Jon oh yah meng ma brak matip ohe meng oh 4:46 - Oksapmin

^46-47 Ambutperhan nuhur susa Jisas ohe tomnap orhor irat gwe wain tom gap ma matip aptei oh kotpa. Kotperhan Jisas oh Judia mongdapat apris patmur ritperhan Kapeneam aptei gapman ohe duuptei hat pat han oh amrama orhe brer mon oh sik hat pato rim apingop. Apriporhan Jisas ohnong Nohe mon oh sik ham haputin ina kakduup hatmur ihan go apris napomtina por kandeingop.

Jon oh yah meng ma brak matip ohe meng oh 4:46 ပူးပေါင်းရင်းမြစ်များ

Matyu 15:22

Saptin Kenan mong Juda na hat pati kuu tit aprisa Jisas ohnong Hanipyaha. Got oh kaput Depit ohe puh tit darhetipra rim orhe nadarhetip han go gin nohnong kamahara nahatina. Nohe kor uh mongsup oh amkat patmur pongop.

Matyu 4:13

Aprisa Nasaret aptei mandama Kapaneam apteinong sus angopri. Kapaneam oh tom hru hir patmur. Seburun ire mongsi Naptari ire mongsi mong en tei oh patmur.

Matyu 9:18

Porpatin rotu apnong wamat papti han tit apingop. Aprisa Jisas ohe duup oh mong tei wah katin takira Nohe kor uh kopen haputmur. Ihan go susa bes oh uhe basnong matporhan it da sa apriproh pongop.

Ruk oh yah meng ma brak matip ohe meng oh 4:23

Apetperhan Jisas oh Gur guragure kusem han ihirnong ma poripti meng oh Kusem han go gorhe sik hat pat boknongri potahahrit nuhur wanahama Arpin hanhe dahatper ma poripti meng hatin mat gurdapat nohnong napotin ina hat patimur. Gur ihat napotin ina hat ma pati da oh gur Go Kapaneam aptei imtiporhan nuhur ma amratiri meng oh gin gorhe aptei mohhe ihtin da tit matporhan nuhur wamara Moh arpin ihpat hanhe daham am hatper napotin ina hat patimur pongopri.

Ruk oh yah meng ma brak matip ohe meng oh 7:2

Susa aptei patin Jisas oh Kapaneam aptei patmur ritperhan Rom ire dupsi han ire duuptei han oh ama amratip oh. Amrapat Norhe bopor mat papat norhe natamreipat han moh sik isip ham haputin ina hat moh Jisas oh apris ha yah matinoh daham Juda han pohon ihirnong Gur sus Jisas ohnong potinmur. Nohe natamreipat han moh sik ham haputin ina hah ohoh ihan oh apris ha nayah matinoh rihe potinmur por ihirnong ama adarhetip oh.

Jon oh yah meng ma brak matip ohe meng oh 2:12

Gahan Jisaso orhe sup uho nap gapiniro orhe namgit napisapat hano nuranur Kapeneam apteinong waihpa. Wasa Kapeneam aptei oh inpa.