Jon oh yah meng ma brak matip ohe meng oh 4:48 - Oksapmin

⁴⁸ Por kamtiporhan Jisas oh noh hanip ire na imtin hatin da tit gurnong na namgihanoh gur Ohwi inahatin hatinwa na dahatiprohemur pongop.

Jon oh yah meng ma brak matip ohe meng oh 4:48 ပူးပေါင်းရင်းမြစ်များ

Jon oh yah meng ma brak matip ohe meng oh 20:29

Potporhan Jisas oh Go gin nohnong wanahamwi ihat dahahmur. Kat kuuhan ihir nohnong na wanahat patim orhor Oh arpin ihat masa pat han ma hapat dahaprimur. Ama ihat patepri ihir amam yahnap dasi hat patepri ihirmur pongop. Pora sangop.

Hibru 2:4

Ire ma ihat sapti ohe bas oh Meng moh arpin menghe ha dahatingwe rim Got oh na wandeipti hano Moh kasip yah menghe dahapti dao oh pinggisuhmur. Pinggima Moh arpin menghe ha dahatingwe rim Got orhe nitat atamreindin da oh orhe damdapat orhor orhe Yahsup ohnong apriporhan orhe Yahsup ohdapat nitat mat aprisuhmur. Ihpat ohoh ihan ama namburpat meng moh kasip meng na mandatin meng ma hapat daham kasip hat orhor marin paptenmur.

1 Korin 1:22

Irat bok sur gartahatip mengnong na dahatin menghe daham ma mandapti oh Juda hat pati han ihir Nuhurnong hanip dire na imtin hatin da tit namgiritwi nuhur wandeipti am hama arpin ihat pat hanhe daham orhe danong hatper dahaptimur. Juda na hat pati han bap ihirhe Nuhurnong kakdah morhe dakuu mengwi naporiyarit nuhur Got ohe danong hatper dahaptimur.

Aposer 2:22

Pora Isrer han gur nohe meng moh amratin. Nasaret aptei han Jisas oh gure mutuh oh patin Moh Got ohe mengtei ihat sapat hanhe ha dahatingwe rim Got oh orhe bes teinong am hatin da oh deio na dahapti da oh deio deisuhmur. Ma indeisuhnong oh gur am hat patimur.

Jon oh yah meng ma brak matip ohe meng oh 12:37

Jisas oh Juda ire kintei orhor hanip dire na imtin hatin da deipatin Juda ihir wamar am ham orhor Ohwi inahatin hatin han ma hapat na dahashemur.

2 Korin 12:12

Noh gure mutuh oh patin orhor manap da tei orhor tamreisuhmur. Noh gure mutuh oh ihat patin ma tamreisuh ohe pe oh Moh arpin Krais orhe meng pot pisashen han kis mat papat han ma hapat dahatin ohe da oh kasip han tarpao na wandeipti han tarpao hatipmur. Imat tarpatporhan gur ohnong wamara nohnong Moh Got orhor kis mat papat han ma hapat na dahashemur.

Rom ihirnong Por oh brak atip ohe meng oh 15:19

Noh ihtin da ma namgipat oh hanip dire na imtin hatin hano Got orhe kasipnong am hatin ohe kasip hano oh Yahsup orhe kasip ohsi inahatporhan imat pitap teinong mar namgim atamreipatmur. Imat Jerusarem apteidapat Krais ohe meng oh pot pisusa mong mutuh ohe aptei aptei gonsinong oh meng pot pisusa Iririkam mong kotipmur.

Aposer 14:3

Indeiptin Porsi Banabas ihit Aikoniam aptei orhor watahpei hat patim Hanipyah ohe meng oh pot inpari. Poriptin Hanipyah oh ite bes teinong hanip dire na imtin hatin da pinggio mat angopri. Imtiporhan ama kuuhan ihir wamara am hapti Ite ma Got oh orhe damdapat orhor dirnong yah nahapatmur ma naporiya meng moh arpin meng naporiya ma hapat dahangopari.

Mak oh yah meng ma brak matip meng oh 13:22

Ihir Noh arpin Kraismur. Noh arpin propetmur napor Got orhe Maihir norhe nitamur por kis nahat napapat han gur guragure arpin Gotnong mandama ihirnong ha dimtingwe rim gure kintei wandeipti na wandeipti han deiyao hat dasuh nahat apripri ohoh ihan gur ire meng amrapri. Gur Got ohe kis nahat napapat brer gur ohoh ihan gur ihtin mengnong oh na amratin inasi hat pati bap gurmur.

Matyu 24:24

Ihir Noh arpin Kraismur. Noh arpin propetmur napor Got orhe Maihir norhe nitamur por kis nahat napapat han gur guragure arpin Gotnong mandama ihirnong ha dimtingwe rim gure kintei wandeipti na wandeipti han deiyao hat dasuh nahat apripri ohoh ihan gur ire meng amrapri. Gur Got ohe kis nahat napapat brer gur ohoh ihan gur ihtin mengnong oh na amratin inasi hat pati bap gurmur.

