Jon oh yah meng ma brak matip ohe meng oh 3:5 - Oksapmin

⁵ Gipotporhan Jisas oh Noh arpin meng napotiprohmur. Hanip gurnong Got ohe Yahsup oh tom ohe tan gahnahamo kopen nasariya brer hatin nahamo na nahahhanoh gur Got ohe napapindin hrepnong na hatiprimur.

Jon oh yah meng ma brak matip ohe meng oh 3:5 ပူးပေါင်းရင်းမြစ်များ

Aposer 2:38

Por dahamtiperhan Pita oh Gin guragure ihat er hat ma pati da oh mandatpera daham kom asar mandatinmur. Mandama Jisas orhe win rim tom wayonmur. Waperhan gure er hat sapti ohe pe yansi nahat napapat yan oh it yansi na naham hanhan mar namdatiprohmur. Namdama orhe musum yan timbas ma napripat Yahsup oh gure mutuhnong mat namdatiprohmur.

Epesas 5:26

Krais oh dire gwemat ma haputip oh Noh norhe nita sios kuuhan bap maihirnong tom gahdeipti ohe tan mat gahmaro norhe meng ohsi yah maro mar ongeng mat papten dasi matipramur. Deipat ire ina bok andeh sirap huhun tamboro er yan datin hatin hat pati ohe tamboro oh timbasnap ina yahnap ongeng mar mihihnap mat papat bok tei andeh norhe bes teinong mar datipramur daham dire gwemat haputipmur.

1 Pita 3:21

Tom hru dahdapat orhor ma ambutip oh kaput Norhe kuuhan ihir tom waperhan mimat ambutipramur rim namgitipmur. Gin ma namgitipru hat orhor dir tom waperhan namburpatmur. Tom ma wapti oh sirap tambor hirmat mandatinmat na waptimur. Hanip ire kintei Nohe da ohri gin Got orhe kintei oh ongeng matwi paptepramur rim tom waptimur. Ama ihat waya ohe pe oh Got oh Krais ohe hapur mashup dap tei oh dirnong namburpatmur.

1 Korin 6:11

Kat han gur rih ihtin dasi hat pateshe bap gurmur. Gin mama patinong oh Got orhor er gap hirmat namdama yah nahat napapatmur. Imat ma napapat oh orhor diradire Hanipyah Jisas Krais ohe dap teimdapat orhe Yahsup oh gure mutuhnong nahatporhan Yahsup orhor Got orhe gon han bap nahat napapatmur. Orhe gon han bap nahat napapatin orhe kintei oh yah hat patin oh Gur yah hat pati han bapmur naporpatmur.

Matyu 3:11

Porpat Noh gure er da ha mandatingwe rim tomwi napatirpatmur. Kasipnap han oh kom apripramur. Ma apripra han oh kasip isipsi han oh apripramur. Nohe kasip oh ohe kasip hrepdapat hat patepramur. Oh kasip yahnapsi han ohoh ihan noh bisei han hatin hat pat ohoh ihan noh orhe tongapnong na apison inasi hat patmur. Ihtin kasipnap han tit aprisa gurnong Got ohe Yahsup ohsi; gure danong nahirmatin ohe irat has hatin ohsi nohe tom ma napatirpatru nahat gure mutuhnong namtipramur.

Jon oh yah meng ma brak matip ohe meng oh 3:3

Potporhan Jisas oh Noh arpin meng napotiprohmur. Hanip gurnong Got ohe napapindin hrepnong hatin ohe dasi it na nasariyahanoh gur Got ohe napapindin tei oh na wamtiprimur pongop.

Mak oh yah meng ma brak matip meng oh 16:16

Imat pot pisaptin meng amram Arpin menghe daham tom hru dahnong waya ihirnong oh Got oh amburipramur. Amrama arpin menghe na dahapti ihirnong oh Got oh Gure er hat sapti ohe yan oh patmur por na amburipramur.

1 Korin 2:12

Dir ihat pati ohoh ihan hanip dire Got ohe danong ma am hapti oh kakdah mohe hanip diradire dahapti da ohsi Got orhe danong na am haptimur. Got oh orhe Yahsup ohnong Go norhe damdapat ihirnong be apripat yah da moh ihirnong pinggim am matinmur por darhetporhan orhe Yahsup oh apris dirnong ama da oh namgim am nahapatmur.

Jon oh yah meng ma brak matip ohe meng oh 1:13

Orhe brer hen ohe da ma napripat oh dir damdapat Got orhe brer hatpor dahatperhan na napripatmur. Kuu gamin ihit Got ohe brer na amanheptimur. Got orhe da orhor orhe brer hen ohe da oh napripatmur.

1 Jon 5:1

Gur mohnong dahenmur. Jisas ohnong Got orhor dirnong namburin han nadarhetip ma hapat dahapti han bap dir Got orhe brer hat patim ihat dahaptimur. Orhe brer hat patim ihat dahapti ohoh ihan itap orhornong da apris bopor deipti da hatin hat orhor orhe brer hat patim ihirnonghe imat da apris bopor deiptimur.

1 Jon 2:29

Gur Krais oh duung dasi hat pat hanwa dahat pati ohoh ihan ihat duung dasi hat ma sapti ihiroh Got orhe brer ham ihat sapti ma hapat daham am haptimur.

Garesia 6:15

Ihan eit watah gatdeiyao na gatdeiyao ma hapti oh oh be teiwi ihaptimur. Got orhe ma kopenohe inasi naham kopen han ma nahapat ohe da ohwi isipnap hat patmur.

