Ruk oh yah meng ma brak matip ohe meng oh 11:29 - Oksapmin

²⁹ Gahan kuuhan ihir apris tarmuriptin Jisas oh Gin mama dik ma pati kuuhan bap gur er hat son ohe danongwi hat sapti bap gurmuro. Ihtin bap gur nohnong Gin oh wanohe na imtin hatin han tit ha namgitinoh. Namgirit Moh Got orhorsiwi ihat sapat hanhe dahatper naporiptimur. Gure ma dahapti da oh noh ti na namgipramur. Nohe ma namgitipra oh Jona ohe ma hatipru ham namgitipramur.

Ruk oh yah meng ma brak matip ohe meng oh 11:29 ပူးပေါင်းရင်းမြစ်များ

Matyu 3:7

Ihama Juda bap Parisio Sadyusio ihir Jon oh tom ha napatitinoh rim apingopari. Apriperhan Jon oh Gur ina teimdapat yah hat pati hatin hat pati orhora; damdapat inapawam bap hatin hat pati han bap gurmuro. Gurnong nih Gur tomwi wayahanoh gure er hat saperhan Got oh heisup naham er yan napinmat kakduup mamen mat ma nat pat oh dat namdatiprohmur nih naporit gur tomwi wapero daham apripti.

Mak oh yah meng ma brak matip meng oh 8:38

Gin mama pati han gur er danong hat son ohe da oh bisei saw hat hatin sapti han bap gur norhornongo norhe mengnongo oh kasna nahayahanoh kaput Hanip Brer noh norhe has da ohsi; ato yahnap hat pati ensero ire has ohsi gon gurus rim apris gurnonghe noh kasna nahatipramur pongopri.

Ruk oh yah meng ma brak matip ohe meng oh 11:16

Imtiperhan kat han ihir Jisas orhor orhe winnong daptuhur er hat ha sonoh daham ohnong Nuhur Moh Got ohe kasip ohsi patim indeipat ma hapat dahatin ohe da oh na wandeipti han tit namgitinmur. Namgirit nuhur dahatper por da akis deingopari.

Ruk oh yah meng ma brak matip ohe meng oh 11:50

Ma ritip meng oh puh gure boknongsi tap mar napor giritipmur. Ihan gin mama dik ma pati kuuhan bap gur ihtin bap hat pati ohoh ihan mong kopen ma darpa pe orhor Got ohe meng pot pisapti han ihirnong sut ma pisasheru mat orhor ginhe mama sut pisapti oh ama ohe batbet gonsi oh gur datiprimur.

Ruk oh yah meng ma brak matip ohe meng oh 12:1

Gahan kuuhan ruumsan ruumsannap tit Jisas ohe meng oh amratperim apris tambokor hahtar goshat mandangopari. Ihat patin Jisas oh orhe pinggit pisapat han ihirnong Gur Parisi ire bret ma pipirpat han ohsi nahatipririm gur ongeng taham potahat patenmur. Noh gurnong ire bret pipirpat han ohsi nahatipri ma napor oh ire damdapat tit dahapti atem teimdapat tit meng ripti ihat yot da hapti ohe tan hatipririm potahat patenmur napormur.

Ruk oh yah meng ma brak matip ohe meng oh 9:41

Gipotporhan Jisas oh Epe. Gin mama pati kuuhan gur da ban tahat orhorwi patimur. Gur nohnong Oh yah matin hanwa na dahaya moh noh gursi napapatru mama napapat oh gur desut da darhetipri pora itap ohnong Gin mon ohsi aprina pongopri.

Jon oh yah meng ma brak matip ohe meng oh 2:18

Dahatperhan Juda ire duuptei han ihir Jisas ohnong Go nihohe mengtei inahah. Ihan go hanip dire na imtin hatin han tit namgirit nuhur Moh arpin Got ohe mengtei ihpat ma hapat dahatiprohe pongopa.

Jon oh yah meng ma brak matip ohe meng oh 6:30

Potporhan ihir Go kian han hanip dire na imtin hatin han deirit nuhur wamara Arpin ohwi inahatin hatin han ma hapat dahatiprohe.

Jon oh yah meng ma brak matip ohe meng oh 8:44

Ihan ihat pati bap gure ita oh Satan ohmur. Gure ita Satan ohe Ihir ihat ha sashengwe naporpat danong ohwi hat saptimur. Ama han oh mong kopenat darpa tei orhor Noh hanip surit ha haputingwe daham hanipnongwi sum patesuhru pat han ohmur. Oh arpin dasi hat na pat han ohoh ihan arpin danong kom asar ihat sapat han ohmur. Dasuh da oh ohe bokdapatwi tarpam apripat ohoh ihan dasuh da ohe itap hat ma pat oh Satan orhormur. Dasuh da oh orhe bokdapatwi tarpapat han ohoh ihan dasuh meng rihanhe orhe pohon meng ohwi ripatmur.

1 Korin 1:22

Irat bok sur gartahatip mengnong na dahatin menghe daham ma mandapti oh Juda hat pati han ihir Nuhurnong hanip dire na imtin hatin da tit namgiritwi nuhur wandeipti am hama arpin ihat pat hanhe daham orhe danong hatper dahaptimur. Juda na hat pati han bap ihirhe Nuhurnong kakdah morhe dakuu mengwi naporiyarit nuhur Got ohe danong hatper dahaptimur.