Jon oh yah meng ma brak matip ohe meng oh 7:28 - Oksapmin

²⁸ Goshatperhan Jisas oh Got ohe ap yawar oh meng am deipatin orhor kasip mengtei Gur arpin nohe apteio nohnongo am hat patida. Norhe da orhor na apdapmur. Arpin han At orhor nadarhetipmur. Ama nadarhetip han ohnong oh gur hanhan hat patimur.

Jon oh yah meng ma brak matip ohe meng oh 7:28 ပူးပေါင်းရင်းမြစ်များ

Matyu 11:27

Pora kuuhan nuhurnong At oh erer oh gonsi norhe bes teinongwi namat pat ohoh ihan norhor pokwi am hat patmur. Orhe brer nohnong pomat am hatin ohe da oh gur gonsi nohnong pomat na dahat patimur. At orhor pokwi am hat patmur. At ohnong am hatin ohe dahe gur gonsi hanhan hat patimur. Mon norhorsi; norhe ma namgipat han gursi dir pokwi at ohnong am hat patimur napongop.

Matyu 2:23

Oh susa Nasaret ap mutuhnong sus patesuhri. Nasaret aptei ma patesuh oh rih Got ohe meng rishe han ire meng oh Oh Nasaret han hatipramur rim ma brak matpa oh arpin dam tarpatipmur.

Matyu 26:55

Porpat mahaw ihirnong Gur bioro kawo ohsi marim ma apriya oh hanip sum mamter hat sapti han ihirnong amburipti ohe tan hat bioro kawo ohsi tap hat apriyada. Nohra Got ohe ap ros dipwi meng oh napor am nahapatin gur na namburiptingwerio. Gin mamter hat sapti han ire tan mat namburiyada.

Ruk oh yah meng ma brak matip ohe meng oh 10:22

Pora kuuhan ihirnong At oh erer oh gonsi norhe bes teinongwi namat pat ohoh ihan norhor pokwi am hat patmur. Orhe brer nohnong pomat am hatin ohe da oh gur gonsi nohnong pomat na dahat patimur. At orhor pokwi am hat patmur. At ohnong am hatin ohe dahe gur gonsi hanhan hat patimur. Mon norhorsi; norhe ma namgipat han gursi dir pokwi at ohnong am hat patimur pongopri.

Ruk oh yah meng ma brak matip ohe meng oh 2:11

Gure amamnap hatin ohe meng oh mamarumur. Gin mama kwitem morhor Depit ohe ap mutuh moh kakdah pati kuuhan gurnong namburipra brer tit sariyamuro. Oh Got orhor Ihirnong sa amburipra rim kis mat pat han Hanipyah Krais ohnong sariyamuro.

Ruk oh yah meng ma brak matip ohe meng oh 2:39

Maria ihit gamin brer ohnong Hanipyah ohe sawa meng oh Brer duuptei brer han mon sariyahanoh mimat pisashenmur ritporhan ma brak matpa mengru mat orhor ama pihipa oh. Pisusa gahan Gariri mong iraire aptei Nasaret ap mutuhnong it ama pipa oh.

Ruk oh yah meng ma brak matip ohe meng oh 2:4

Josep ohhe Depit ohe puho rim rop Depit ohe tarpatip aptei Betrehemnong saporo rim Gariri mong Nasaret aptei mandama ihit gamin Judia mong Betrehem apteinong ama ruhpa oh.

Ruk oh yah meng ma brak matip ohe meng oh 2:51

Ihama ap yawar oh mandama brer oh supsi; itap itaitsi it Nasaret ap mutuhnong ama waihpa oh. Wasa supsi itap ite poriya mengnongwi amram patesuhmur. Sup uh ohe ma ihtirnong oh da mutuhnong mar ama dahat patesuh oh.

Jon oh yah meng ma brak matip ohe meng oh 1:46

potporhan Natanier oh Epe oh Nasaret aptei ihirda. Win timbas aptei oh ihtin han tit tarpatiprohda. Na tarpatin hatin apteimur pongopri. Potporhan Kat go mai ohnong wamar aprina pora ihit wamar pipari.

Jon oh yah meng ma brak matip ohe meng oh 12:49

Noh norhe dahapat da meng orhor na naporpatmur. Norhornong nadarhetip han at orhor Go ihirnong Mameng moh mihat daham meng potinmura; mameng moh mimat potinmur napor am nahatporhan noh gurnong at orhe am nahat napapat wanin meng orhorwi naporpatmur. Imat naporpatin orhor na amrapti han gurnong gure ma na amrapti meng orhordapat kaput nasam inahatipramur.

Jon oh yah meng ma brak matip ohe meng oh 14:10

Gwe ma ginapor oh Mon oh itap ohsi pat ma hapat. Itap oh mon ohsi pat ma hapat. Ihat tit hanwi hat pati ma hapat na daham ginaporda. Nohe meng naporo ma ihpat oh norhap na ihpatmur. At orhor nohe boknong hat patim orhor indeipatmur.

