Jut ohe brak mat atip ohe meng oh 1:24 - Oksapmin

²⁴ Dir er danongwi ham Got orhornong mandam wandapririm orhordapat dirnong kasip naham orhornong na mandatin inasi nahapatmur. Inahat ma napapat oh orhe has yahnap duupnong napisonmat oh amamnap ongengnap ina ohsi nahat napapatmur. Ihtin inasi nahat napapat Got ohoh ihan orhornongwi armi mar paptepera daham armi marwi paptenmur.

Jut ohe brak mat atip ohe meng oh 1:24 ပူးပေါင်းရင်းမြစ်များ

2 Timoti 4:18

Ma nambutirru nahat orhorwi Hanipyah oh er nahatin han ire atem teidapat orhorwi namburipramur. Nambura orhe napapat teinong nahatipramur. Ihtin han orhor dirnong imat napapat ohoh ihan dir Weso por armi mar papten han oh orhorwimur. Arpinwa.

Epesas 3:20

Dir Got orhe kasip oh inahatporhan ihat kasipsi han hat pat ma hapat dahapat orhor ama dire am hapti kasip oh garpokmur. Orhorsi pat kasip isipnap oh dirhe am hamo dahamaro na hatin ohe wanohe kasip ohmur. Ihtin kasipsi han hat pat ohoh ihan Krais orhe tapnong ham Got orhe nita sios dir orhornongwi win adaptuhur dipdipwi armi marwi paptiru hat orhorwi papteprinapmur. Arpinwa.

Korosi 1:22

Imat Got ohnong mahaw mat papteshe orhor Got orhe damdapat Noh ihirnong norhorsi yah hat paten han bap matpor daham orhe heisup nahat napapat da oh mon orhe ongengnap tahat pat boknong matporhan mon oh haputipmur. Haputporhan mon oh dire gwemat hapur ohe dap tei amdapat dirnong orhorsi yah hat paten han bap nahatipmur. Ma inahatip oh Maihir ongengnap ham ire boknong matin meng timbas hat patim nohe patnong ha apringwe daham inahatipmur.

2 Korin 4:14

Nuhur dahat patimur. Got oh Jisas ohnong it da pamsuhup han ohoh ihan Jisas orhe dap teimdapat dirnonghe imat orhor napamsapra ma hapat. Napamsasa gursi diradir tap naham orhe pat teinong napisus napaptepra ma hapat dahat pati ohoh ihan gurnong meng mama naporipti ohmur.

Erer tarpatipra 14:5

Ihir dasuh da oh timbas hama yah hat paten ohe danong ongeng mat papteshe han ihirmur. Ama ihiroh irairwi am hatin ohe kopenohe ga oh riptingopa.

Rom ihirnong Por oh brak atip ohe meng oh 8:31

Got oh imat kis naham napapat han ohoh ihan dire boknong er nahatin han oh nih. Dire boknong naham er nahatin hanhe eimat timbasnapmur.

Matyu 16:27

Hanip Brer nohe ma apripra oh at ohe has da ohsi nahatporhan enser ihirhe nuhur tap hat apriprimur. Aprisa gure ma ihapti ohe pe oh it napripramur.

1 Pita 4:13

Es. Noh Krais orhe nita hat pat ohoh ihan nohhe Krais orhe darisuh batbet orhor hatin hat darpat ma hapat daham amam ham batbet dat sashenmur. Amam hat saptin orhe amam armi has da ohsi pepe dik ma pitap hatipra dik oh nohhe amam isipnap datiprawa daham amam hat orhor patenmur.

2 Korin 11:2

Got oh gurnong Ihir ongeng tahat ha patengwe ma dahapat da hatin hat orhor nohdapathe gurnong ihtin da orhor hat ha patengwe dahat napapatmur. Imat ma napapat da oh kuu tap oh han ohnong Gwe kuuhe mohmur pora han ohe boknong kis deipat it itap orhe hrep ongeng mat apapatru mat orhor noh guragure han tit hanwi Krais orhe inapir gurnong mihih mat napapatdapat kaput iman Krais orhe boknong nahatipra rim noh gurnong ongeng naham mihih nahat napapatmur.

