Jon oh yah meng ma brak matip ohe meng oh 9:39 - Oksapmin39 Armi matporhan Jisas oh Noh kakdah mama apdap oh kin kwisi han gur wataham ha dahatingwe rim apdapmur. Nuhur kin yahsi han nuhurmur rim dasuh meng ripti han guroh kin kwisi hat orhorwi ha patengwe rim noh apdapmur pongop. အခန်းကိုကြည့်ပါ။ |
Jon oh yah meng ma brak matip ohe meng oh 9:39
34 ပူးပေါင်းရင်းမြစ်များ
Noh ire patinong ma nadarheripra oh go ire mutuhnong susa ire kin kwi hat patim ma er hat sapti kin oh adipekam has yah teinong deio Satan ohe hrepdapat hat patin go ambur yah teinong deio mat ha pisashenoh rim aptei oh sus ihirnong meng pot pisapatin Got oh ire er hat sapti ma yansi mat papat yan oh it yansi na mar hanhan mar mandapramur. Mandama norhe danong ham Ohwi inahatin hatin hanwa dahatperhan ma norhor ongeng mat papat bap ire tapnong matipramur napor hangopmur potipri.
Ihat na susa Krais orhe nita taptem ihirnong na bopor mar dasei mar papti bap ihiroh er da teinongwi hat sus kwitem dus saya hatin hat sapti han bap ihirmur. Ama kwitem dus saya hatin hat sapti bap ihir er da oh ire danong aban matporhan ihir Nuhur er hat sapti ma hapat na dahama kwi dus hut sapti bap ihirmur.
Ma sa oh Kakhan ihirnong wer kak tei amor ma kis deiptiru mat orhor nohnong Got oh orhe Yahsup ohsi Go gin mama Yahsup mohe kasip ohsi susa borop hat pati han bap ihirnong norhe yah meng moh pot pisashenmur. Pot ma pisasipra oh nang tatpat pati han ihirnong Gin gure nang tatpat ma pati oh Got oh gin arpit namdamur poro Gin gure kin kwi hat ma pati oh Got oh gin kin nadipekamur poro gipot pisashenmur. Gipot pisusa kat han ire hrepnong mar er mat papti bap ihirnonghe ambura iraire yah hat sashen ohe teinong mat pisashenmur.
Gurnong oh Got oh rih orhor Mama kuuhan ihiroh norhe nita kuuhan bap hat pateprimur napor kis nahatipmur. Ginapor ma kis nahatip gure ma atamreipti oh rih ihir Got oh dire napapat kakhano rim orhe hanat bok han hat ma atamreisheru gin gurhe ire tan hat atamreindin han hat patimur. Dahe yah danongwi hatpera daham ongeng mat pati bap gurmur. Ama ihat pati kuuhan bap gurnong Got oh Norhenapmur napor kis nahatip han bap gurmur. Ama kis nahatip bap gure da oh kwitem dus hat patina Got oh nambura orhe has yahnap da mutuhnong nahatipmur. Nahama orhe ma inahat napapat yah meng oh pot ha pisongwe rim gurnong kis nahat napapatmur.
Tap hat amrapti orhor na din han ire mutuhnong ama gapgwe oh roporhan ihir ama gapgwenong na amratin ina ham er gwe hatin matperhan ama gwe oh ihirnong sum timbas deipatmur. Din han ihirnong oh ama gapgwe oh ire mutuhnong hama Mama gapgwe moh amratin gapgwe yah ma hapat dahatperhan ama gapgwe oh ihirnong eimat yah hat paten ina dasi deipatmur. Ihtin meng pot pison inasi nahat napapat bap oh de dira.
Da darhetperhan Simion oh ihitnong Got oh gutnong bapkeisi nahat sa napaptepra ama potip oh. Pora sup uhnong Brer mohri Got oh Go sus Isrer kat han er hat pati han ihirnong timbas deinmur. Kat han ihirnong eimat paten dasi mar amburinmur por kis matip brermur. Oh Got orhe imat napapat ohe da oh namgitin han hat patin kat han gon ihir ohnong garmar er meng por indeiprimur.
Mamarumur. Kin kwisi han ihir it watahayao buh tan wa han ihir it yah ham sayao ina tohohesi han ihir it yah hayao nat ki han ihir it nat tem tanpur hanip meng amrayao hapuripti han ihirnong pamsaporhan it da apris masayao borop hat pati kuuhan bap ihir Got ohe yah meng oh amrayao nohe ma imat pisapat ohe meng moh gut sus Jon ohnong potinmur.
Ihir ihat pati han bap ohoh ihan ama ihapti han bap ihirnong mandatinmur. Ihir kin up hat pati han hatin hat patimur. Ama kin up hat pati han orhor tit kin upsi han ohnonghe mandap pinggit pisahanoh itait yotyot pas waprohemur. Ihir ihtin han bap hat pati ohoh ihan ihir ihat dahayahe dahapri. Kimirim mandanmur napongop.
ကြော်ငြာတွေ