Jon oh yah meng ma brak matip ohe meng oh 21:16 - Oksapmin

¹⁶ Pora gahan it tipnerip oh Jon ohe mon Saimon go arpin nohe danong ham bopor nahat napapatda potporhan oh Dawa. Hanipyaha. Nohe gonong bopor nahat ma napapat da oh go am hat patmur pongop. Potporhan oh Go ihan norhe han sahapti han hatin hat pati ihirnong go wamat napaptenmur pongop.

Jon oh yah meng ma brak matip ohe meng oh 21:16 ပူးပေါင်းရင်းမြစ်များ

Aposer 20:28

Ihtin ohoh ihan guragure danonghe pomar paptenmur. Pomar paptim Got orhe Yahsup oh gurnong Mama Got orhe nita kuuhan bap ihirnonghe gur wamat paptenmuro napor kis nahat napapat ohoh ihan gur ihirnong pomat orhor awamat paptenmur. Got oh nohe nita bapwi ha hatingwe daham orhe mon ohe heim ohsi mohotip bap ihir ohoh ihan gur ihirnonghe pomat orhor awamat paptenmur.

1 Pita 5:2

Got oh Norhe papat kuuhan moh gure hrepnong matporhan gur sipsip bap ihirnong mat ma paptiru mat orhor napaptenmur napor gure hrepnong mat papat ohoh ihan gur pomat mamaru mat paptenmur. Gur damdapathe garhat patimhe paptepri. Got orhor Mimat napaptenmur naporpat da ohsi Imat paptepora daham pan hat orhorwi apaptenmur. Gur Nuhur yanhe titsi ruumsan mat dariptineng daham imat paptepri. Damdapat Mimat panggeipti moh yaho daham panggein danong isip ham pan hat orhor tamrein paptenmur.

1 Pita 2:25

Rih oh gur sipsip bap ire papindin han ohnong mandama mandap angmar irarhe kot dus ma patiru hatin hat pateshemur. Ginnong oh gure da oh sipsip bap ihir iraire papat han orhe hrepnong mar papatru mat orhor gure dahe napapat han orhe hrepnong naham napapatmur.

Hibru 13:20

Mama meng rim brak mat nasar han noh Got ohnong mimat dahandeipatmur. At Gota. Manap naham yah dasi nahapat Gota. Gorhe dipdipwi patepra ohe dik natip mengnong ma kasip matip heim ohe dap tei oh diradire Hanipyah Jisas ohnong it pamsuhupmur. It ma pamsuhup oh nuhurnong orhe hrepnong naham yah mat napapten ohe kaknap han mar pamsuhupmur.

Jon oh yah meng ma brak matip ohe meng oh 18:25

Gahan Pita oh irat kak oh tandeim dame tinggipatin ihir Gohe orhorsi sapat han gur basda potperhan oh Noh ama ihir basmur rim win ama aremdip oh.

Jon oh yah meng ma brak matip ohe meng oh 18:17

Prosa Go orhorsi pat han ihirkin potporhan oh Noh ama han ihir basmur pongop.

Ruk oh yah meng ma brak matip ohe meng oh 19:10

Hanip Brer noh ama ihat er da hrepnong hat pati han ihirnong ambur yah da ohe mandap teinong matporim angmat apripato rim mama angnaham nambur ohmur pongopri.

Matyu 26:72

Potporhan Pita oh Nohri geten awamnapmur. Ama han oh noh hanhan hanmur pongopri.

Matyu 25:32

Tongnoma aw pe mong pe mong mong ma pati ihirnong gonsi tap tei nahama nasatipramur. Ma nasatipra oh imah sahapti han ire mat saptiru sipsip orhe teinong deiya meme orhe wan teinong deiya ma deiptiru mar nasatipramur.

Matyu 2:6

Got ohe meng porishe han ihir tit meng por ma brak matip oh mamaru hat patmur. Juda mong Betrehem apteidapat hanisip tit apripramuro. Aprisa Isrer nure napapten han hatipramuro. Ihtin han tit Betrehem apteidapat apripra ohoh ihan Betrehem aptei gar aptei orhora; win isip aptei hatipramuro. por brak matipmur. Ihtin ohoh ihan Betrehem aptei itiri ma hapat daham potpari.

Jon oh yah meng ma brak matip ohe meng oh 21:17

Pora it bimrip meng oh Jon ohe mon Saimon go nohnong bopor nahat napapatda potporhan oh Rihhe it tap meng orhorwi dahanahahhe daham da er hama Hanipyaha. Erer oh go am hat patmur. Ihan nohe ma gonong bopor nahat napapat da oh go am hat patmur pongop. Potporhan oh Go norhe han sahapti han hatin hat pati ihirnong nasaham napaptenmur.