Jon oh yah meng ma brak matip ohe meng oh 19:9 - Oksapmin

⁹ Ihama Jisas ohsi it ap rongopa. Ap rosa Jisas ohnong Go de hana por ama dahamtip oh. Dahamtiporhan Jisas oh it meng diteim na pora ama kimirit mandatip oh.

Jon oh yah meng ma brak matip ohe meng oh 19:9 ပူးပေါင်းရင်းမြစ်များ

Matyu 26:63

Potporhan Jisas oh kimirit mandangopri. Ihtiporhan Got ohe ap yawar hanat bok han ire duupteinap han oh Gin go Got ohe brer darhetipra ma ritip brer Krais oh goda. Gohanoh Dawa. Noh Got ohe nadarhetipra ma ritip brer Krais oh nohmur rim Got dipwi pat han ohe winnong rim awam tuketinmur. Go wan hanhanhe Go Noh wan hanmur rim awam tuketinmur pongopri.

Matyu 27:27

Imtiperhan orhornong wamat pati dupsi han ihir gapman hat pat han orhe ap yah oh Jisas ohnong prosa gonsi dupsi han ihirnonghe Gonsi tap tei hatinmur por uatperhan ihir gonsi ama tap tei hatpa oh.

Ruk oh yah meng ma brak matip ohe meng oh 23:9

Amam hapat Jisas ohnong meng ruumsan tit dahandeingopri. Dahamtiporhan Jisas oh Herot ohe ma dahandei meng oh it diteim ti na por kimirit mandangopri.

Jon oh yah meng ma brak matip ohe meng oh 18:28

Gahan kimsidapat Juda ihir kutkutwi Kaiapas ohe aptei amdapat Rom ire duuptei gapman hat pat han Pairat ohe apnong Jisas ohnong pisongopa. Pisusa aptei oh Dir ongeng tahat pati dik moh apnong royahan den tarmur daptinong bisei matiprio rim kot tei oh angopa.

Jon oh yah meng ma brak matip ohe meng oh 18:33

Potperhan Pairat oh it ap rongop. Rosa Jisas oh ha maronoh potporhan oh rongop. Roporhan Pairat oh Go Juda ire kakhan ham papat han oh goda por ama dahamtip oh.

Jon oh yah meng ma brak matip ohe meng oh 18:34

Por dahamtiporhan Jisas oh Go gorhe damdapat dahamtipora daham dahanahahda da Juda ihir ama meng dahamtinmur napotperhan go nohnong dahanahah ama potip oh.

Jon oh yah meng ma brak matip ohe meng oh 18:37

Potporhan Pairat oh Gwe ihat ma napor meng moh go arpin kat han ire kakhan hat patin ginaporkin potporhan Jisas oh Go nohnong Go kakhan hat pat hankin ma napor oh go arpin meng nohnong napormur. Ihat kakhan hama arpin mengwi rit ha sashenoh rim em uh nohnong kakdah morhor nitporhan noh tarpatipmur. Ihat tarpatip ohoh ihan noh arpin mengsi mama ihat apripat ohmur. Ihat apripatin arpin danong dindeipti han ihir nohe meng amraptimur ama potip oh.

Jon oh yah meng ma brak matip ohe meng oh 19:10

Kimirit mandatporhan Pairat oh Go nohe kasip hat ma patnong moh hanhan hat patim nohnong go it meng na naporda. Nohe mengtei Gin mandatina porhanoh namdatiprohemur. Gin irat bok sur garmar sutina porhanoh arpin inahatiprohemur. Go hanhanda ama potip oh.

Jon oh yah meng ma brak matip ohe meng oh 19:8

Potperhan Pairat oh Jisas ohe Noh Got ohe brermur ma ripat meng oh amrama kas yahnap tit hangop.

Jon oh yah meng ma brak matip ohe meng oh 8:14

Potperhan Jisas oh Nohe patdapat ma apdap teio norhe ma sapra teio oh norhor am hat patmur. Am hat pat ohoh ihan norhor Noh ihtin han hat patmur ma ripat oh noh arpin meng ripatmur. Noh arpin meng ripat orhor gur norhe patdapat ma apdap teio norhe ma sapra teio oh gur hanhan hat patimur.

Piripai 1:28

Imat pisaptin dasei mar indeipti han bap ihirnonghe na kasa mar watahpei ham orhor meng pomat poriptimuro ritperhan noh amrapramur. Gur ihat tit da ohsiwi hat patim watahpei ham meng pot pisayahanoh kat han ihir wanahama Epe. Ire ma watahpei hat naporiya moh Got oh dirnong ma timbas nahatipra oh dirnong hamin naham namgiya ma hapat. Ihirnong ma ambutipra oh Got orhe ihirnong ambutipra ohe da oh namgiya ma hapat daham sa am hapri. Got orhor namburpat han ohoh ihan gur kasip hat orhor patenmur.