2 Korin 4:17

Gin mohnong dahenmur. Gin matei patim ina ruum daripti moh kakun garpok tit dariptimur. Kimsi komdapat ma dat patepri da oh na timbas ham eimat isip yahnap hat paten da datiprimur. Ama eimat yahnap da datinmat oh gin kakun ruumsup daripti ma hapat dahaptimur.

Matyu 5:12

Gur Ma inahaya moh rih Got ohe meng porishe han ihirnong ma indeisheru ginhe nohnong inahapti ma hapat. Noh kaput Got ohe pat tei yan isip datipra ma hapat daham amam henmur pongopri.

Rom ihirnong Por oh brak atip ohe meng oh 14:4

Imat ero poripririm mohnong dahenmur. Tit han orhe atamreipat hannong asoh Moh er hat atamreipatmur apotiproheda. Basra. Ama nita han orhorwi Go er hat tamreipatmur. Go yah hat tamreipatmur porpatmur. Ama han ohnong Hanipyah oh Oh er hatiprarim kasip mat papat ohoh ihan ohnong er hanmur na potiprohmur.

Jut ohe brak mat atip ohe meng oh 1:21

Ihama Got orhe bopor nahat napapat mutuhdapat orhorwi hat patepera daham orhe bopor nahat napapat mutuhdapat hatwi orhor patenmur. Patim Hanipyah oh hinhina naham orhorsi eimat yah hat paten ohe dasi nahatiprawa daham minhan patenmur.

Korosi 3:4

Gin gurnong tare nahat napapatmura; kaput paten dasi nahat napapat han Krais ohnong ma pitap matipra oh orhorsi ma pati bap gurnongsi tap mat has dasi naham tap mat pitap teinong nahatipramur.

Korosi 1:28

Nuhur Krais oh ihat pat hanmur pot ma pisapti oh among among gonsi ma pati kuuhan gonsi gurnong sawa meng moh nasariptimur. Sawa meng ma nasaripti oh Krais ohsi tap hat ma pati guroh orhe da ohsi tap kat titwi ha hatingwe. Ihat tap kat hat patimdapat Got orhe kin teinong mar pitap teinong matipriwa daham mama sawa meng moh han gonsi bap gurnong sawa nasariyao dakuu meng napor am nahayao nahat meng napisaptimur.

Ruk oh yah meng ma brak matip ohe meng oh 9:26

Gur norhornongo norhe mengnongo oh kasna nahayahanoh kaput Hanip Brer noh norhe has da ohsi; ato yahnap hat pati ensero ire has ohsi gon gurus rim apris gurnonghe noh kasna nahatipramur.

Matyu 25:31

Jisas oh naporpat Hanip Brer nohe it ma apripra oh amam armi inasi ham Got orhorsi pati han enser ihirsi tap hat apripramur. Aprisa mong ohe kakhan ire tongnopti tei hatin tongnotipramur.

Matyu 19:28

Por dahamtiporhan Jisas oh Noh arpin meng napotiprohmur. Kaput rihohe mong erer moh timbas ham kopenohe ina ma hatipri dik oh Hanip Brer noh armi nahatin ohe hassi han hama tongnom napapindin tei ohe tongnotin oh norhor datipramur. Dara gurnong nasamo ham napaptepramur. Napapatin mama guragure erer mandam nohnong dinahapti han gurhe kakhan ihir iraire tongnopti tei tongnoma ihirnong ma wamat paptiru gurhe tongnoma Isrer ihirnong gure hrepdapat mar wamat indiprimur.

Jemis 2:10

Gur Nuhur garpok ihya moh sawa mengnong na amkariya ma hapat dahapri. Basra. Garnong oh amkariyahanoh gonsi sawa mengnong amkar er deiptimur.

2 Pita 1:10

Nohe taptema. Gur ire ihapti da hatin hapririm noh tit meng tit napotiprohmur. Got orhor Maihir norhe nita matipra han ihirmur napora kis nahapat orhe nita naham napapat bap gurmur. Gurnong inahat napapat bap gur ohoh ihan ihir wanahama Maihir arpin Got orhe kis mat papat han bap ma hapat ha napotingwe rim gur ire kintei arpin yah mengnong dahama yah hat orhorwi saya apriya hat patenmur. Ihatwi saya apriya hat ayahanoh gurnong ma er naham timbas nahatin mandap oh timbasmur.