Jut ohe brak mat atip ohe meng oh 1:14 - Oksapmin

^14-15 Ama er hat sapti han bap ire boknong sutin meng ma potip oh rih orhor Inok oh kaput komdapat ma apripri han ire boknong mar potipmur. Inok oh Adam ohe puh dimdim dap susa Inok oh bes han ohmur. Ama Inok oh ire boknong matip meng oh mamaru hat patmur. Gur amratin. Hanipyah ohe ma apripra oh han gonsi ihirnong dahamara iraire san hapti pe oh sam imtinmat oh tausen tausen enser ihirsi apripramur. Aprisa gonsi ihirnong dahamara Got ohnong kom asar irair er da hat son ohe danong ham er hat sapti dao Got ohnong dasei meng por kom asaripti dao adanongwi hat ma sapti han ihirnong oh sama iraire ihat sapti pe yan oh er yan apripramur rim ire boknong matipmur.

Jut ohe brak mat atip ohe meng oh 1:14 ပူးပေါင်းရင်းမြစ်များ

1 Tesaronaika 3:13

Aisip mat paptim ire danong akasip mara yahnap ongengnap mat paptenmur. Imat apapatdapat gorhe it apris gorhe nita bap kuuhan ihirnong ambura Got orhe kinteinong ma matipra oh ama yahnap ongeng mat papat da ohsi hat patina ire boknong matin meng timbas hat patin orhor Got orhe kinteinong yah mat orhor matinmur por nadahandeiptimur.

Matyu 16:27

Hanip Brer nohe ma apripra oh at ohe has da ohsi nahatporhan enser ihirhe nuhur tap hat apriprimur. Aprisa gure ma ihapti ohe pe oh it napripramur.

Matyu 25:31

Jisas oh naporpat Hanip Brer nohe it ma apripra oh amam armi inasi ham Got orhorsi pati han enser ihirsi tap hat apripramur. Aprisa mong ohe kakhan ire tongnopti tei hatin tongnotipramur.

Erer tarpatipra 1:7

We. Oh rian tap apir hatin hapatmur. Apirit guragure kin wamtiprimur. Ma wamtipri oh bestop hanatsi ma sutpa hano aw pe mong pe ambap ambap ihiro gonsi wamtiprimur. Wamara guragure rangrang teinong bes pungpung pora da er ham yimtiprimur. Arpin iham tarpatipramur. Arpinwa.

Hibru 12:22

Got orhe danong hat pati bap gurri ihtin ohe yei duupnong na haptimur. Gur patru patepra Got orhe pat duupnong hat patimur. Gur ihat ma pati oh awher ire Saion yei ka ohe Jerusarem ap mutuh Got oh matei patmur rim ma ohe patnong sasheru hat orhor gurhe orhe pat duup sus patimur. Got oh aw tei ma pat han orhe pat tei oh enser ruumsan na satin hatin da bap ihir tarmur amam hat pati tei ohmur.

Erer tarpatipra 5:11

Gahan noh wamar amraoh Got ohsi pati da bap enser ihir wanohe tam ban na satin hatin hat patim ap tan mutuh ma tongnot pat hano hatriphei dasi bapo han pohono ihirnong parper mara ga riptingopa.