Jon oh yah meng ma brak matip ohe meng oh 8:37 - Oksapmin

³⁷ Gur arpin Epraham ohe puh hat pati orhora; gur nohe mengnong kom nasara na amratin ina hat pati ohoh ihan gur nohnong garnaham kom nasara nitin danong ohwi hat patimur.

Jon oh yah meng ma brak matip ohe meng oh 8:37 ပူးပေါင်းရင်းမြစ်များ

Matyu 13:15

Ihir ma ihat pati oh propet Aisaia ohe rim ma brak matip meng oh arpin dam timapatmur. Ohe ma brak matip oh mamarumur. Gur da ban tahat ayao nat tem titapat ayao kin up hat ayao hat pati ohoh ihan gur amratinnong amram patepri orhor dahatinnongwi na dahaprimur. Wamtinnong wamar patepri orhor dahatinnongwi na dahaprimur. Gur kin wataham wandeiyao nat tem tanpur amrayao da tanper dahayao ma na hapti oh noh na yah nahatipramur. Got oh ritporhan Aisaia ohe brak matip meng oh gin mama dam timapat ohmur.

Matyu 3:9

Gur Nuhur Epraham ohe puh nuhur ohoh ihan Got oh batbet yan oh na napriprawa ma dahapti da oh dahapri. Gur nuhurwi Epraham ohe puh ohoh ihan er dasi hat patin orhor nambutiprawa dahapri. Basra. Wan kweinong mohhe Got oh Epraham ohe puh matin hatinmur.

Jon oh yah meng ma brak matip ohe meng oh 10:31

Potporhan ihir Epe. Oh Got hatin hat patim ihat mengri moho daham kwei dara ohnong sutperim ihangopa.

Jon oh yah meng ma brak matip ohe meng oh 11:53

Gahan ihir sutin ohe meng oh ama wanin deishe oh.

Jon oh yah meng ma brak matip ohe meng oh 5:44

Gur Hanip ihirdapat nohnong Oh yah hanmur napor ha armi nahatingwe dahaptimur. Gur Got ohdapatwi nohnong Oh yah hanmur napor ha armi nahatinoh na dahaptimur. Gur ihat ma na dahapti oh gur kinhat Got oh inahatin hatin hanwa dahatiprohe.

Jon oh yah meng ma brak matip ohe meng oh 7:1

Gahan Juda ihir Jisas ohnong sutinmat riphariptin ohoh nuhur Judia mongnong na susa Gariri mong orhor aptei aptei oh sashemur.

Jon oh yah meng ma brak matip ohe meng oh 7:19

Moses oh sawa meng oh brak mar napdap orhor gur amram dimtinnong oh tit han tit dimtin hanhe timbasnapmur. Amram na dindeipti ohe pe oh guragure boknong mar ihat saptida. Ihan kianorim nohnong Oh Moses ohe sawa mengnong moh na amram amkar ihat sapat hanmur napor nitperim ihapti pongop.

Jon oh yah meng ma brak matip ohe meng oh 7:25

Gahan Jerusarem ap mutuh kat kuuhan ihir ama gigoshatpa oh. Mama han ohnong ihir sutper indeipti han basda.

Jon oh yah meng ma brak matip ohe meng oh 8:33

Potporhan ihir Wa. Nuhurra Epraham ohe puh nuhur ohoh ihan nuhur tit han ohe hrepnong nahat napapatin nuhur nang tatpat napapat han bap hatin hat patida. Basra. Nuhur tit han ohe hrepdapat hat na patem yah hat orhorwi hat patesheru patiru gin mama pati ohmur. Nuhur ihat pati ohoh ihan go nuhurnong kianorim Gur arpin meng am hapti ohe pe oh nang arpit namdatipramur napor pongopa.

Jon oh yah meng ma brak matip ohe meng oh 8:43

Gur nohnong Itap Got oh darhetip han ma hapat na daham nohe mengnong na amratin inasi hat pati ohoh ihan nohe ma naporpat ohe mutuh mengnonghe na amram na dahaptimur.

Jon oh yah meng ma brak matip ohe meng oh 8:56

Gure ra Epraham oh Kaput Krais oh apirit noh wamtiprawa daham amam hat orhor patesuhmur. Gahan noh arpin apriporhan Epraham oh wanaham da yah hatirmur pongop.

Jon oh yah meng ma brak matip ohe meng oh 8:59

Potporhan ihir Epe. Han moh dasuh meng isip tit hah moh dir kweisi sutper gosham kopen kwei dara sutperim ihaptin oh ire bes teidapat orhor tarpir kotnong ros sangop.

Jon oh yah meng ma brak matip ohe meng oh 8:6

Potperhan Jisas oh mem hama bessi mongnong brak deingop.

Aposer 13:26

Gin Epraham ohe puho Juda na hat patim orhor Got ohe danong hat pati bapo ama ihat pati norhe taptem Got orhe nita bap guragur norhe meng oh amratinmur. Rih Got oh Noh ihirnong am hatipramur ritporhan ma brak matpa oh diradire boknong naham brak matpamur.

Rom ihirnong Por oh brak atip ohe meng oh 9:7

Amaru hat orhor Epraham ohe puh ihirhe gonsi Got orhe nitawi hama arpin Isrer bap hat patida. Basra. Kat tit Got orhe nita na hat pati bap ihirmur. Got orhor Noh Aisak ohe puh ihirnongwi Gur norhe nita bapmur potipramur ritipmur.

1 Korin 2:14

Yahsup oh ire mutuhnong na patisi ihiroh orhe namgim am nahapat meng moh ihir amram na datin ina hat patimur. Ihat na datin ina hat pati ohoh ihan Moh da timbas na dahatin meng tit naporiya ma hapat dahaptimur. Yahsup ohe namgim am nahapat da oh orhorwi am nahatporhan am hapti ohoh ihan Yahsup oh ire mutuh ti na patisi han ihiroh dahatinheri na dahaptimur.

1 Jon 2:14

Norhe taptem brer muk gurhe ita Got orhornong am hat patio rim noh gurnong mama brak mat nasar ohmur. Hanip yah hatin hat pati bap gurhe erer na tarpat patin orhor patesuhru patru hat pat han Krais ohnong am hat patio rim noh gurnong mama brak mat nasar ohmur. Kopen ma Krais ohe danong hapti han bap gurhe Got orhe meng oh gure mutuh oh kasip nahat napapatin gur kasip hat sus Satan ohnong ambapte mat paptio rim noh gurnong mama brak mat nasar ohmur.