Jon oh yah meng ma brak matip ohe meng oh 9:35 - Oksapmin

³⁵ Gahan Jisas oh orhe kin ma ayah mat han ohnong imar dasei mata ohe meng oh amrapat kin ayah mat han ohnong angmar susa wandeipat ohnong Go Got ohe ma darhetip Hanip Brer ohnong Oh arpin namburin han nadarhetip ma hapat dahat patda por dahandeingop.

Jon oh yah meng ma brak matip ohe meng oh 9:35 ပူးပေါင်းရင်းမြစ်များ

Jon oh yah meng ma brak matip ohe meng oh 20:31

Nohe mama brak dei oh Gur Jisas ohnong Oh Got orhe Noh ihirnong ambutin han darhetipramur ma ritip han oh oh ma hapat. Orhor Got ohe brer ma hapat. Oh orhe kasip eimat paten dasi nahatin han ma hapat daham eimat paten dasi ha hatingwe rim noh mama brak dei ohmur.

1 Jon 5:13

Monhera. Nohe mama brak mat nasar moh Got orhe brer ohnong Ohwi ihtin han pat ma hapat ma dahapti gurnong brak mat mama nasar ohmur. Ma nasar oh gur Nuhur arpin eimat yah hat paten dasi hat pati ma hapat daham ha am hatingwe rim noh mama brak mat nasar ohmur.

1 Jon 5:20

Dir am hat patimur. Got orhe brer oh kakdah mama wandas patesuh ohe pe oh dire da nadapema arpin Got orhornong am hatin ohe da oh napdapmur. Napriporhan dir ohnong am haptimur. Am hapti orhe brer Jisas Krais ohsi tap hat ma pati oh Got orhorsi tap hat patimur. Ama ohsi ihat pati Got orhor arpin Got eimat paten dasi nahapat Got orhormur.

1 Jon 5:10

Got orhe brer ohnong Ohwi inahatin hatin hanwa dahayahanhe ama ihat dahapti han gure da mutuhdapat orhor Got oh orhe mon ohe boknong mar naporpat meng moh Arpin ma hapat dahatin ohe da oh gure da mutuh oh pat haprohmur. Got orhe naporpat mengnong Arpinhe na dahapti han bap ihir Got orhe mon ohe boknong mar naporpat mengnong moh dasuh menghe dahapti ohoh ihan Got orhornong dasuh han hatin mat paptimur.

1 Jon 5:5

Kakdah mohe danong ambapte deipti han bap ihir de ihir dahayahanhe Jisas ohnong Got orhe brer darhetip hanwa ma dahapti han bap ihirwi kakdah mohe danong ambapte deipti han bap ma hapat dahenmur.

1 Jon 4:15

Ihat am hapti Jisas oh arpin Got orhe brerwa daham riyahanoh ihat ma daham ripti han bap gure mutuh oh Got orhor patmur. Gurhe Got ohsi tap hat patimur.

Rom ihirnong Por oh brak atip ohe meng oh 10:20

Gahan Aisaia oh Isrer ihir nohnong inahatiprohekin daham na kas hama Got ohe meng moh pomat brak matipmur. Ohnong potporhan ma brak matip meng oh mamaru hat patmur. Juda na hat pati han ihir ohe danong hatper daham na angnahapti orhor ihir nohnong wanaham nohe danong haptimur. Ihir Got oh kinhat pat han rim ti na dahatahapti orhor noh ire kinteinong pitap hapatmur. Got oh gipotporhan Aisaia oh brak matipmur.

Rom ihirnong Por oh brak atip ohe meng oh 1:4

Ma tarpatipra oh yahnap hat paten danong oh Moh Got orhe brer ma hapat dahat paten ohe da oh Got orhe kasip oh ohe boknong pitap mara namgitipramur. Imat ma namgitipra oh orhe kasip ohsi mon ohnong pamsaporhan arpin orhe mon ohnong imat pamsa ma hapat dahatiprimur rim brak matpamur. Imat rim ohe boknong mar ma brak matpa oh diradire Hanipyah Jisas Krais orhe bok oh dam timama dam tarpatipmur.

Aposer 9:20

Sor ohe Damaskas ap mutuh ma indip oh ama yah hah dik orhor Juda ire rotu ap ap oh rosa Jisas oh Got ohe brermur rim Jisas ohe meng oh pot pihipri.

Aposer 8:36

Pot susa tom hru gar duup tit kotpari. Koripti ama han oh Pirip ohnong Tom hru moh noh Got ohe danong ham waprohmur. Noh kinhapat han ohra ihan noh na waproh pongopri.

