Korosi 2:12 - Oksapmin

¹² Gure orhe boknong ma hat pati oh mamarumur. Gure tom ma wahiri oh orhorsi tap hat hapura orhorsi tap mat mong temnong sein ha nasariya hatin hatirimur. Hapti it tom dahdapat kot teinong ma marhuri oh Krais ohsi haput patimdapat tap hat it ha masaya hatin hatirimur. Ihat it masaya hatin ma hatiri oh gur Got oh kasipsi hat pat han ohoh ihan orhe kasip ohsi krais ohnong ma pamsuhupru mat orhor dirnonghe imat it napamsaprawa daham ama dahaya ohe pe oh Krais ohsi it masaya hatin hatirimur.

Korosi 2:12 ပူးပေါင်းရင်းမြစ်များ

1 Pita 3:21

Tom hru dahdapat orhor ma ambutip oh kaput Norhe kuuhan ihir tom waperhan mimat ambutipramur rim namgitipmur. Gin ma namgitipru hat orhor dir tom waperhan namburpatmur. Tom ma wapti oh sirap tambor hirmat mandatinmat na waptimur. Hanip ire kintei Nohe da ohri gin Got orhe kintei oh ongeng matwi paptepramur rim tom waptimur. Ama ihat waya ohe pe oh Got oh Krais ohe hapur mashup dap tei oh dirnong namburpatmur.

Garesia 3:27

Napotporhan Gin nuhur Krais orhe nitamur rim tom waptimur. Orhor hatin ham orhe nitao rim tom waptimur.

Aposer 2:24

Sutperhan haputip orhor haputin da ohdapat ohnong na ambapte matin han ohoh ihan Got oh it da pamsasa hapur ma batbet hah da oh dat amdatipmur.

Epesas 3:17

Papatin ihir Krais orhorwi inahatin hatin hanwa ma dahapti ohe dap tei oh Krais orhor ire mutuhnong ham ha patenohmur. Ihat patin Got gorhornongsi; hanip ihirnongsi bopor mar da apripti ohe da oh ire mutuhnong ha hatinohmur. Hama irat kaker oh mong mutuhnong yah hat wasa iratnong ma kasip deipatru hat orhor bopor mar da apripti ohe dahe ihat orhor ha kasip deinohmur.

Rom ihirnong Por oh brak atip ohe meng oh 4:24

Na potipmura; dire Hanipyah Jisas ohnong ma da pamsuhup han Got ohnong Arpin inahatin hatin hanwa ma dahapti han dirnongsi tap mat ginapotporhan brak matpamur. Norhornong ihat ma dahat pati han bap ihirnong Gur yah han bapmur potipramur daham dire boknong tap mat napotporhan brak matpamur.

Epesas 4:5

Dire Hanipyahhe tit hanwimur. Orhorwi inahatin hatin hanwa dahatperhan ohe nambutin mandap kat oh tit pokwimur. Tom ma waptihe win oh tit han orhe winwi rim tom waptimur.

Epesas 2:8

Ama orhe damdapat Yah matpora daham ma namgitip da ohsi namburpatmur. Hanip dirardire kasip hat saya ohe peo yah hat saya ohe peo ama ihat saya ohe pe oh Got oh na namburpatmur. Ohwi inahatin hatin hanwa dahatperhan orhe damdapat Noh ihirnong imat yah mar ambutpora dahapat da ohsi dirnong namburpatmur. Imat dirnong namburpat ohoh ihan dir kinhat diradire yah hat saya ohe pe nambur napapatmur rim armi tahatiprohe. Ihat armi tahatin da oh timbasmur.

1 Korin 15:20

Got oh Krais ohnong it da na pamsuhupneng dir er hat patinengmur. Ohnong it da pamsuhup ohoh ihan dirhe gin mama yah hat pati ohmur. Ohnong imat ma pamsuhup oh dir Ohnongri imat pamsuhup ohoh ihan dirhe haputperhan amaru mat orhor dirnongri napamsaprawa dahat patimur.

