Korosi 3:20 - Oksapmin

²⁰ Brer gurhe suanir itanir ire meng gonsi naporiya mengnong oh amram dindeinmur. Got oh Ihir Hanipyah orhorsi tap hat patim ire ihat ma sayanong oh yaho daham orhor amam hat pat ohoh ihan brer gur ire mengnongwi amram dindeinmur.

Korosi 3:20 ပူးပေါင်းရင်းမြစ်များ

Hibru 13:21

Ama imat pamsuhup han Got go gorhe ma ti da ti da dahapat danong dinahatin ohe tihan tihan kasip da oh apris paptenmur. Imat apris papatim gorhe Noh ire mutuh oh ihat patin yaho ma dahapat da oh Krais ohe heim dap tei oh nure mutuhnong namtinmur. Krais gonong nuhur dipwi armi naham napapten hano rim mameng moh napormur. Arpinwa.

Korosi 1:10

Imat ma nadahandeipti oh Hanipyah orhe hrepdapat hat patim yah hat sapti dao orhe bopor mat pat ohe dao ama da ohsiwi hat ihir ihat ha sashengwemur. Ihat susa Got gorhornong am hatin ohe dao yah hatwi sashen ohe dao oh isip hat ha sashengwemur.

Matyu 19:19

Suanir itanir ire danong ham ire mengnong oh pomat amram dindeinmur. Arwananah ihirnonghe gorhe ma yah hat inpora ma dahapat da orhor ihirnonghe amaru mat bopor deinmur. Ama sawa meng muk oh go amram dindeinmur pongop.

Taitas 2:9

Kakdah mama ire be ha atamreingwe rim ire hrepnong naham nang natpat napapti hatin hat pati han ihirnonghe Gur guragure imat ma napapti han iraire danong ham iraire atamreindin meng oh naporiyahan gur ama ihat tamreindin ma naporiya mengnong oh amkaripri. Gonsi amram ihenmur. Ihama ihir Nuranure natamreipti han maihir nuranure poriya meng oh amram yah hat orhorwi natamreiptimur daham amamsi hat ha patengwe rim gur yah hat orhorwi atamreinmur. Gur ire naporiya mengnong sakarap mar guragure dahapti danongwi hat sasipri. Ire ma naporiya mengnong amram ihenmur.

Epesas 5:24

Inahat napapat ohoh ihan sios dir Krais orhe hrepdapat hat patim meng ma amram dindeiptiru hat orhor kuu gurhe imanir ire hrepdapat hat patim ire meng gonsi amram dindeinmur.

Piripai 4:18

Gure Epaprodaitas ohe kintei ma natiri oh oh popris napriporhan noh gonsi datirmur. Darpat gin na hatip hama ruumsan hat orhorwi patmur. Ma natiri oh Got ohnong apop gapgwesi mar atendeiyarit oh gapgwe mar da yah hapatru mat orhor Got ohnong da amam mar nohnonghe natirimur.

Korosi 3:22

Kakdah mama ire hrepdapat hat patim be ma atamreipti han bap gurhe guragure napapti han ire naporiya meng gonsi oh amram ihenmur. Gur ire kinteiwi Moh yahnap hat tamreipat hanhe ha dahatingwe rimwi ihat tamreipri. Kakdah mama wanahat pat han oh ti na pat orhor diradire Hanipyah Krais ohra wanahat patwa. Ihan orhe kintei moh dir yah hat orhorwi tamrein patepera daham arpin da ohsi yah hat orhorwi atamrein patenmur.