Jut ohe brak mat atip ohe meng oh 1:23 - Oksapmin

²³ Kat han ihirnong gur wandeiyaoh er irat has teinong wayon inasi hat patihanhe kapkap gasnang pora amburinmur. Kat han ihirnong gur wandeiyaoh hanip diradire er hapti danong dimar er hat patihanhe gur hinhina mar ihirnong panggeinmur. Iraire ina er mar bisei mat papti da moh nohe boknongheri hatipra daham kas ham inin hat patim orhor panggeinmur.

Jut ohe brak mat atip ohe meng oh 1:23 ပူးပေါင်းရင်းမြစ်များ

1 Timoti 4:16

Gorhe ma yah hat sapat danongo Got orhe meng pot pisapat mengnongo ohnong er matipririm kinkin dahat orhorwi tamrein sashenmur. Ihat orhorwi sapatin gwe ma ihpat ohe pe oh gorhornongsi; gorhe meng ma amraya ihirnongsi eimat nambutin inasi naham nambutipramur. Ihan kinkin da hat orhorwi tamrein sashenmur.

1 Korin 15:33

We. Gurnong ihtin meng napor dasuh nahatipririm mohnong dahenmur. Nuhur er han ihirsi tap hat sayahanoh ire da moh nuhurnong napriprohe ma hapat daham ire tapnong hatheri patepri.

Erer tarpatipra 3:4

Gure ma yah hat sapti oh mamaru hat saptiri. Uut han Sardis aptei pati uut han gur guragure watahnong na sirapsi mar ongeng mat pisaptiri. Ama guroh guragure yah hat sapti ohe pe oh watah has nameinap hatin ara orhorsi paten inasi hat pati gur ohoh ihan watah has nameinap hatin ara orhorsi patepriri.

Erer tarpatipra 3:18

Gur ihat patio rim oh mama sawa meng moh naporpatri. Gur arpin kamah han bap hatinmat oh orhe gor kwei temtiperhan gornap orhap hatip gor oh mohotinri. Watahhe has nameinap hatin oh mohoma wanahatipririm ina bokwi hahram hat pati oh andinri. Kin watahatinmat hamha kaker tom gap oh dara kin hirmatinri.

Rom ihirnong Por oh brak atip ohe meng oh 11:14

Noh imat ma gurnong meng napot napisapat ohe pe oh tap han bap Juda nuranur ihir gurnong wanahama Ihir Got ohe bapkei mat papat danong ham ihat patihe. Ihan dirhe ihat orhor Got ohe danong hatpera dahatperhan Got oh kat ihirnong ambutin dasi mar ha ambutinoh daham noh Juda na hat pati bap gurnong imat meng napot napisapatmur.

2 Tesaronaika 3:14

Nure napor brak nasariya meng moh tit han tit amrama na dindeihanoh ama han ohnong dason mara am hat patenmur. Ihat patim ama ihpat han ohe tapnonghe ham patepri. Gur ihat patin orhe ma ihpat da oh Noh ihat patin ihir nohnong kasna naham inahapti ma hapat daham sa am hatipra.

1 Korin 3:15

Nandotporhan timbas hahhanhe Moh yah hat na natamreisuh han ma hapat daham yah yan oh na napripramur. Yah yan oh na napripra orhora; hanip orhornong oh eimat paten dasi hat pat han ohoh ihan ayapok tautiporhan amburipti ohe tan mat it nambutipramur.

2 Korin 5:11

Hanipyah oh gonsi dirnong nasatiprao rim nuhur kas hat patim orhor kuuhan gure mutuh arpin meng pomat naporipti ma hapat ha dahatingwe rim pomat orhorwi napot napisaptimur. Nure yah hat mama saptinong moh Got oh am hat patmur. Orhe ma am hat patru hat orhor hanip gurdapathe nuhurnong ihat am hat pati ma hapat dahaptimur.

2 Jon 1:11

Nohana. Go patda por amburo hayahanoh ama ihat amburiya han gur ire er hat ma sapti da oh guragur tap mat dara arwananah ihirnong asoh er da pinggit pisaptimur.

Jut ohe brak mat atip ohe meng oh 1:22

Gur ihat patim guragure taptem kat han ihirnong asoh wandeiyaoh ire da oh Got ohwi inahatin hatin hanwa ma dahapti da oh yot da hat patihanoh gur ihirnong hinhina mar panggein paptenmur.