Jon oh yah meng ma brak matip ohe meng oh 6:27 - Oksapmin

²⁷ Gur den din ohe tamreindin danongwi ham tamreipri. Ama den oh kapkap popor ham ihhapat den ohmur. Gur dipwi paten den ohe danong henmur. Ama den oh eimat eimat paten ohe dasi nahatin den ohmur. Ama den oh Hanip Brer noh naprisipramur. Ma naprisipra han nohe boknong oh At Got oh mon orhornong amam mar bopor mat papat ma hapat dahatin ohe da oh norhe boknong nahat napapatmur pongop.

Jon oh yah meng ma brak matip ohe meng oh 6:27 ပူးပေါင်းရင်းမြစ်များ

Matyu 17:5

Giporpatin orhor awgapor has oh giandeingopri. Giandeipat awgapor has mutuh amdapat meng tit Moh norhe bopor mat papat brermur. Ohe ma ihat sapat oh norhor amamsi mat patmur rim hangopri.

Matyu 25:46

Noh gipotporhan ama ihir dipwi batbet dar paten apteinong hatiprimur. Yahnap da duung rit pati han guroh eimat yah hat paten dasi hat paten ohe apteinong hatiprimur napongop.

Matyu 3:17

Tongnotporhan mahatdapat meng tit Jisas go norhe bopor nahat napapat brermuro. Gwe ma ihat sapat oh norhor da yah ham amam nahat patmuro gipor hangopri.

Matyu 6:19

Gur kakdah moh yah erer oh ruprup mat saripti ohe danonghe hapri. Kakdah moh ruprup mat sariyahanoh daskein oh deo tomo oh suma nehaho gapah han ihir daharmar dariyao hapti ohoh ihan gur yah han erer oh kakdah moh ruprup mat saripti ohe danonghe hapri.

Matyu 8:20

Potporhan oh Go nohsi sasipramur ma ri oh mohnong dahatinmur. Kotwa ihiroh deip temhe apit manhem timaptimur. Ner ihirhe ap ham patimur. Hanip Brer nohnong oh aphe timbas hanmur. Ire ap ap oh timon sapatmur pongopri.

Mak oh yah meng ma brak matip meng oh 1:11

Tongnotporhan aw tei mahatdapat meng tit Jisas go norhor bopor nahat napapat brermuro. Gwe ma ihat sapat oh norhor da yah ham amam nahat patmuro gipor hangopri.

Mak oh yah meng ma brak matip meng oh 9:7

Gipotporhan awgapor oh wandasa ihirnong giandeingopri. Giandeipat awgapor mutuh amdapat meng tit Moh norhe bopor mat pat monmuro. Ohe ma naporpat meng oh gur amram dindeinmuro rim hangopri.

Ruk oh yah meng ma brak matip ohe meng oh 3:22

Got ohe Yahsup oh ner kurwam hatin hat wandasa ohe bas oh tongnongopri. Tongnotporhan aw tei mahatdapat meng tit Jisas ohnong Go norhe bopor nahat napapat brermuro. Gwe ma ihat sapat oh norhor da yah ham amam nahat patmuro gipor hangopri.

Ruk oh yah meng ma brak matip ohe meng oh 9:35

Kas hatperhan awgapar mutuh amdapat meng tit Moh norhe brer kis mar darhetip brermur. Ihan ohe ma naporpat meng oh gur amranmur rim hangopri.

Jon oh yah meng ma brak matip ohe meng oh 10:28

Nohe kom apriperhan noh eimat paten da oh apripatmur. Ma apripat ohe da oh na timbas ham eimat eimatnap ma patepra da oh apripatmur. Norhe bes teinongwi mat papat ohoh ihan hanip ihirdapat norhe bes teinong mat papat ihirnong ambur wan teinong matin hatinda. Na imtin hatin hat patimur.

Jon oh yah meng ma brak matip ohe meng oh 11:42

Go nohe meng oh dipwi amrapatmur dahapat orhor mama ihir Han moh Got orhe darhetip han ma hapat ha dahatingwe rim mameng moh napormur pongop.

Jon oh yah meng ma brak matip ohe meng oh 14:6

Potporhan Jisas oh Ama apteinong son ohe mandap kat oh norhormur. Arpin meng ma riptihe norhe bokdapatwi tarpapatmur. Eimat yah hat paten ohe dahe norhe boknongwi hat patmur. Noh ihat pat han ohoh ihan At ohe patnong sapera dahayahanhe wan kathe ti na saptimur. Norhe boknongwi ham at ohe patnong saptimur.

