Korosi 3:12 - Oksapmin

¹² Got oh gurnong Maihir norhe nita bapmur napor kis nahapat orhe hrepnong naham bopor naham norhe nita han bapo rim ongeng nahat napapatmur. Ihat napapat ohoh ihan gur Orhor imat napapat ma hapat daham hinhina goshat indin dao yah da gosapris gospanggeit indin dao guragure winnong na daptuhuripti dao manap da deipti dao kapkap irhaha na deipti dao ama dahapti danong ohwi isip hat patenmur.

Korosi 3:12 ပူးပေါင်းရင်းမြစ်များ

Matyu 24:22

Ihtin batbet sup ma apripra oh Got oh na hatip matipraneng kuuhan gonsi timbas hatiprinengmur. Orhor Maihir norhe nitamur por orhe nita mat papat han ihir gonsi timbas hatipririm hatip matipramur.

Matyu 24:24

Ihir Noh arpin Kraismur. Noh arpin propetmur napor Got orhe Maihir norhe nitamur por kis nahat napapat han gur guragure arpin Gotnong mandama ihirnong ha dimtingwe rim gure kintei wandeipti na wandeipti han deiyao hat dasuh nahat apripri ohoh ihan gur ire meng amrapri. Gur Got ohe kis nahat napapat brer gur ohoh ihan gur ihtin mengnong oh na amratin inasi hat pati bap gurmur.

Matyu 24:31

Wanahatperhan Got ohsi pati han enser ihirnongri darhetipramur. Darhetporhan ihir pong pong poripti han ohsi pong pong rit ut apriprimur. Aprisa aw pe mong pe mong mong moh gonsi Got orhor Maihir norhe nitamur por orhe han ma mat papat han ihirnong oh ruprup mar ambutiprimur napongop.

Mak oh yah meng ma brak matip meng oh 13:20

Ihtin batbet sup ma apripra oh Got oh na hatip matipraneng kuuhan gonsi timbas hatiprinengmur. Orhor Maihir norhe nitamur por orhe nita mat papat han ihir gonsi timbas hatipririm ama ihtin ruumsup batbetnong hatip matipramur.

Mak oh yah meng ma brak matip meng oh 13:22

Ihir Noh arpin Kraismur. Noh arpin propetmur napor Got orhe Maihir norhe nitamur por kis nahat napapat han gur guragure arpin Gotnong mandama ihirnong ha dimtingwe rim gure kintei wandeipti na wandeipti han deiyao hat dasuh nahat apripri ohoh ihan gur ire meng amrapri. Gur Got ohe kis nahat napapat brer gur ohoh ihan gur ihtin mengnong oh na amratin inasi hat pati bap gurmur.

Mak oh yah meng ma brak matip meng oh 13:27

Wanahatperhan Got ohsi pati han enser ihirnongri darhetipramur. Darhetporhan ihir aprisa aw pe mong pe mong moh gonsi Got orhor Maihir norhe nitamur por orhe han ma mat papat han ihirnong oh ruprup mar ambutiprimur pongopri.

Ruk oh yah meng ma brak matip ohe meng oh 1:78

Got orhor manap dasi naham hinhina nahapat han ohoh ihan orhor dirnong namburin han ma napripra oh atan maras mong da deipat hatin han oh dirnong napripramur.

Ruk oh yah meng ma brak matip ohe meng oh 18:7

Got orhe nitao rim kis nahat napapat bap gurnong oh kwitem timbas mong da timbas dipwi ohnong dahamatwi ayahanoh oh namram na napanggeitiprohda. Basra. Oh sunhat na patema kapkap orhorwi namram yah mat napanggeitiprohmur.

Rom ihirnong Por oh brak atip ohe meng oh 1:7

Ama orhor kis nahat napapat guroh Got orhor gurnong bopor naham Moh norhe nitamur napor kis nahat napapat han bap gurnong noh mama brak mat nasar ohmur. Gure paten ohe meng oh noh diradire At Got ohsi; diradire Hanipyah namburin han Jisas Krais ihitnong Gut taman gutagute damdapat Imat yah matpera ma dahapti da ohsi yah mat paptenmuro. Paptim yah ham manap hat paten ohe dasi mat paptenmuro por gure paten meng oh noh nadahandeipatmur.