Hibru 12:2

Sakatinmat oh dire Got ohwi inahatin hatin hanwa ma dahapti da ohe duuptei oh Jisas orhe bokdapatwi tarpam patmur. Tarpam patdapat ama da ohsi dirnong yah nahapatmur. Inahat pat hano rima orhornongwi kin duung pot orhorwi sakarinmur. Jisas oh Itap ohe mamen mat nat pat amam da oh noh datiprawa daham batbet datin ohe danong na hamo irat bok sur garnaham kas inasi sa nahatipri ohe danong oh dasei deio deipat irat bok sur gartaham batbet dar haputipmur. Hapur susa masas susa itap Got orhe tongnot pat tei bes oper tandapat tongnotipmur.

Piripai 1:29

Got oh gurnong Ihir Krais ohe danong ham atamreipti ohoh ihan noh ihirnong mama yah da yot moh apripora daham Krais oh arpinhe dahatin ohe da ohsi; orhe meng poriya ohe pe oh batbet datin ohe da ohsi yot mat napin patmur. Ama da yot oh Got oh yaho daham yot mat napin patmur.

Epesas 5:14

Tit has teinong ma hapti ohe meng oh mamaru hat riptimur. Hapura timon pat han go kin wataham masona. Masporhan Krais orhe has ohsi has teinong nahatiprohmur riptimur.

Epesas 3:7

Ama namgitip yah meng oh Got orhor orhe damdapat Noh Por ohnong norhe yah meng moh pot pisashen han kis matpora daham ihtin tamreindin ina nahat napapatin noh orhe kasip ohsi mama ihat atamrein sapat ohmur.

1 Korin 12:13

Dir ihat trun han bap hat pati orhor tit inawi hat ma pati oh mamaru hat patmur. Juda hat pati han bapo Juda na hat pati han bapo ire hrepdapat nang tatpat patim be atamreipti han bapo ire hrepdapat nang na tatpat patim be han hat pati han bapo ama trun han bap hat ma pati han bap dirnong oh Got oh orhe Yahsup oh dire mutuhnong namtiporhan dir tap hat patim tom wasa Krais ohe ina ohsi dir tit inawi hat patimur.

Rom ihirnong Por oh brak atip ohe meng oh 7:4

Gin gure Krais ohe hrepnong hat ma pati oh kuu uhe han oh haputporhan sawa meng hrepdapat hat na pat hatin hat patru hat orhor gurhe ihat sawa meng hrepnong hat orhor gur na patimur. Gure ma ihat pati oh Krais ohe ma haputip dap teimdapat sawa mengnong tap mat hapur ha mandaya ina hatin hat patimur. Ihat patim ama wan han Got orhe pamsuhup han orhe hrepdapat hat patim orhe danong hat patimur. Ihat patim Got orhornong winsi mat ha pisashengwe rim yah da hat orhorwi saptimur.

Aposer 14:27

Desa Antiok aptei oh koripti Gin sios bap ihir ha tarmutingwe ritperhan ihir tarmutperhan ihirnong Got oh Juda na hat pati han ihir Jisas ohwi inahatin hatin hanwa dahatin ohe mandap oh amanhetporhan ihir Arpin ohwi inahatin hatin han ma hapat dahatirimur pora Got oh ite bes teidapat imat panggeit pihir ohe meng oh gonsi potpari.

Ruk oh yah meng ma brak matip ohe meng oh 17:5

Jisas oh ameng oh potporhan orhe mengtei meng pot pisapti han ihir ohnong Hanipyaha. Nure gonong Ohwi inahatin hatin hanwa dahapti da oh gar hat pat ohoh ihan go isip mat napisonmur potpari.

Aposer 2:32

Gahan por ma brak matip mengru mat orhor Got oh Jisasorhornong arpin it da pamsuhupmur. Pamsaporhan nuhur wamar am hatirimur.

Korosi 1:29

Imat orhor noh meng pomat pot pisapor daham kasip hat orhorwi tamreim napot napisapatmur. Noh imat napot ma napisapat kasip oh Krais orhe kasip oh yah mat orhor napot napison inasi nahat napapatin ama kasip ohsi napot napisapatmur.

Korosi 2:13

Gur rih guragure da oh eit watah na gatmat pati hatin hat patin ina mutuh orhap tarpam er nahapat danongwi dimara er danong hat ma sashe oh haputpa da hatin hat pateshemur. Ama ihat da ohsi hat patin orhor Got oh ama ihat pati danong it yansi na nahama hanhan mar namdama Krais orhe tapnong nahama orhorsi yah hat paten ohe da oh nahat napapatmur.