Jon oh yah meng ma brak matip ohe meng oh 14:31

Na pat orhor at oh Gin go ohe bes teinong hatina napotporhan noh ohe bes teinong hahmur. Noh at ohe meng amram ma ihpat moh kakdah han gur wamara Oh itap ohe danong ham bopor mat pat hanhe ha dahatingwe rim noh ihpatmur. Gin tandeitina. Sapera napongop.

Jon oh yah meng ma brak matip ohe meng oh 16:3

Ihir at nuhutnong hanhan hat pati ohoh inahaprimur.

Jon oh yah meng ma brak matip ohe meng oh 17:25

At yahnap duung dasi hat pat han gonong kakdah morhe danong hat pati han ihir gonong hanhan hat patimur. Norhordapat oh gonong am hat patmur. Am hat patin norhe han ihir wanahama moh Got orhe darhetip han ma hapat napor am haptimur.

Jon oh yah meng ma brak matip ohe meng oh 17:3

Eimat paten dasi ham ma patepri oh mamaru hat pateprimur. Arpin Got gonongsi; gorhe darhetip brer Jisas Krais nohnongsi nuhutnongwi Ihit ihat pati han yot ma hapat daham nuhutnong am hat paten ohe da orhorwi tei dahat tei dahat patiru hat orhorwi pateprimur.

Jon oh yah meng ma brak matip ohe meng oh 3:2

Patin gahan oh kwitem oh Jisas ohe pat ama apdap oh. Aprisa Jisas ohnong Tisa. Gwe hanip nure na imtin hatin da ma deipat moh hanip nure da ohsi na imtin hatin ma hapat. Ihan Got orhe kasip da oh napriporhan go ama da ohsi indeipat ma hapat. Ihan kat han pang han nuhurhe go Got oh nadarhetir tisa ma hapat dahat patimur pongop.

Jon oh yah meng ma brak matip ohe meng oh 3:33

Arpin meng ripathe daham ma amrapti kuuhan ihiroh Mama Got orhe ma darhetip han moh ohnong Got orhe Yahsup oh pei mat apripatin oh Got orhe meng oh ripat hanmuro. Ihan Got oh arpin han hat patmuro riptimur.

Jon oh yah meng ma brak matip ohe meng oh 5:32

Ihan noh norhordapat norhe boknong Noh ihtin han hat patmur na ripatmur. Jon ohdapat nohnong Oh ihtin han hat patmura; ihtin han hat patmura naporpatmur. Nohe da oh Ohe ma naporpat meng oh arpin meng naporpat ma hapat dahat patmur.

Jon oh yah meng ma brak matip ohe meng oh 5:43

Norhe da orhor noh apripora daham na apdormur. At orhe Go sona napotporhan orhe mengtei noh apdormur. Ihat apdor orhor gurdapat nohe danong ham nohnong na bopor nahaptimur. Na bopor nahama hanip orhe da orhor ma apir han ohe danong haptimur.

Jon oh yah meng ma brak matip ohe meng oh 6:42

Imat ohnong gardeipti Moh Josep orhe mon Jisas orhor basda. Dir supsi itap ihitnong am hat pati basda. Oh kakdah han diradir ohoh ihan oh Noh aw teidapat wanhupmur ma ripat oh kinhat wanhup gosham gardeingopa.

Jon oh yah meng ma brak matip ohe meng oh 7:14

Gahan tarmur den dapti dik orhor na timbas hat patin mutuh katket mar Jisas oh Got ohe ap yawar oh rosa meng am deingop.

Jon oh yah meng ma brak matip ohe meng oh 8:14

Potperhan Jisas oh Nohe patdapat ma apdap teio norhe ma sapra teio oh norhor am hat patmur. Am hat pat ohoh ihan norhor Noh ihtin han hat patmur ma ripat oh noh arpin meng ripatmur. Noh arpin meng ripat orhor gur norhe patdapat ma apdap teio norhe ma sapra teio oh gur hanhan hat patimur.

Jon oh yah meng ma brak matip ohe meng oh 8:16

Noh gurnong nasatpor dahahhanoh norhe da orhor na nasatiprohmur. Norhornong ma nadarhetip at ohsi nutanut tit dawi ham nasatiprohemur. Ihat tap da hat patim napapti ohoh ihan pomat orhor nasapti ma hapat dahenmur.

Jon oh yah meng ma brak matip ohe meng oh 8:19

Potporhan ihir Itap oh apris tap meng napotiprohkin daham Ita oh de tei pat. Nuhur na wandeiyamur potperhan oh Gur nohnongo at ohnongo gur hanhan hat patimur. Gur nohnonghe am hat patida ihan at ohnonghe am hatiprohe pongop.

