Jon oh yah meng ma brak matip ohe meng oh 4:21 - Oksapmin

²¹ Por dahamtiporhan oh Kuua. Go nohe ma napotiproh mengnong arpin menghe dahatinmur. Kaput hanip ihir yei kanong ruyao Jerusarem ap mutuhnong sayao ham Got ohe danong ham armi maro na haprimur.

Jon oh yah meng ma brak matip ohe meng oh 4:21 ပူးပေါင်းရင်းမြစ်များ

1 Timoti 2:8

Ihan noh aptei aptei ma pati han gonsi ihir heisup ham inggoshatin da oh timbas hat patim ongeng mat papti da orhorsiwi Got ohnong dahamar ha paptengwe dahat patmur.

Epesas 2:18

Krais orhor imat napapat ohoh ihan dir tit Yahsup ohsiwi Got ohe tapnong hama ohsi mengitin ohe inasi hat patimur.

Jon oh yah meng ma brak matip ohe meng oh 4:23

Ihtin orhora; gin mama pati dik moh arpin Got orhe danong hat patim ma armi deipti oh damdapat orhorwi arpin armi matin ohe da ohsi hat patim armi deiptimur. Amaru hat patim orhorwi Got oh Nohnong armi nahat ha napaptengwe dahapatmur.

Matyu 18:20

Guragur yot hando yitir hando gur Nuhur at orhe nita hat pati sa daham tap tei hayahan noh ama ihat tap tei haya han gure mutuh patmur napongop.

Epesas 3:14

Got oh dirnong tit bapwi nahat napapato rim noh diradire at Got ohe duupnong ham mem ham nadahandeipatmur.

Jon oh yah meng ma brak matip ohe meng oh 16:32

Gurnong oknahatperhan gur nohnong namdam it guragure nitat aptei kukutiprohemur. Kukutperhan noh norhap pat hatiprohmur. Namdatiprohe orhora; norhap na pat hatiprohmur at ohsi pat hatiprohmur.

Jon oh yah meng ma brak matip ohe meng oh 16:2

Gurnong ma inahapri oh duuptei han ihir Gurnong Gur rotu ap moh na rosiprimur napor baso naporiprimur. Napora Nuhur maihirnong suyarit hapuriyahan Got oh nuhurnong Gur yah hayamur napotiprakin daham niprimur.

Jon oh yah meng ma brak matip ohe meng oh 5:28

Imat nasapat han ohoh ihan gur Oh komdapat na nasatiprakin dahapri. Kaput haputperhan ma sein it pati han ihir gonsi nohe Gin gur masona potporhan amratiprimur. Amrama it masas teinong hatiprimur. Teinong hapti ma yah hat pateshe han ihir eimat paten dasi ham masaprimura; er hat pateshe han ihir masaperhan noh Gur er hat sashe ohoh ihan gur yah hat paten da oh timbasmur potipramur pongop.

1 Pita 1:17

Gure Got ohnong ma dahandeipti oh Ata por dahandeiptimur. Ama ata por dahandeipti Got oh Moh winsi kamah hanhe ihan yah matpora. Moh borop han win timbashanhe ihan er matpora daham na nasapatmur. Ohe ma nasapat oh danongwi wamara dire ma ihat saya danong asoh nitat pomat nasam inahapatmur. Oh imat pomat nasam inahapat han ohoh ihan gur hohop han bap hatin hat patim orhornong kas hat patenmur.

Aposer 6:14

Ohe ma dasei deipat oh Nasaret aptei han Jisas oh ap yawar moh urkamat saro Moses ohe pohon meng oh amkaro hapramur ripatgwermur pongopari.

Jon oh yah meng ma brak matip ohe meng oh 14:6

Potporhan Jisas oh Ama apteinong son ohe mandap kat oh norhormur. Arpin meng ma riptihe norhe bokdapatwi tarpapatmur. Eimat yah hat paten ohe dahe norhe boknongwi hat patmur. Noh ihat pat han ohoh ihan At ohe patnong sapera dahayahanhe wan kathe ti na saptimur. Norhe boknongwi ham at ohe patnong saptimur.

Jon oh yah meng ma brak matip ohe meng oh 5:25

Noh arpin meng napotiprohmur. Ma haput pati hatin hat pati ihir Got ohe brer nohe meng amram it dasi hatiprimur. Kaputwi na ihaprimur. Ginhe ihaptimur.

Ruk oh yah meng ma brak matip ohe meng oh 21:24

Mama Judia mong mong mama pati kuuhan bap ihirnong ina ruumsup amkar ma sutipra oh kat han ihirnong biorsi sutperhan or wandaprimur. Kat han ihirnong tapmar pisus wan han bap ire hrepnong mar papteprimur. Jerusarem ap mutuhnong oh Juda na hat pati han bap ihir ire hrepnong mar tonggamar er mat paptin Got oh Gin kiwa dahatporhan timbas hatipramur pongopri.

Matyu 28:19

Ihtin ohoh ihan gurhe aw pe mong pe ama han bap ama han bap ihirnonghe norhorsi tap hat paten han bap mat napisashenmur. Napisusa nure winsi patio rim At ohe wino brer nohe wino Yahsup ohe wino ama nure win rima tom patirinmur.

Erer tarpatipra 21:22

Ama ap mutuh oh ap yawar oh ti na patgop. Hanipyah kasipnap Got ohsi; sipsip bap ohsi itait ap yawar hatin hat pati ohoh ihan ap yawarhe ti na patgop.