Rom ihirnong Por oh brak atip ohe meng oh 13:14

Ama ihat son ohe er da oh mandama Krais orhe yah da oh gon gurus rim orhe da hatin ham yah hat orhorwi sashenmur. Guragure ina teimdapat er da tarpam Noh ihtipora ihtipora daham ihat son ohe danong ohri hat sasipri. Ama danong oh kom asar mandama yah hat orhorwi sashenmur.

Rom ihirnong Por oh brak atip ohe meng oh 9:11

Ama brer yot oh kopen na it patin orhor ite sasiprinong oh yah hat sasiprido da er hat sasiprio na wamar hanhan hat patin orhor Got oh Ohri ma wandapra han oh kom ma wandapra han ohe hrepnong mat paptepramur ritipmur. Ma ritip oh Got oh Ama han ohnong noh ihtin han matipramur daham ma kis deipat da oh hanip dire ihat saya ohe pe oh imat na kis deipatmur. Orhe Noh imtipora ma dahapat ohe pe ohwi kis deipat han ma hapat ha dahengwe rim ama da oh imtipmur.

1 Korin 13:4

Hanip ihirnong da apris bopor deipti da oh dire mutuh patin oh dir hanip ihirnong kapkap heisup na mara manap da tei orhorwi pomar paptimur. Hanip ihirnong da apris bopor deipti da oh dire mutuh patin oh arwananah ire ihat patinong asohwi wamara Noh ihat patnengo ihir ihat na patinengo gidaham abopor deipti dao Nohwi ihtin han hat patwa daham armi tahat sapti dao ama da oh dire mutuh oh ti na pat hatiprohmur.

2 Korin 6:6

Ihat patim da ongeng mat pisayao dakuu hat ayao kapkap it diteim potin danong na hayao hanip yah mat papindin ohe danong hayao Got ohe Yahsup ohe ma inahat napapat danong hayao ihirnong ina mutuhdapat bopor mat indin ohe danong hayao ihat pati han bap nuhurmur.

Garesia 5:6

Jisas Krais ohsi tap hat ma pati dirnong oh Got oh eit watah gatmatperhan ama gatdeiya ohe pe oh Go yah hanmur naporpatda. Na gatdeiyahanhe ama na gatdeiya ohe pe oh Go yah hanmur naporpatda. Basra. Ama gatdeiya na gatdeiya hapti ohe pe oh na ginaporpatmur. Jisas Krais ohe tapnong hat patim Ohwi inahatin hatin hanwa daham ihirnong bopor mar panggeipti ohe da ohwi Got oh wanaham Go yah hanmur naporpatmur.

Epesas 1:4

Ama bapkei naham napripat da oh rih orhor mong kopen na darpat patin orhor Got oh dirnong Maihirnong kaput krais orhe dap teidapat norhe nita bap matipramur. Indeipat norhe hannap matporhan ihir yah hat ongeng tahat orhorwi saya apriya hat paten han bap mat paptepramur daham ihat paten han bap nahat napapatmur.

Epesas 4:2

Gur yah danongwi hat ha sashengwe rim kis nahatip ohoh ihan guragurnong winsi han na hayao ahar manap mengteiwi meng poriyao hat sashenmur. Ihat susa ihirnong kapkap heisup na mar manap da tei orhor bopor mar da apris paptenmur.

Epesas 4:24

Kopenohe da oh orhap gon gurus napotporhan ama kopenohe da ohsi hat patim saya apriya hat patenmur. Ihat kopenohe han bap hat patima Got orhe arpin duungnap dasi ham ongengnap tahat pat da hatin ham orhor hatin han bap hatinmur napotperhan gur amram am hatpamur.

Epesas 4:32

Mandapti ambar gap yah da tei andeh hinhina gosham da gosapris patenmur. Ihat patim Got oh dire er hat saya ohe pe yan oh Krais orhe boknong mar dat namdatipru hat orhor arwananah ire ma imat er nahaya danong asohhe ithe dahapri. It na daham Got oh dire er danong it yansi na naham eimat hanhan mar namdatipru mat orhor gurhe amaru mat orhor hanhan mar mandanmur.

Piripai 1:8

Noh gure danong ham ma bopor nahat napapat oh Krais orhe dirnong ma bopor nahat napapat da hatin hat orhor gurnong bopor nahat napapatmur. Noh imat bopor nahat napapatmur ma naporpat mengnong oh Got oh Arpin meng porpat ma hapat daham am hat patmur. Norhor imat bopor nahapat gursi diradir tap hat patineng rim gure danong ham pitning hapatmur.