Jon oh yah meng ma brak matip ohe meng oh 20:28

Potporhan Tomas oh wamara Ai. Nohe Hanipyah Got go arpin masas pat ma hapat dahahmur pongop.

Jon oh yah meng ma brak matip ohe meng oh 11:27

Jisas oh potporhan Mata uh Hanipyaha. Dawa. Noh gonong Go Got oh ihirnong ambutin han kakdah darhetipramur rim ma kis nahat napapatdapat nadarhetir han oh gomur dahat patmur pongop.

Jon oh yah meng ma brak matip ohe meng oh 6:69

Ihan nuhur amram dahama Gowi inahatin hatin ma hapat dahat patimur. Dahat patim go Got orhor da ongeng mat papat han yah tit darhetipramur ma dahatip han oh go ma hapat daham am hat patimur pongop.

Jon oh yah meng ma brak matip ohe meng oh 5:14

Wandeipat ohnong Go amratin. Ginri go yah hat pat ohoh ihan go it er da hatipra. Ihahhanoh gorhe inanong atnap er nahaprohmur ama potip oh.

Jon oh yah meng ma brak matip ohe meng oh 3:36

Gur ama ihat pat han mon orhornong Ohwi inahatin hatin hanwa dahayahanoh ama ihat dahapti kuuhan guroh yah hat eimat paten dasi haptimur. Ama ihat pat mon ohe mengnong na amram kom asar mandayahanoh ama ihat pati kuuhan guroh Got orhe bopor heisup hrepnong nahat napapatmur ama potip oh.

Jon oh yah meng ma brak matip ohe meng oh 1:34

Tongnotporhan noh wamara ohe ma napor nadarhetip hanhe dahama gin gurnong Mohnong Got ohe brermur naporpatmur ama potip oh.

Jon oh yah meng ma brak matip ohe meng oh 1:18

Hanip dirhe Got ohnonghe na wandeipti hanmur. Got orhe bopor mat ma papat brer orhorwi Got orhe pat da oh dirnong namgitporhan dir wamar am haptimur.

Mak oh yah meng ma brak matip meng oh 1:1

Jisas oh Got ohe brermur. Ama Got ohe brer Jisas ohe ma yah hat sasuh oh propet Aisaia ohe ritporhan ma brak matip meng ohri arpin dam timdipmur.

Matyu 16:16

Dahanahatporhan Saimon Pita oh Go Got dipwi patesuhru patru pat han ohe monmur. Go Got oh Noh hanip ihirnong amburin han tit darhetipramur rim ma kis matip han oh gomur pongop.

Matyu 14:33

Ihtiporhan bot dah tongnot pati han nuhur Go arpin Got ohe brerhe dahayamur pora ohe danong ham armi matpa.

Matyu 4:3

Pahoh hatporhan er da nahapat han oh aprisa Go Noh Got orhe brermur ripat ohoh ihan kwei moh den mara dinmur pongopri.

Jon oh yah meng ma brak matip ohe meng oh 9:22

Ihit Juda ihir Jisas ohnong Moh Kraismur ma poriya han ihir rotu apnong mohri na maraprimur ritiri teio rim ihit kas ham Orhor hanip yah ihir ohoh ihan gur orhornong dahamtiperhan orhor sa napotiproh ama potpa oh.

Jon oh yah meng ma brak matip ohe meng oh 9:34

Gipotporhan ihir Sua uh gonong er gapsi orhor nitipmur. Er gapsi orhor nitip ohoh ihan go nuhurnong sawa meng tit napor am nahatin hatinda por indeipti ama darhetpa oh.

3 Jon 1:10

Ama han ohe ma ihat sapat da oh mamaru hat sapatmur. Oh nure boknong hanip nure ti na ihapti dasuh inin er nahatin meng oh nure boknong nahapatmur. Imat inahama ma ihpat oh nohe ma porpat meng oh na amrama ihirnong ambur na panggeipatmur. Na panggeima kat sios ihirdapat ama apriya han ihirnong ambur panggeitper dahatperhan oh Ama apriya han ihirnong ambur panggeitpera dahapti han bap gur Got orhe nita na hat pati han bap ohoh ihan gur Got orhe rotu apnonghe na rosiprimur por baso porpatmur. Oh ihat pat han ohoh ihan noh apirhanhe ohe er hat patin ma ihpat meng gonsi oh noh sios gure kintei oh atirip hatipramur.

Aposer 8:37

Potporhan Pirip oh Go Jisas ohwi inahatin hatin hanwa pomat dahat pathanoh yahwa. Tom wayona potporhan oh Dawa. Noh ihat ma dahat pat oh noh Jisas oh Got ohe brer ma hapat dahat pat ohoh ihan noh tom waprohmur pongopri.