Jon oh yah meng ma brak matip ohe meng oh 5:25 - Oksapmin

²⁵ Noh arpin meng napotiprohmur. Ma haput pati hatin hat pati ihir Got ohe brer nohe meng amram it dasi hatiprimur. Kaputwi na ihaprimur. Ginhe ihaptimur.

Jon oh yah meng ma brak matip ohe meng oh 5:25 ပူးပေါင်းရင်းမြစ်များ

Ruk oh yah meng ma brak matip ohe meng oh 15:24

Norhe brer moh wan mong teinong ma pip oh adus haputipkin dahat patin it apir ohoh ihan dir orhe danong ham den ruumsan dam amam matiprohemur pongopri. Pora ihir den ruumsan damo amam maro hatpari.

Ruk oh yah meng ma brak matip ohe meng oh 15:32

Gorhe nangga oh haputipkin dahat patin gin it apris pat ohoh ihan ohe danong ham amam matin da oh na mandatin hatinmur. Na mandatin ina hat pat ohoh ihan ohnong amam mar den damo hatiprohemur potipri. Ihtipari por Jisas oh ama paham meng oh pongopri.

Ruk oh yah meng ma brak matip ohe meng oh 9:60

Potporhan Jisas oh Es. Damdapat ma haputpa da hatin hat pati bap ihirdapat kat hapuriya han ire sein oh sa saripri. Gori gin orhor nohe tapnong ham susa Got ohe napapindin ohe meng oh pot pisashenmur pongopri.

Jon oh yah meng ma brak matip ohe meng oh 13:1

Gahan Pasopa dik rih Isrer ihir Isip ire hrepdapat hat patim Got oh pisusa iraire mong Kenannong pihip ohe dik oh ama kakduup hatpa oh. Kakduup hatperhan Jisas oh kakdah moh mandama it itap pat son hah teio rim orhe han kakdah mama pati han nuhurnong orhe isip bopor nahat napaptesuhru bopor nahat napapat da oh pitap teinong mar namgingop. Orhe nuhurnong isip bopor nahat napapat da ma namgitip oh mamaru mat namgitipmur.

Jon oh yah meng ma brak matip ohe meng oh 17:1

Ihama Jisas oh aw teinong watahangop. Watahama Ata inahatin sut oh gin hahmur. Go kakdah han ihirnong gonsi nohe hrepnong mat papatmur. Nohe hrepnong mat papatim gin go norhe kis mat papat han ihirnong eimat paten dasi matinmur napotporhan noh ama ihirnong eimat paten da ohsi deipatmur. Noh ihtin han hat pat ohoh ihan go nohnong amam armisi han nahatinmur. Nahatporhan noh ama amam armi da orhorsi it at gonong armi mat napaptepramur rim gorhornong mameng moh naporpatmur.

Jon oh yah meng ma brak matip ohe meng oh 4:21

Por dahamtiporhan oh Kuua. Go nohe ma napotiproh mengnong arpin menghe dahatinmur. Kaput hanip ihir yei kanong ruyao Jerusarem ap mutuhnong sayao ham Got ohe danong ham armi maro na haprimur.

Jon oh yah meng ma brak matip ohe meng oh 4:23

Ihtin orhora; gin mama pati dik moh arpin Got orhe danong hat patim ma armi deipti oh damdapat orhorwi arpin armi matin ohe da ohsi hat patim armi deiptimur. Amaru hat patim orhorwi Got oh Nohnong armi nahat ha napaptengwe dahapatmur.

Jon oh yah meng ma brak matip ohe meng oh 5:21

At orhe ma namgipat da oh tit mohnong dahatimur. At oh hapuripti han ihirnong pamsas it da ma apripatru hat orhor brer nohhe norhe ma dahah han ihirnong imat orhor ihat eimat paten da oh apripatmur.