Jon oh yah meng ma brak matip ohe meng oh 15:24

Noh apris ire kintei hanip dire na imtin ina da oh na indeisuhneng ihir nohnong inahapti ohe san oh ire bok oh na patnengmur. Noh hanip dire na imtin ina da oh indeipatin orhor ihir wamar am ham orhor at nuhutnong tap mat garnaham heisup nahapti ohoh ihan san oh iraire bokdapat hat patmur.

Jon oh yah meng ma brak matip ohe meng oh 3:15

Inahatperhan gur Ohwi inahatin hatin hanwa ma dahaya guroh yah hat eimat paten ohe dasi haptimur.

Jon oh yah meng ma brak matip ohe meng oh 3:33

Arpin meng ripathe daham ma amrapti kuuhan ihiroh Mama Got orhe ma darhetip han moh ohnong Got orhe Yahsup oh pei mat apripatin oh Got orhe meng oh ripat hanmuro. Ihan Got oh arpin han hat patmuro riptimur.

Jon oh yah meng ma brak matip ohe meng oh 6:40

At orhe daham ma nadarhetip da oh nohnong Norhe brer go waporhan ihir gonong wanaham am hapti Ohwi inahatin hatin hanwa daham eimat paten dasi ha hatingwemur. Hatperhan go kaput mong pepe dik oh gonsi ihirnong pamsonmur napor nadarhetipmur pongop.

Jon oh yah meng ma brak matip ohe meng oh 6:47

Noh arpin meng napotiprohmur. Noh eimat paten dasi hatin ohe da oh den hatin hat pat ohoh ihan gur nohnong Ohwi inahatin hatin hanwa ma dahapti guroh eimat paten dasi haptimur.

Jon oh yah meng ma brak matip ohe meng oh 6:51

Ama aw teidapat wandas eimat paten dasi nahapat den oh norhormur. Ama den oh gur dipero daham nadeyahanoh ama han gur eimat paten dasi ham eimat pateprimur. Ama den oh norhormur. Gin kakdah ma pati han gur eimat paten dasi ha hatingwe rim norhor gure gwemat haputipramur pongop.

Jon oh yah meng ma brak matip ohe meng oh 6:53

Sakarap goshatperhan Jisas oh Noh arpin meng napotiprohmur. Hanip gur nohe ina boko heimo moh pahoh ham den ma daptiru mat na nadayahanoh eimat paten dasi na haptimur.

Jon oh yah meng ma brak matip ohe meng oh 6:54

Nohe ina boko heimo moh pahoh ham den ma daptiru mat nohnong nadayahanoh ama nadaya guroh eimat paten dasi haptimur. Ama ihaya gurnong oh mong pepe dik oh napamsapramur.

Jon oh yah meng ma brak matip ohe meng oh 6:58

Norhe ina bok oh aw teidapat ma wanhup deno rim nadaptimur. Mama den oh aranir ire dama hapurishe den oh hatin hat na patmur. Mama den oh deyahanoh eimat paten dasi ham dipwi ma pati den ohmur pongop.

Jon oh yah meng ma brak matip ohe meng oh 6:62

Hanip Brer noh it norhe patesuh teinong rupatin gur wanahayahan gur atnap dasei naham kom natiprikin.

Jon oh yah meng ma brak matip ohe meng oh 6:68

Napotporhan Saimon Pita oh Hanipyaha. Nuhur nihohe pat ha songwe. Gorhorwi eimat paten dasi nahatin meng oh naporpatmur.

Jon oh yah meng ma brak matip ohe meng oh 8:18

Amaru hat orhor nohe boknong mar ma ripat meng oh at oh ama meng orhor ripatmur. Ritporhan nutanut tap meng orhor ripti ohoh ihan gur nohnong Oh arpin meng ripat ma hapat dahenmur pongop.

Aposer 10:38

Pot patin Got oh Nasaret aptei han Jisas ohnong kis mara orhe Yahsupo orhe kasipo oh ohe boknong mara apdapmur. Apriporhan oh aptei aptei oh susa ihirnong panggeio Satan ohe ma er mat papat han ihirnong pondeio mat pisasuhmur.