Jon oh yah meng ma brak matip ohe meng oh 8:26

Noh gurnong Gur mama ihat sapti oh ermur napor nasam napotin ohe meng oh ruumsan patmur. Ruumsan pat orhor norhornong ma nadarhetip han ohe meng oh nohnong napotporhan ameng ohwi gurnong naporpatmur. Ama han oh arpin hanmur pongop.

Jon oh yah meng ma brak matip ohe meng oh 8:42

Potperhan oh Noh Got ohsi tap hat patdapat orhor apdapmur. Ma apdap oh noh norhe da orhor apripora daham na apdapmur. Got orhor nadarherit apdapmur. Ihat apdap ohoh ihan gure ita oh arpin Got ohneng nohnonghe Got oh darhetip han ma hapat daham bopor nahaptinengmur.

Jon oh yah meng ma brak matip ohe meng oh 9:29

Nuhur Moses ohnong Got ohe meng porisuh hanmur dahat patimura; ama han ohnong nuhur de hano rim hanhan hat patimur por kin kwi hat patesuh han ohnong dasei meng por ama imtipa oh.

Aposer 17:23

Noh gure ap mutuh moh sus gure erer ohe danong ham ma armi deipti han erer oh ruumsan patin noh wamat sapatmur. Gahan noh ihat sus tit ma wamtir oh Dire hanhan hat pati Got ohe asaripti tei mohmur rim gwar ohe boknong mar brak matpa gwar tan tit patin noh wamtirmur. Ama nure hanhan hat pati Gotmur por ma armi deipti Got orhe meng oh gurnong am nahatiprohmur.

Rom ihirnong Por oh brak atip ohe meng oh 1:28

Ihir Got orhornong dahatin ohe da oh na hatiprohemur daham mandatperhan Got oh Yahwa. Guragure er da hat sapti ohe da er hrepdapat hat patena por arpit mandatipmur. Mandatporhan hanip dire na ihapti ohe er danong hrepdapat hat patim ama hanip dire na ihapti er danong ohwi er hat sashemur.

Rom ihirnong Por oh brak atip ohe meng oh 3:4

Basra. Got oh arpin han ohoh na yawar matin hatin hat pat hanmur. Kuuhan ire patinong asoh wamara Maihir dasuh han bap hat patihe daham am haptimur. Got ohe ma patnong oh ihat dasuh han hat na pat hanmur. Oh arpinwi pat hanmur. Arpin han hat ma pat oh Depit ohe atem teinong Got oh rit atporhan ma brak matip meng oh mamaru hat patmur. Got go kuuhan ihirnong ma satipra oh arpin duung dasi hat pat han orhor nasam inahah ma hapat daham am hatiprimur. Kat han ihirdapat gonong Go dasuh han ihat pathe naporiyahan ma naporiya ohe pe oh dam ti na pat ohoh ihan gwe boknong nahatin menghe timbasmur. rit atporhan Depit oh brak matipmur.

2 Korin 1:18

Nure meng ma naporipti oh tan tit dawa tan tit es dahat na riptimur. Got orhe arpin tit mengwi ma naporpatru hat orhorwi naporiptimur.

2 Korin 4:6

Rih mong moh has timbas hat patin Gin mong moh ha has hatinoh ma ritip Got orhor nure danong nadapem nahas mat napapat Got ohmur. Has nahat ma napapat oh Got orhe yah hat paten ohe has da oh Jisas ohe boknong atan kakeir hatin has mat papatin dir ama hasnong wamara orhornong am haptimur.

Taitas 1:2

Ihir ihat susa Got oh arpin nuhurnong yah hat eimat paten dasi sa nahat napaptepra daham sa am hapri. Ama eimat paten dasi ma nahatipra da meng oh Got oh dasuh na ham arpin mengwi ripat han orhor rih erer oh na darpat patin orhor Ihir ihat eimat paten dasi hat patepriwa napor rit natipmur.

Hibru 6:18

Ama awam tuketip ohsi; rit natip ohsi itait na yawar deipti yot ohoh ihan Got oh kinhat orhe da oh yawar mara wan danong hatiproh. Got orhe da oh na yawar deipat han ohoh ihan dir Da na yawar deipat han moh dirnong yah mat orhor napanggeitiprohwa daham kas ham tandut sus orhe hrepnong haptimur. Hatperhan orhor orhe erer napris inahatipramur ma napotip danong oh nakasip deipatmur.

1 Jon 5:10

Got orhe brer ohnong Ohwi inahatin hatin hanwa dahayahanhe ama ihat dahapti han gure da mutuhdapat orhor Got oh orhe mon ohe boknong mar naporpat meng moh Arpin ma hapat dahatin ohe da oh gure da mutuh oh pat haprohmur. Got orhe naporpat mengnong Arpinhe na dahapti han bap ihir Got orhe mon ohe boknong mar naporpat mengnong moh dasuh menghe dahapti ohoh ihan Got orhornong dasuh han hatin mat paptimur.