Jon oh yah meng ma brak matip ohe meng oh 17:6 - Oksapmin

⁶ Jisas oh itap ohnong Go kakdah han maihirnong Moh norhe han ihirmur. Ihan Jisas orhe han amtipor daham norhe han ma nadeipat ihirnong oh norhor At oh ihtin han hat patmura; ihtin han hat patmur por gorhe ma ihat pat meng ohwi pot pisapatmur. Imat por pinggit pisapatin ihir gorhe mengnongwi amram dindeiptimur.

Jon oh yah meng ma brak matip ohe meng oh 17:6 ပူးပေါင်းရင်းမြစ်များ

Jon oh yah meng ma brak matip ohe meng oh 17:26

Am hapti ihirnong oh noh gwe mihat pat da meng oh ihirnong por pinggipatmur. Pinggipatru pinggitwi ma paptepra oh Noh ire tap patin gwe nohe danong ham bopor nahapatru hat orhor ihirnonghe bopor mat orhor ha paptenoh rim indeipramur pongop.

1 Jon 5:20

Dir am hat patimur. Got orhe brer oh kakdah mama wandas patesuh ohe pe oh dire da nadapema arpin Got orhornong am hatin ohe da oh napdapmur. Napriporhan dir ohnong am haptimur. Am hapti orhe brer Jisas Krais ohsi tap hat ma pati oh Got orhorsi tap hat patimur. Ama ohsi ihat pati Got orhor arpin Got eimat paten dasi nahapat Got orhormur.

Jon oh yah meng ma brak matip ohe meng oh 6:37

At Got orhordapat Mama han go Jisas ohe han hatin. Mama kuu go Jisas ohe kuunong hatin naporhan ama imat napor han bap guroh na kap hama gonsi norhe duupnong haptimur. Nohe duupnong hatperhan nohdapat gurnong Gur nohe han gur basmur napor gurnong namdam er nahat nadarhetiprohda. Basra. Na inahatiprohmur.

Jon oh yah meng ma brak matip ohe meng oh 17:24

At go mong erer moh kopen na tarpat patin orhor go nohe danong ham bopor naham winsi nahat napaptesuhmur. Gwe norhe han ma nadeipat hansi; komdapat ma norhe han nadeipra hansi ihir nohe ma patepra tei oh tap hat pateprineng dahapatmur. Norhorsi patim gorhe winsi nahapat da oh wamar ha dahatingwemur.

2 Korin 4:6

Rih mong moh has timbas hat patin Gin mong moh ha has hatinoh ma ritip Got orhor nure danong nadapem nahas mat napapat Got ohmur. Has nahat ma napapat oh Got orhe yah hat paten ohe has da oh Jisas ohe boknong atan kakeir hatin has mat papatin dir ama hasnong wamara orhornong am haptimur.

Jon oh yah meng ma brak matip ohe meng oh 15:19

Gur kakdah han maihirda ihan ihir gurnong Maihir nuranur tap han bap nuranurmur napora na garnaham bopor nahatiprohe. Noh gurnong norhe han naham kakdah na paten han bap naham aw tei mahat paten han nahat napapat ohoh ihan gurnong garnaham heisup nahat napaptimur.

Erer tarpatipra 3:8

Orhordapat gure orhe nita hat patim ma ihat saptinong oh orhor am hat patri. Gure kasip oh gar hat pat orhor orhe mengnong dimtin ohe dao orhe danong hat pati ohe dao oh na mandaptiri. Kasip hat orhor patiri. Orhor am hat patri. Gur dahatinri. Gure tamrein son kat oh orhor ap gwatei ohe tan nadaput patri. Ma nadaput pat kat oh it nataputin ina hat pat han nih it nataputiprari. Timbasri.

Hibru 3:6

Moses oh be han hat patim atamreisuh hanmura; Krais orhe ma tamreipatnong oh ap nita han orhe brer hat patim orhe atamreindinnong oh pomar yah mat orhorwi atamrein sapat hanmur. Orhe ap hatin hat ma pati han bap diroh mama mihat pati bap dirmur. Dire Orhorwi inahatiprawa daham amam hat ma minhan pati da oh na gapa ham kasip hat orhorwi papayahan ama han dir orhe ap hatin hat pati bap dirmur.