Aposer 2:22

Pora Isrer han gur nohe meng moh amratin. Nasaret aptei han Jisas oh gure mutuh oh patin Moh Got ohe mengtei ihat sapat hanhe ha dahatingwe rim Got oh orhe bes teinong am hatin da oh deio na dahapti da oh deio deisuhmur. Ma indeisuhnong oh gur am hat patimur.

Rom ihirnong Por oh brak atip ohe meng oh 4:11

Giporpatdapat gahan Got oh Epraham ohnong Gin nohe gonong go yah hanmur ma naporpat da oh nohnong Ohwi inahatin hatin hanwa ma dahapti ohe pe ohwi naporpat ma hapat ha dahatingwe rim ama da oh pitap teinong mar Go eit watah gatmatinmur potporhan gatmatipmur. Amaru hat eit watah na gatmat patin orhor Got oh Maihir yah hanmur ha napotinoh rim Orhorwi inahatin hatin hanwa ma dahapti han bap gure ra duuptei han hatin hat ma pat hanhe Epraham ohmur. Gur Epraham ohe da hatin hat pati han bap gur ohoh ihan gure ra hatin ma hat pat han oh Epraham ohmur.

Rom ihirnong Por oh brak atip ohe meng oh 6:23

Er da hrepdapat hat patim er hat ma sapti han ihirnong er yan ma apripra oh hapura dipwi batbet dar patepri apteinong matipramur. Got orhe damdapat Gin yan timbas be musum yahnap han tit apripora daham ma napripra yah yanhe diradire Hanipyah Jisas Krais ohe tapnong hat pati dirnong oh eimat yah hat paten ohe yah yan oh napripramur.

1 Korin 6:13

Gur Den oh akenongwi deipti han oh yahwimur. Ake oh den darpat hanmur riptimur. Ma giripti oh arpin giripti orhora; Got oh tap mat yotyot timbas matipra yotmur. Ina mohri den ma dapti oh yahmur. Ina mohri ma bisei saw haptinong oh ermur. Ina mohri bisei saw hatin ohe ina basmur. Hanipyah orhe ina hat patmur. Orhe ina hat patim orhor napapatmur.

1 Korin 9:2

Noh orhe meng napot napisapat ohe pe oh gure mutuh dam ma tarpat sapti oh arpin Hanipyah Krais orhe mengtei ihat sapat han ma hapat dahatin ohe dam oh tarpat sapatmur. Ihat gure mutuh oh dam tarpat sapat ohoh ihan gur wamar Moh Krais orhe mengtei ihat sapat han ma hapat daham am hapti basda. Kat ihir ihat na dahayahanoh nohe ma ihat sapatin kat gure mutuh ma dam timapatnong oh wanaham ihir Por oh aposer hat pat ohe pe oh ire mutuh moh dam timapat ma hapat sa dahapri.

2 Korin 4:18

Ihat dahat ma pati dir kakdah moh ohe erernong ma wandeipti danong oh timbas hatin han ohoh ihan pomat kin duung por na wandeiptimur. Dire kin na wandeipti eimat patepra han ohnong wamtipri ohe danong ohwi kasip hat orhor kinkin da hat patimur.

Garesia 5:6

Jisas Krais ohsi tap hat ma pati dirnong oh Got oh eit watah gatmatperhan ama gatdeiya ohe pe oh Go yah hanmur naporpatda. Na gatdeiyahanhe ama na gatdeiya ohe pe oh Go yah hanmur naporpatda. Basra. Ama gatdeiya na gatdeiya hapti ohe pe oh na ginaporpatmur. Jisas Krais ohe tapnong hat patim Ohwi inahatin hatin hanwa daham ihirnong bopor mar panggeipti ohe da ohwi Got oh wanaham Go yah hanmur naporpatmur.

Piripai 2:13

Dir Got ohe dahat pat danong oh haptineng ma dahapti da ohsi; orhe danong hat son ohe kasip ohsi orhor gure mutuhdapat patim inahapat ohoh ihan ama inahapat ohe da ohsi amamen matin danongwi hat sashenmur.

Korosi 1:29

Imat orhor noh meng pomat pot pisapor daham kasip hat orhorwi tamreim napot napisapatmur. Noh imat napot ma napisapat kasip oh Krais orhe kasip oh yah mat orhor napot napison inasi nahat napapatin ama kasip ohsi napot napisapatmur.