1 Tesaronaika 5:15

Er nahayahanhe gurdapathe it yansi mar er deipri. Nohdapat ihirnong yah dawi mat paptepora dahat orhorwi panggeit paptenmur.

2 Timoti 1:9

Ama pang inasi nahapat Got oh Norhe nita ongeng mat papat brermur napor nambutin inasi nahat napapatmur. Nambutin inasi nahat ma napapat oh diradire yah hat saya apriya hapti ohe pe oh na namburpatmur. Orhe damdapat orhor Noh maihir imat yah matiprawa daham ama ihat dahah ohe pe ohwi orhor namburpatmur. Ma inahapat da oh rih mong moh na tarpat patin orhor Got oh Noh kaput Krais Jisas ohe dap teidapat ihirnong imat ambutiprawa dahat patesuh ohe pe oh dirnong namburpatmur.

2 Timoti 2:10

Na timbas matin meng ohoh ihan noh ruumsupsi hat orhor pot pisapatmur. Pot ma pisapat oh Got oh Ama han ihir norhe brer matipramur ma dahat pat bap ihir Krais Jisas ohnong Ohwi inahatin hatin han ma hapat daham Got orhorsi eimat yahnap hat ma patepri da oh ha datingwe rim noh ruumsupsi hat orhor pot pisapatmur.

Taitas 1:1

Por noh Taitas gonong mama brak mat nasar ohmur. Norhornong oh Got oh Por go norhe natamreio Jisas Krais ohe meng pot pisao hen han gonong norhor kis nahahmur napor kis nahat napat han noh Taitas gonong mama brak mat nasar ohmur. Kis nahat napapat han ohoh ihan Got oh Maihir norhe nita mat papat bap ihirmur por kis mat papat han ihir Got ohwi inahatin hatin hanwa ma dahapti ohe danong oh pomat orhorwi daham ha am hengwe rim noh mama ihat atamreipat ohmur. Got oh Ihir ihat ha songwe ma dahapat ohe yah danong hatin ohe arpin meng oh am hat ha songwe rim noh mama atamreipat ohmur.

1 Pita 1:2

Rih orhor At Got oh gurnong Noh mama han moh norhe nita matipramur. Matinmat oh norhe Yahsup ohsi norhe ongeng mat papten brer matipramur. Mara Jisas Krais orhe heim dap tei oh ire er gap yan oh ahirmatporhan orhe mengnongwi sa dimtipri daham kis nahatipmur. Ihat kis naham napapat han norhor gure ihat paten meng oh noh Got ohnong At Gota. Gorhe damdapat daham Ihirnong noh imat yah matpor ma dahapat da ohsi; manap goshat yah hat paten da ohsi ire mutuhnong isip mat orhor apisashenmur por nadahandeipatmur.

2 Pita 1:10

Nohe taptema. Gur ire ihapti da hatin hapririm noh tit meng tit napotiprohmur. Got orhor Maihir norhe nita matipra han ihirmur napora kis nahapat orhe nita naham napapat bap gurmur. Gurnong inahat napapat bap gur ohoh ihan ihir wanahama Maihir arpin Got orhe kis mat papat han bap ma hapat ha napotingwe rim gur ire kintei arpin yah mengnong dahama yah hat orhorwi saya apriya hat patenmur. Ihatwi saya apriya hat ayahanoh gurnong ma er naham timbas nahatin mandap oh timbasmur.

1 Jon 4:19

Da apris bopor deipti da oh Got orhordapatri dirnong bopor nahatporhan dirdapat it orhornong bopor deiya hanip ihirnong bopor deiya haptimur.

2 Jon 1:13

Gorhe taptem Got orhe kis mat papat arwanir uhe brer maihir Kuu gohe sa pato rim maihir dahatahatperhan noh mama brak mat nasar ohmur. Gin Jon nohe bok meng moh kimur.

Erer tarpatipra 17:14

Ihat ma indipri oh ihir sipsip bap ohsi gusutiprimur. Gusupti sipsip bap oh orhapnap hanipyah hat pat han ohoh ihan orhapnap kakhan hat pat hanmur. Orhapnap ihtin han ohoh ihan ohdapat ihirnong ambapte mara orhe hrepnong matipramur. Orhoro orhordapat Gur nohe nitamur potporhan ma ohe danong ham na mandam pan ham dindeipti bap ihiro ihirdapat ihirnong ambapte matiprimur napongop.