Jon oh yah meng ma brak matip ohe meng oh 15:7

Nohsi aya nohe meng oh gursi a hat pati guroh guragure damdapat dahaya da oh nohnong dahanahayahanoh guragure dahaya da orhor noh inahatiprohmur.

Erer tarpatipra 2:13

Orhordapat gure orhe nita hat patim ma ihat saptinong oh orhor am hat patri. Gure aptei oh oh am hat patri. Satan oh duuptei han hat pat apteiri. Ihtin aptei orhor Jisas orhe danong hat ma pati han gur Nuhur Satan gwe han basmur. Nuhurri Jisas orhe nita bap nuhurmur riptiri. Gure orhe danongwi ma kasip hat pati oh orhor am hat patri. Gur orhe danongwi kasip hat patin Antipas ohnong Jisas ohe danongwi ham ohe meng pomat pot pisapat hano rim ohnong Satan ohe napapat aptei oh sutperhan gur na gapa hama orhe danongwi kasip hat patiri.

Hibru 2:12

Ma naporpat oh tit meng Got ohnong potporhan ma brak matpa oh mamaru hat patmur. At gorhe ihpat ohe da oh norhe taptem ihirnong poripramur. Norhe taptem ire tarmuriya mutuh tandeim gonong armi nahatin ga rimo hapramur. gipotporhan brak matpamur.

2 Timoti 1:13

Nohe gonong Got ohe arpin meng ma naporpat meng morhorwi gohe ihirnong pot pisashenmur. Krais Jisas ohe tapnong hat patim Ohwi inahatin hatinwa daham ihirnong bopor mat papat ohe da ohsi hat orhorwi pot pisashenmur.

Korosi 3:16

Imat paptin Krais ohe meng oh Norhe mutuhnong orhornong am hatin ohe da oh pomat isip mat pisapora daham isip mat pisashenmur. Isip mat pisonmat oh dam tarpatin meng oh am goshayao sawa meng gospot sayao hat sashenmur. Ihat susa arpin Got ohnong weso potin ohe da ohsi hama rotu hapti gao Got orhe ga ritporhan ma brak matpa ohe gao Yahsup orhe napripat ohe gao ohwi Got orhornong weso potin da orhorsi patim ama ga tei oh sawa meng gospot saya apriya hat sashenmur.

Rom ihirnong Por oh brak atip ohe meng oh 11:2

Got oh rih orhor Maihirnong norhe han nita matipra han bapmur ma ritip han ihirnong mandapatda. Basra. Na mandapatmur. Imat ma na mandapat oh Got orhe brak tei Iraija ohe ma ihtip meng ma brak matpa mengnong oh dahenmur. Iraija oh meng oh Isrer iraire boknong matinmat Got ohnong

Aposer 13:48

Potperhan ama Juda na hat pati kuuhan ihir amrama Hanipyah orhe meng moh yahnap meng moho rim amam hangopari. Amam hama Got orhor Ama han ihir eimat paten dasi hatiprimur rim ma kis matip han ihirwi Got ohe danong hangopari.

Jon oh yah meng ma brak matip ohe meng oh 18:9

Ha songwe ma potip oh Jisas orhe rih Got ohnong Gwe norhe han ma namtip han ihirnong noh papatin yah hatwi pateprimur ma potip mengnong oh ha dam hatinoh rim Mama han ihir ha songwe pongop.

Jon oh yah meng ma brak matip ohe meng oh 17:16

Noh kakdah han maire dahapti da hatin hat na pat hanmur. Nohe ihat ma dahat patru hat orhor norhe han maihirhe ihat orhor dahat patimur.

