Ruk oh yah meng ma brak matip ohe meng oh 11:39 - Oksapmin

³⁹ Da darhetporhan Hanipyah oh Parisi ihirnong Gure mutuh oh hanip ihirnong sum ire erer oh bisei mar adaripti ohe dao ti da ti da ohe er hat son ohe dao oh gure mutuh oh teip hat patmur. Ihat teip hat patin orhor ina teimdapat preto kapo teimdapatwi gahmara mutuhdapat na hirmar ma saripti ohe tan hat pati gurmur.

Ruk oh yah meng ma brak matip ohe meng oh 11:39 ပူးပေါင်းရင်းမြစ်များ

Jemis 4:8

Er da hat ma sapti bap gure bes tom gahmar yah deiptiru mat orhor gure ma er hat sapti danonghe imat hirmara yah mar timbas matinmur. Timbas mara gure yot da hat ma sapti oh tit da mandama tit danongwi pomtinmur. Iham sus gure da oh Got ohe duupnong hat sonmur. Hat saperhan ohhe gure duup apris nambutiprohmur.

Taitas 1:15

Hanip dire da oh mamaru hat patmur. Jisas ohe boknong ham ongeng tahat pati han dir Oh awammur ma ripti han erernong oh Moh awammur na rima yahwi hat saptimur. Jisas ohe danong na hat pati bap ihiroh Erer moh awammur daham ongeng tahatin ina hatin hat pati orhor ihir er han bap hama bisei hat patimur. Ihir er da apriporhan Moh er da sa na dahayao er da hatirhanhe Noh er hatir sa na dahayao hat pati ohoh ihan ihir er ham bisei hat pati bap ihirmur.

Aposer 5:3

Ire bes teinong matporhan Pita oh Go mong yan oh kat yan oh gutagute mandapat kat poprisa Gon popirmur ma ri oh Got orhe Yahsupnong dasuh deimur. Got orhe Yahsupnong ma dasuh dei oh Satan oh gwe mutuh isip nahat napapatin go ihat mengirmur.

Matyu 15:19

Da mutuh tarpam ma marpat han oh er da ma hapti dao hanip sutperhan ma hapuripti dao han inap ma abisei saw deipti dao bisei saw goshat sapti dao gapah hat sapti dao hanip ire boknong dasuh deipti dao ap taredapat arwananah ire sang rim aripti dao

Matyu 7:15

Porpat Jisas oh tit meng tit gipongopri. Gur ihir Nuhur Got ohe meng poripti han nuhur apriyamur dasuh nahat apriprohe ohoh ihan potahat watahat indinmur. Ihir ina teimdapat sipsip ire manap ham yah hat pati da hatin hat apripri orhor ire mutuh ohon kotwa hanip nipat han hatin hat apripri ohoh ihan gurhe inin hat orhor watahat patenmur.

Garesia 1:14

Ihama noh Juda nuranure pohon mengnong am ham dimtin ohe da oh noh han pohon han ihir hatin hapat norhorsi tap san ihirnong oh norhe hrepnong mara nohri hat sasuhmur. Nuranure pohon meng oh isip hat ha sonoh rim nohri han ham kasip hat patesuhmur.

Jon oh yah meng ma brak matip ohe meng oh 12:6

Judas ohe ama giritip oh borop han ihirnong daham na giritipmur. Oh nuranure den mohom dapti ohe mani oh ohe bes teinong mat patim oh kat mani gapah ham dar deo ihpat han ohoh ameng oh ritipmur.

Ruk oh yah meng ma brak matip ohe meng oh 16:15

Kre atperhan Jisas oh Es. Gur Nuhurnong yah hat pati hanmur ha naporingwe rim ina teimdapat yah hat sapti han bap hatin hat sapti orhor gure da mutuhnong oh Got oh wanaham am hat patmur. Hanip gure yaho por ma bopor mat papti han oh Got oh ero por dasei mat papatmur.

Ruk oh yah meng ma brak matip ohe meng oh 7:13

Imat popriptihan Hanipyah oh sup uhnong wandeipat hinhina isip tit deipat Go da er ham yimapra pongopri.

2 Timoti 3:5

ina tei oh Got ohe danong hat sapti ohe ina hatin hat sapti orhora; mutuhdapat arpin danong kasip hat na pati ohe dao ama da muk oh isip hapat ruumsup oh namkatipramur. Ihan gori ihat dahapti han ihirnong wandeipra. Kom asar tandurinmur.

Jon oh yah meng ma brak matip ohe meng oh 13:2

Satan oh Saimon ohe mon Judas Iskariot ohe danong Go Jisas ohnong mahaw ire bes teinong matin ohe nang han hatinmur por tei nuhur den dipa.

Ruk oh yah meng ma brak matip ohe meng oh 7:19

Yot han gut nohe pat aprin potporhan ihit ohe pat duupnong saperhan Gin gut susa Hanipyah Jisas ohnong Go nure Oh apripramur rim naminhan pati han oh goda da nure minhan pati han oh kopen na apin pat dahamtinmur pora ama darhetip oh.