Aposer 2:43

Gahan Got oh Jisas orhe mengtei tamrein sapti han ire bes tei na wandeipti han deipatin kuuhan ihir wandeiniptiri. Wandeipti Watina. Ire bes teinong Got oh na wandeipti han indeipat moho rim ihirhe da tupnet ringopari.

Jon oh yah meng ma brak matip ohe meng oh 2:18

Dahatperhan Juda ire duuptei han ihir Jisas ohnong Go nihohe mengtei inahah. Ihan go hanip dire na imtin hatin han tit namgirit nuhur Moh arpin Got ohe mengtei ihpat ma hapat dahatiprohe pongopa.

Ruk oh yah meng ma brak matip ohe meng oh 16:31

Potporhan Epraham oh Es. Ihir Nuhur Moseso propeto ire rim ma brak matpa mengnong oh na amratiprohemur dahapti ohoh ihan haputpa han ihir tit it masas sus porhanoh ihir Arpinhe daham amratiproheda. Basra. Ihir na amratiprohemuro pongopri. Ihangopari pongopri.

2 Tesaronaika 2:9

Ama ernap han ohe ihat ahar apris ma pat oh Satan orhe er hat pat orhe kasipnap kasip ohsi kasip matporhan ama kasipnap ohsi apris patim hanip dire pati mutuhnong apripramur. Ama ohe kasip ohsi aprisa arpin tarpatipra ohe kis hano hanip dire na imtin hatin hano oh arpin Got orhe kasip ohsi ha indei hatin mat imtipramur.

Aposer 15:12

Porsi; Banabas ihit Got oh ite bes teinong mar Juda na hat pati han ire pati mutuh ma hanip dire na imtin hatin han ma imtir ohe meng oh poriptin ama tarmuriya han bap ihir amram da darhera kimiringopari.

Aposer 7:36

Matporhan oh susa ihirnong ambura Isip mong oh hanip dire na imtin hatin han ohoh imat papdapmur. Hanip dire na imtin hatin han ma imat papdap oh tom hru Heim tommur ma porishe tom hru tei oh hanip dire na imtin hatin han deio hanip timbas mong tei oh hanip dire na imtin hatin han deio mat papdapmur. Hanip timbas mong oh imat popripatin 40 krismas birhitipmur.

Aposer 6:8

Gahan Sitipen oh Got ohe bapkei da ohsi hat patim pang buksi han hat patesuhri. Pang buksi han hat patim kuuhan ire kintei oh hanip dire na imtin hatin han oh indeio mar patenipatri.

Aposer 5:12

Gahan Jisas orhe mengtei tamrein sapti han ihir kuuhan ire mutuh oh hanip dire na imtin han oh indeiyao mar patesheri. Ihaptidapat Jisas ohe meng amrapti han ihirhe tit dawi ham Got ohe ap yawar ohe Soromon ohemur ma poripti kepu dahnong ros tarmurisheri.

Aposer 4:30

Nahama gorhe ongeng tahat pat han Jisas ohe win oh rim hanip dire na imtin hatin han oh imtin inasi nahatinmuro gipor dahamtipari.

Aposer 2:19

Riptin gur Got oh ihtin han pat ma hapat ha dahatingwe rim noh aw teinong mahat wanohe da tit deio kakdah moh na wandeipti han tit deio deipramur. Nohe kakdah moh ma indeipra oh heim deio irat has deio tuhup isip deio deipramur.

Jon oh yah meng ma brak matip ohe meng oh 15:24

Noh apris ire kintei hanip dire na imtin ina da oh na indeisuhneng ihir nohnong inahapti ohe san oh ire bok oh na patnengmur. Noh hanip dire na imtin ina da oh indeipatin orhor ihir wamar am ham orhor at nuhutnong tap mat garnaham heisup nahapti ohoh ihan san oh iraire bokdapat hat patmur.

Ruk oh yah meng ma brak matip ohe meng oh 10:18

Potperhan Jisas oh gur indeiptin noh wandeioh Satan oh aw teidapat kakdahnong moh wandangwermur.

Matyu 27:42

Han moh ihirnong Noh yah deimur ma ripat han moh gin orhor oh sur per hamat sar wandas na son ina hat patda. Oh Isrer ire kakhan hat pat ma ripatgwer han moh gin orhorhe sur pet sar wandas ha sonoha. Oh sur pet sar wandas usda ihan dirhe arpinhe dahatiprohe goshangopa.

Matyu 16:1

Des patin Parisio Sadyusio ihir apris Jisas ohnong Go nuhurnong na wandeipti da tit namgirit nuhur Moh arpin Got ohe nadarhetip hanhe dahatper pora orhornong heisup mar imtinmat dasuh meng ohnong kis deingopa.

Jon oh yah meng ma brak matip ohe meng oh 4:49

Potporhan kamoheim oh Es. Nohe brer oh haputipra. Go kapkap aprina pongop.