Korosi 2:22

Ihir Moh awammur maripri. Moh awammur dapri ma ripti han oh marimo damo hatperhan timbas hapat han ohoh ihan ire eimat na paten hannong Moh awammur moh dapri. Moh maripri ma ripti mengnong oh gurri amrapri. Ihtin meng oh na amraptimur. Ihir hanip iraire damdapat sawa meng asariya meng asoh amram gurnong naporipti ohoh ihan gurri hanip diradire damdapat daham sawa ripti mengnong ohri amram dindeipri.

Korosi 3:2

Kakdah ohe erer datin danong mohwi hathe patepri. Ama ihat dahapti danong oh hapur sus ma timbas deipti da hatin mat orhor timbas matirimur. Timbas matperhan Krais orhorsi tap hat Got orhe hrepnong naham tare nahat napapatmur. Imat napapat ohoh ihan gur kakdah mohe eimat hapur ma mandatpa danong oh hathe patepri. Putei mahat napapat erer datin ohe danongwi hat patenmur.

1 Tesaronaika 1:3

Nure Got ohnong weso por ma nadahandeipti ohe duuptei oh mamaru hat patmur. Gure tit ma ihat pati oh ohnong Ohwi inahatin hatin hanwa ma dahapti ohe pe oh guragur kasip ham yah hat ma sapti ohmur. Tit ma ihat pati oh hanip ihirnong ma bopor mat papti ohe pe oh kasip hat orhor panggeimo hat ma pati ohmur. Tit oh gur diradire Hanipyah Jisas Krais oh apriprawa daham minhan ma pati ohe pe oh gur ama kasip hat pati ohmur. Gur ihat patio rim nuhur Got ohnong weso por nadahandeiptimur.

2 Timoti 2:19

Er mat apisaper dahapti orhor Got oh orhe nita bap ihirnong doho kamen ohe tan mar kamen matipmur. Got orhe nita bap ihirnong kamen matip tei ohoh ihan kinmat dakapter wan teinong matiprohe. Got orhor imat kamen matip tei ohoh ihan na imtin hatinmur. Ama kamen matip boknong oh brak matip meng yot oh patmur. Tit ma brak matip oh Hanipyah oh orhe nita kuuhan ihirnong oh orhor am hat patmur gipor ma brak matip oh patmur. Tit brak oh Nuhur orhe han hat patimur ma riya ihir oh er danong oh hariri por mandapti kom asar patenmur gipor ma brak matip oh patmur.

Hibru 12:16

Patem tit han tit bisei saw han hatipra. Tit uh tit Iso ohe tan ham Got ohe yah danong dasei mar kom atipra. Iso ohe ma Got ohe yah danong dasei mar kom atip oh mamarumur. Iso oh duuptei brer itap ohe erer oh datin han orhor tit dahwi din han ohe danong hama Noh den moh dipor. Nohe nap go at ohe erer oh datinmur gosham yawar hatpamur. Ohe ma ihtip oh Got ohe yah danong dasei mar kom atipmur. Amaru mar Got ohe yah danong dasei mar kom atipririm pomat orhor wamat paptenmur.

Hibru 4:11

Ihat tupetipri aptei oh pat ohoh ihan ire sakarap ham ire tupetin teinong na hatparu gurhe ihtipririm kasip hat orhor Eimat tupetipri teinong sapriwa daham kasip hat orhorwi patenmur.

Jemis 1:11

Kamah hat pati han ihir kakdah moh eimat paten inasi ma na hat pati oh mamarumur. Unuh gwe yah ma timapatnong oh dahenmur. Yahnap hat patin orhor atan oh marasa mutuh duurpat atan mumun oh sutporhan popor hama gattaham tarhot wandas timbas hapatmur. Amaru hat orhor kamah hat pati han ihirhe yah hat tamrein sapti pe orhor hapura timbas haptimur.

1 Pita 1:24

Got ohe meng ohwi na timbas hapatmur rim ma brak matpa meng oh mamarumur. Kakdah han bap dir gonsi unuh bek marasa it gattahama timbas hapatru hat patimur. Diradire armi tahapti da oh irat nam timama tarhot wanpat hatin haptimur.

2 Pita 1:17

Nuranure kin ma wamtipa oh mamarumur. Nuhur yei ka rus patin itap Got oh mon Jisas ohnong armi mara armi matin ohe has yahnap ina ohsi mat manda hangop. Ihat pathe dahatperhan aw tei mahat has isipnapsi pat Got oh meng tit rim hangop. Meng ma ri oh Norhe mon moh norhor bopor mat papat monmuro. Ohe ma ihat sapat oh norhor amam isip mat papatmuro rim hangop.