Jon oh yah meng ma brak matip ohe meng oh 2:10 - Oksapmin

¹⁰ Oh hanhan hama kuu ma datir han ohnong Nohe patnong aprina potporhan oh apriporhan ohnong Han ihir irat gwe wain tom gap oh yah dasansi han ohri asariptimur. Atperhan ihir ruumsan diperhan Gin ihir wain ruumsan daya tei moh ihir Moh er dasanhe yah dasanhe na daham be yahwiwa daham diprohekin daham yan gar sar ma mohopti ohe wain tom oh asariptimur. Ma ihaptiru go wain yahnap dasansi mohri kianorim na pande ama potip oh.

Jon oh yah meng ma brak matip ohe meng oh 2:10 ပူးပေါင်းရင်းမြစ်များ

Matyu 24:49

kat atamreipti kuuhan ihirnong suo den din danongwi haho er tom dam da timbas haho hatiprohmur.

Ruk oh yah meng ma brak matip ohe meng oh 12:45

Yah hat tamreipat ohe pe oh imtipramura; ohe hrepnong mat mandam saporhan Ohe erer oh nohe hrepnong mat namdam pir han moh kapkap na apripra ma hapat daham kat atamreipti kuuhan ihirnong suo den din danongwi haho er tom dam da timbas haho hatiprohmur.

Ruk oh yah meng ma brak matip ohe meng oh 16:25

Por uatporhan Epraham oh Mono. Gorhe ma patesuhnong oh dahatinmuro. Go da patin orhor gorhe ina boknong bapkei taham ma patesuhnong dahatinmuro. Rasaras ohe ma patesuh oh orhe ina moh er mongwi ham bisei han hat patesuhmuro. Gin gute ina oh yawar hayamuro. Gonong er ham ina batbet isip dat patmuro. Ohnong da yah ham bapkei inasi hat patmuro.

Aposer 2:15

Gur nuhurnong Ihir er tom dam da ban taham ihyamur ma naporiya oh kianorim gur ihat nuhurnong naporiya. Kwihanda ihan gur nuhurnong ginapotiprohemur. Nuhur kutwi mama ihaya oh er tom oh kutwihe daptida. Kutwi na dapti ohoh ihan gur kianorim Ihir er tom dam ihyamur naporiya.

1 Korin 11:21

Guragure ma tarmuripti oh kat guragure tarmuriya tei den dipero rim mim apriri den oh kapkap orhor nahsi mat dama timbas deiptimur. Arwananah kat han ire danong na hatperhan ihir pahohsi hat patimur. Wain tom ma mim popririhe kat gur nahsi mat dama da ban taham da timbas hat saptimur.

Epesas 5:18

Wain er tom ruumsan dama ohe kasip hrepnong nahatporhan da ban tahat ma sapti oh er ohoh ihan gurri ihapri. Mandama Got orhe Yahsupnong asoh nohe da mutuh mahan ha teip nahatinoh. Teip nahat napapatin noh orhe kasip hrepnong hat patepor daham pei mat pisashenmur.

1 Tesaronaika 5:7

Er tom dam da ban tahayao da timbas ham timaya hatin hayao hat ma sapti oh kwitem dusnong hat pati han ihirwi ihat saptimur. Ihan teiwi yah hat watahat patenmur.

Erer tarpatipra 17:2

Ama ap mutuh oh bisei saw hapat kuu hatin hat pat ohoh ihan among among ohe kakhan hat pati han ihirhe ama ap mutuh ire tapnong ham er da oh irair tap mat dara ihat saptimur. Be han ma among among pati bap ihirhe ama ap mutuh ire er hat sapti da oh dara wain er tom dama da timbas hapti ohe da hatin hat patimur. Ama ap mutuh bisei saw kuu hatin hat pat ap mutuh ohnong bopor heisup matin da oh namgitiprohmur napongop.

Erer tarpatipra 17:6

Ihat pathe dahama noh wandeioh urhe bes teidapat Got ohe nita bap ihirnong Got ohe danong hapti da moh na mandapti moh noh sutpora daham supat heim oh it urhor dama wain tom dama da ban taham deinin hat sapti ohe tan hat sapatgop. Ihat sapathan noh wamara da trun trun darhetip.