Korosi 2:14 - Oksapmin

¹⁴ Dire er hat sapti ohe pe yan oh it yansi na naham hanhan mar ma namdatip oh dire boknong Kaput gur er yan datiprimur napor dire boknong mar ma brak mat itip meng braknong oh amkara natimbas matipmur. Ama brak oh amkar ma natimbas matip oh Krais orhe sur garmatpa irat bok andeh sur garmar ha su hatin mara eimatnap sum natimbas matipmur.

Korosi 2:14 ပူးပေါင်းရင်းမြစ်များ

Ruk oh yah meng ma brak matip ohe meng oh 1:6

Ite gamin dahe Got ohe kintei duutin dasi hat orhorwi susa Got ohe sawa mengo orhe porpat mengo ohwi rum mutuh matwi dindeishemur.

Aposer 3:19

Ihan gurhe Nure ihat er hapti da oh mandatpera daham kom asar mandatinmur. Kom asar mandama Got oh nure er gap oh hirmat ha namdatinohmur.

Korosi 2:20

Haputpa han ihir diradire kakdah mohe daham ripti ohe duuptei meng hrepnong it apris patida. Basra. Ihir haputpa ohoh ihan kinhat it apris ama kakdah ohe pohon danong hrep hatiprohe. Amaru hat orhor Krais ohsi tap hat ma pati gur orhorsi tap hat haputpa hatin hat pati ohoh ihan gur kin hat it ama ohe meng hrepnong hatiprohe. Ama meng hrepnong hat na pati ohoh ihan ama meng hrepdapat hat pati hatin hat patim amengnong ohri amrapri.

2 Tesaronaika 2:7

Ama ernap han oh pitap teinong hatiprarim gaheimat papat orhor ama han ohe er da oh ahar tarpat sapatmur. Ahar tarpat sapatin orhor pitap hatiprarim mandap gaheimat papat han Satan ohnong Got oh dar wan teinong mara ernap han ohnong pitap teinong matipramur.

Hibru 7:18

Ama wan han ohnong kis mar hanat bok han ma matip oh rihohe sawa meng oh kasip timbas dam na tarpam na napanggeitin mengo rim mandama wan han ihirnong hanat bok han matipmur.

Hibru 8:13

Hanipyah oh Noh kopenohe wan meng tit rit natipramur ma ritip oh rihohe rit natip meng ohe tamreindin oh timbas hah ma hapat daham giritipmur. Ama tamreindin timbas meng oh watah wanin daphot mandatperhan timbas hat sapat ohe tan timbas hatin kakduup hat patmur.

1 Pita 2:24

Ihat yah hat patdapat Ire ma er danong hat sapti da oh hapur sus erer ma hanhan ham mandapti ohe tan mat er danong sa mandatipri. Mandama yah hat son ohe danong oh da patim kasip hat saya apriya hapti da hatin hat orhor sa patepri daham dire er hat sapti ohe ina ruumsup batbet oh orhe boknongwi mar irat bok sur gartaham haputipmur. Orhe ina boknong batbet dar ma er hatip oh dire er hat sapti danong moh oh nasi mar yah nahatporhan dir gin si ham yah hat saptimur.