Jon oh yah meng ma brak matip ohe meng oh 17:14

Gwe meng oh noh pot mandamur. Pot mandatporhan kakdah morhe danong hat pati kuuhan ihirdapat norhe han ihirnong Gur Jisas ohe kakdah han nure da hatin na hat patru gin gurhe ihtin da hat pati moh por ihirnong garmar heisup deiptimur.

Jon oh yah meng ma brak matip ohe meng oh 15:3

Gur dam timapat tenap hat patio rim dam isip hat orhor ha timdinoh rim noh mama naporpat meng moh gurnong kat tahanahapat ohe tan mat meng mama naporpat ohmur.

Jon oh yah meng ma brak matip ohe meng oh 12:28

Naporpat At go gorhornong oh win isipsi han hatinmur pongop. Potporhan nuhur amrayaoh meng tit aw teidapat Dawa. Noh rih orhor ihirnong norhornong winsi nahatin dasi mat papatmur. Ginhe it winsi nahatin da matiprohmur por hangop.

Jon oh yah meng ma brak matip ohe meng oh 6:39

Nohnong ma nadarhetip han ohe dahapat da oh mama ohmur. Gorhe hrepnong namtipra han ihirnong oh tit uh tit kot dahnong hamo hatipra rim pomar ruprup mar gorhe hrepnongwi mar pomar paptenmur. Imat ruprup mat pomar papatin kaput mong pepe dik oh gonsi eimat paten dasi hat orhorwi patin pamsonmur napor nadarhetporhan noh ama ohe da orhorsi ihat apripatmur.

Jon oh yah meng ma brak matip ohe meng oh 1:18

Hanip dirhe Got ohnonghe na wandeipti hanmur. Got orhe bopor mat ma papat brer orhorwi Got orhe pat da oh dirnong namgitporhan dir wamar am haptimur.

1 Pita 1:1

Noh Saimon Pitamur. Jisas Krais orhor Go nohe meng mohsi pot pisona napor kis nahat napapat han noh mama brak mat nasar ohmur. Juda bap gurnong er naham oknahatperhan Pontas mongo Garesia mongo Kapadosia mongo Esia mongo Bitinia mongo among among kukut sus patimur. Ihat kukut sus kakdah morhor kakun hohop han bap hat patio rim noh Got orhe nita bap gurnong brak mat mama nasar ohmur.

Jon oh yah meng ma brak matip ohe meng oh 8:51

Noh arpin meng naporpatmur. Nohe meng amram ma dindeipti bap guroh haputinhe na haputiprimur pongop.

Jon oh yah meng ma brak matip ohe meng oh 8:52

Potporhan ihir Wa. Epraham oh na haputipda. Propet ihir na hapurisheda. Ihir hapurishe orhor go Nohe meng amram dindeipti bap gur na haputiprimur ma ripat oh go arpin mongsup oh gwe mutuh oh da ban nahat napapatin ohoh go ihat meng ripatmur.

Jon oh yah meng ma brak matip ohe meng oh 17:7

Ihtiperhan noh gorhe ma naporpat meng oh porpatmur. Porpatin ihir Arpin menghe daham dindeiptimur. Dimara nohnong Oh arpin Got oh darhetporhan orhe patdapat apdap han ma hapat dahaptimur. Dahama gwe ma napripat erer oh orhe bes teidapat apripat ma hapat dahaptimur.

Jon oh yah meng ma brak matip ohe meng oh 17:12

Noh ihirsi patin gwe kasip oh napriporhan ama kasip ohsi noh yah mar papatmur. Yah mat papatin yah hat orhorwi patimur. Tit han oh pokwi er danong ham orhe timbas hatin danong hat patmur. Timbas hatin danong hat ma pat oh rih ma brak matpa meng oh dam ha timdinoh rim orhe timbas hatin danong hat patmur.

Erer tarpatipra 3:10

Gurnong rih ma Gure boknong ina ruumsup apirhanhe gur kasip hat orhor patenmur ma napotip meng orhorwi gur dindeipti ohoh ihan ina ruumsup mong mong oh gonsi kis mat ma pisapra dik oh gurnong er nahatipra rim orhe doho dahnongwi naham napapindiprari.