haya tei mah Got oh orhe eimat ma napaptepra apteinong nambur napisapramur.

Ruk oh yah meng ma brak matip ohe meng oh 18:22

Potporhan Jisas oh Go imat dindeipat orhora; mama tit da mohoh go na ihpatmur. Gwe ma na ihpat oh mamarumur. Gin noh napotiprohmur. Gorhe ihsen erer ruumsan ma papat oh gin wan han ihirsi mohoma mani oh dara borop hat ma pati han ihirnong apinmur. Ihahhanoh go aw tei Got ohe napaptepra tei mahat ohe ruumsansi han hatipramur. Ihpat nohsi tap hat sashen han hat aprishenmur pongopri.

Ruk oh yah meng ma brak matip ohe meng oh 19:17

Por apriporhan kak hat pat han oh wamara Go yahnap hat natamreipat hanmur. Garpok moh go yah mat papat han ohoh ihan noh isip kathei ap mutuh ihirnong papten han oh gorhornong papten han nahahmur por kathei ap mutuh ihirnong papten han matipri.

Ruk oh yah meng ma brak matip ohe meng oh 3:11

Por dahamtiperhan oh Gur watah yot hat patihanoh tit watah timbas hat ma pati han ihirnong aprishenmur. Denhe timbas hat pati han ihirnong ti aprishenmur ama potip oh.

Aposer 16:30

Timama ihitnong ambura kot teinong prongopri. Prosa kot tei aroh Hanipyah yota. Noh kinhahrit Got orhe nambutin da ohsi hatiproh. Gut nohnong napotinmur pongopri.

Aposer 2:37

Pita oh ameng oh potporhan kuuhan ihir ameng oh amram Mameng moh nure danong mahan nakapom er nahahmur pora Jisas orhe mengtei tamrein sapti han Pitao ihirnong Nohanhera. Mameng moh nure danong mahan nakapomur. Gin nuhur kinhatiprohe por ihirnong dahandeingopari.

Rom ihirnong Por oh brak atip ohe meng oh 12:13

Got orhe nita bap guragur hatip hat patihanhe gospanggeit patenmur. Wan aptei han ihir apriyahanhe ambur pomat paptenmur.

1 Timoti 6:17

Timoti go kakdah morhe erernong ma kamah han hat pati ihirnong kasip mengtei porinmur. Kamah han gur kakdah timbas hapat han ohe danong ham erer ruumsan mohoh nohnong yah nahatipra ma hapat. Ihan nuhurwi yahnap hat pati han bapmur dahapri. Got orhornongwi Orhorwi yah nahatipra han ma hapat dahenmur. Ama han Got oh Ihir da yah ham amam hat ha patengwe daham erer oh yah mat orhor ruumsan napripat han ohoh ihan orhe danongwi hat patenmur.

1 Jon 3:16

Arwananah ihirnong da apris bopor deipti ohe da oh kinhat sa pat daham am hatper dahayahanhe Jisas Krais ohe namgitip danong moh daham am henmur. Ma namgitip oh oh Noh norhe danong na hatpor. Ire danong ham haputpora daham dire gwemat haputipmur. Orhe dire danong ham ma haputipru dirhe imat orhor arwananah ihirnong bopor mar papti ohe pe oh nuhurnong niyarit hapuriyahanhe yahwa daham ihirnong imat da apris bopor mat paptenmur.