Rom ihirnong Por oh brak atip ohe meng oh 14:17

Dir Got orhe napapindin hrepnong hat ma pati oh Moh yah tommur. Moh er tommur. Moh yah denmur. Moh er denmur ripti ohe danong hatinmat ihat patida. Basra. Duung dasi hat son ohe dao manap goshat indin ohe dao Yahsup orhe ma inahapat ohe amam danong hat son ohe dao ama isip hat pat danong oh hatinmat orhe napapat hrepnong hat patimur.

Matyu 28:19

Ihtin ohoh ihan gurhe aw pe mong pe ama han bap ama han bap ihirnonghe norhorsi tap hat paten han bap mat napisashenmur. Napisusa nure winsi patio rim At ohe wino brer nohe wino Yahsup ohe wino ama nure win rima tom patirinmur.

Matyu 18:3

Tandeitporhan Gin gur brer moh wamtin. Gure dahe brer mihtin ire dahapti da hatin na hayahanoh gur Got ohe napapindin hrepnong eimat na hatiprimur.

1 Pita 1:2

Rih orhor At Got oh gurnong Noh mama han moh norhe nita matipramur. Matinmat oh norhe Yahsup ohsi norhe ongeng mat papten brer matipramur. Mara Jisas Krais orhe heim dap tei oh ire er gap yan oh ahirmatporhan orhe mengnongwi sa dimtipri daham kis nahatipmur. Ihat kis naham napapat han norhor gure ihat paten meng oh noh Got ohnong At Gota. Gorhe damdapat daham Ihirnong noh imat yah matpor ma dahapat da ohsi; manap goshat yah hat paten da ohsi ire mutuhnong isip mat orhor apisashenmur por nadahandeipatmur.

Aposer 3:19

Ihan gurhe Nure ihat er hapti da oh mandatpera daham kom asar mandatinmur. Kom asar mandama Got oh nure er gap oh hirmat ha namdatinohmur.

Ruk oh yah meng ma brak matip ohe meng oh 13:3

Basra. Noh arpin meng napotiprohmur. Guragur tap da hat patimur. Guragur tap da hat pati ohoh ihan gure er hat sapti da oh na mandam ihat orhorwi ayahanoh guragur amaru hat orhor batbet datiprimur.

Matyu 5:20

Noh mama meng moh gurnong napotiprohmur. Sawa am hat pati hano Parisio ihir Nuhur Got ohe mengnong amram saptimur ma ripti oh garpokmur. Gurri ire tan hathe sasipri. Gur gonsi isip mar amratinmur. Na ihyahan Got ohe napapindin teinong na hatiprimur pongopri.

Ruk oh yah meng ma brak matip ohe meng oh 13:24

Por dahamtiporhan Jisas oh Got ohe napapindin teinong sapti kat oh gop kat ohoh ihan ruumsan kuuhan ihir sapera daham sus kis tahayaoh na ron ina hatperhan mandaprimur. Ihtin gop kat ohoh ihan ropora ma dahapat da orhorwi kasip hat orhorwi patdapat roshenmur.

Ruk oh yah meng ma brak matip ohe meng oh 13:5

Basra. Noh arpin meng napotiprohmur. Guragur tap da hat patimur. Guragur tap da hat pati ohoh ihan gure er hat sapti da oh na mandam ihat orhorwi ayahanoh guragur amaru hat orhor batbet datiprimur pongopri.

Matyu 19:24

Tit meng oh mamaru hat patmur. Sahapti han kemar ihir sur tem kat oh kin hat ron ham butahaptimur. Erer ruumsansi hat pati han ihiroh Got ohe napapindin hrepnong sonmat oh atnap butahaptimur napongop.

Matyu 21:31

Gahan itap oh it tap meng orhor mon tit han ohnong Gin gohe nohe tomhan oh ti nakapom sashenmur potipri. Potporhan oh Yahwa noh saprohmur pongopri. Saprohmur ritip ohor na pipri. Ihtipari pongop.

Mak oh yah meng ma brak matip meng oh 9:47

Kin oh er nahat napison ina nahahhanhe kin tan hwet mandatinmur. Kin tan hwetinsi hama Got ohe patnong eimat sayahan yahmur. Kin yotsi orhor irat has teinong sayahan ermur.

Mak oh yah meng ma brak matip meng oh 10:14

Imtiperhan Jisas oh wamara heimse rim da er hama ihirnong Gur ihirnong baso por imtipri. Got orhe napapindin hrepnong ma hapti ihir oh mihtin brer hatin hat ma pati ihir Got orhe napapindin hrepnong hapti ohoh ihan gur ihirnong baso poripri. Ihir nohe patnong moh ha apringwemur.

Jon oh yah meng ma brak matip ohe meng oh 3:4

Potporhan oh Epe. Hanipyah nuhur it kinhat kopen nasariya brer hatin hatiprohe. It ake dusnong ham it nitiproheda. Oh it na ihtin hatinmur pongop.

1 Korin 15:50

Nohe taptem bapa. Nohe ma naporpat oh gur mihat ha dahatingwe rim naporpatmur. Hanip dire ina moh gonsi timbas hapat ina ohoh ihan ama ohe inasi hat patim Got orhe napapindin teinong na saprimur. Aw tei oh eimat paten inasi ham paten ap tei ohoh ihan mama pathar timbas hapat ina mohsi hathe na saprimur.