Jon oh yah meng ma brak matip ohe meng oh 5:28

Imat nasapat han ohoh ihan gur Oh komdapat na nasatiprakin dahapri. Kaput haputperhan ma sein it pati han ihir gonsi nohe Gin gur masona potporhan amratiprimur. Amrama it masas teinong hatiprimur. Teinong hapti ma yah hat pateshe han ihir eimat paten dasi ham masaprimura; er hat pateshe han ihir masaperhan noh Gur er hat sashe ohoh ihan gur yah hat paten da oh timbasmur potipramur pongop.

Jon oh yah meng ma brak matip ohe meng oh 6:60

Jisas oh ameng oh potporhan orhorsi sapti han kat han gon ihir Mama napor meng moh ina ruumsi meng tit napor moh. Han de han oh ama ri mengnong oh dahatiproh ama gigoshatpa oh.

Jon oh yah meng ma brak matip ohe meng oh 8:43

Gur nohnong Itap Got oh darhetip han ma hapat na daham nohe mengnong na amratin inasi hat pati ohoh ihan nohe ma naporpat ohe mutuh mengnonghe na amram na dahaptimur.

Jon oh yah meng ma brak matip ohe meng oh 8:47

Got orhe brer hat pati ihir itap orhe mengnongwi amraptimur. Gurnong oh Got ohe brer na hat pati ohoh ihan gur orhe brer nohe mengnong na amraptimur pongop.

Jon oh yah meng ma brak matip ohe meng oh 9:27

oh Noh rih ma napor meng oh gur na dahayamur. Gin noh gurnong it naporit gurhe Nuhur orhe han hatpera daham nohnong it dahanahaptida ama potip oh.

Rom ihirnong Por oh brak atip ohe meng oh 6:4

Ihat ma tom waihiri oh niyarit haputperhan ohsi tap mat sein nasariya hatin ham tom waihirimur. Ihat ma waihiri oh er danong hatin ohe da oh ha haputinoho. Hapurit itap ohe wanohe yahnap kasip ohsi Krais ohnong ma pamsuhupru nohnonghe kopenohe yah danong hat son ohe da inasi nahat ha napamsonoh daham tom waihirimur.

Epesas 2:1

Rih Juda na hat pati gure ma pateshe oh Got ohe meng oh na amratiprohe daham er danong ham Got orhe danong hatin ohe da oh hapuriya ohe tan hat pateshemur.

Epesas 5:14

Tit has teinong ma hapti ohe meng oh mamaru hat riptimur. Hapura timon pat han go kin wataham masona. Masporhan Krais orhe has ohsi has teinong nahatiprohmur riptimur.

Korosi 2:13

Gur rih guragure da oh eit watah na gatmat pati hatin hat patin ina mutuh orhap tarpam er nahapat danongwi dimara er danong hat ma sashe oh haputpa da hatin hat pateshemur. Ama ihat da ohsi hat patin orhor Got oh ama ihat pati danong it yansi na nahama hanhan mar namdama Krais orhe tapnong nahama orhorsi yah hat paten ohe da oh nahat napapatmur.

Erer tarpatipra 3:1

Gin tit meng moh Go Got ohe nita bap Sardis aptei sios wamat papat enser ohnong mama meng moh brak mat atinmur. Got ohe Yahsup oh beshei aptei sios ihirnong kasip mat papat ohe Yahsupo merum beshei marin pat hano norhe mengmur. Ihat pat han norhe meng moh Sardis aptei sios wamat papat enser ohnong brak mat atinmur napotporhan Jon noh ama han orhe meng oh mama brak mat nasar ohmur. Orhordapat gure orhe nita hat patim ma ihat saptinong oh orhor am hat patri. Kat han ihirdapat Gurnong wanaham Maihir yah hat sapti bapmur naporipti orhora; gure da mutuhdapat oh er hat sapti han bap hat patiri. Ihat ma sapti ohe da oh haputpa da hatin hat patiri.