Jut ohe brak mat atip ohe meng oh 1:13 - Oksapmin

¹³ Ama ihapti han bap ihir tom hru oh inim oh mer mat poprisa bus tei oh tom ruhup gap oh bus tei sarpatru hat iraire ma na kas ham er hat ma sapti ohe gap oh amaru hat pitap teinong mat pisapti han bap ihirmur. Ama ihapti han bap ihir merum tapet sus timbas hapat hatin hat pati han bap ihirmur. Ama han bap ihirnong Got oh kwitemnap apteinong moh hama eimatnap kwitem aptei moh sa patepri rim amamen mat papat bap ihirmur.

Jut ohe brak mat atip ohe meng oh 1:13 ပူးပေါင်းရင်းမြစ်များ

2 Pita 2:17

Ama ihat dasuh hat sapti bap ihir Nuhur gurnong napanggeitiprimur naporipti orhor arpin napanggeitinnong oh na napanggeiptimur. Ihat sapti bap ihir tom uup tem marapatnong dipero rim sus wandeiyaoh butip tei sus wandeipti hatin hat pati han bap ihirmur. Ihir tom wandon ohe rian hatin hat patim inim oh apris riannong mermat anong anong matporhan tom na wandas gatet pat hatin hat pati han bap ihirmur. Ama ihat pati bap ihirnong Got oh Kwinap ap mutuhnong moh matipramur por amamen mat apapatmur.

Piripai 3:19

Ihat ma sapti bap ihir Got orhe danong na hama iraire ina teimdapat ma Nuhur ihtiper ihtiper dahapti ohe er da hrepnong hat patimur. Ihat patima kas hatin ohe er hat saya danong asoh ihir na kas ham Ihya moh yah haptimur riptimur. Ihama kakdah ohe er danong ohwi dimat saptimur. Ama ihat sapti bap ihir eimat timbas hatin teinong hatinmat ihat sapti bap ihirmur.

Erer tarpatipra 20:10

Ihirnong sum timbas matporhan Satan oh ihirnong dasuh mat pisapat hano rim Got oh tahe por kwei mianpang hatin har hapat dahnong matipramur. Ma matipra dah oh kurwahsi; kurwah orhe dasuh meng pisapat hansi ite ma matir dahnong oh tahe por mandatipramur. Tahe por mandatporhan ihir batbet oh duut orhor kwitem timbas mong da timbas dipdipwi batbet dar pateprimur.

2 Timoti 3:13

Er danong hat sapti han bapo Nuhur yah hanmur rim dasuh hat sapti han bapo ama ihat er hat sapti han bap ire er da oh isip hat isip hatwi sasipramur. Isip hat susa kuuhan ihirnong dasuh mat pisaptin Satan oh it irairnong dasuh mat pisasipramur.

Erer tarpatipra 21:8

Oh norhe brer ihirnong ma paptepra ohe meng oha; kat han ihir Noh Jisas ohnong dindeipatin kat han ihirdapat nohnong nitiprio rim kas ham mandapti ihiro Jisas ohe danong na hapti bapo Got nohnong bisei nahapti bapo hanip supti bapo bisei saw hat sapti bapo amkimon hapti bapo hanapsup ihirnong armi deipti bapo dasuh hapti bapo ama ihapti kuuhan ihirnong oh noh tahe pora kwei mianpang hatin har hapat irat taurpat dahnong tahe por mandatipramur. Ama har hapat dah oh komdapat it hapur dipdipwi batbet dar patepri dah ohmur. Ama ihtin dahnong ama ihapti ihirnong tihi tahe por mandatipramur napongop.

Jut ohe brak mat atip ohe meng oh 1:6

Got orhor orhe meng pisaya popriya hapti da enser ihirnong ma imtip ohe menghe dahenmur. Kat enser ihir Got orhe nitat tamreindin da ma apdap oh mandama iraire pati tei oh mandama wan apteinong susa wan danong hat saperhan Got oh Ama ihir norhe tamreindin apdor moh mandama wannong saya moh daham eimat arpit na mandatin nang ohsi atpama kwitemnap mong mutuhnong mat papatmur. Kaput pepe dik oh sama er yan apriprao rim imat papatmur.