Jon oh yah meng ma brak matip ohe meng oh 17:11 - Oksapmin

¹¹ Noh kakdah moh mandam aprin hahmur. Ihir kakdah morhor indiprimur. Noh gwe patnong apripramur. Ihan at yah dasi han gorhe ma napripat kasip orhor ama kasip orhorsiwi ihirnong paptenmur. Papatin dite tit hanwi hat ma patiru ihirhe tit hanwi sa hat patepri.

Jon oh yah meng ma brak matip ohe meng oh 17:11 ပူးပေါင်းရင်းမြစ်များ

Matyu 6:9

Gur Got ohsi mengitinmat oh mamaru hat beten henmur. At Got aw tei ongeng tahat pat han gonong armi naham ongengnap hat orhorwi ha napaptengwemur.

Hibru 9:24

Ihtin hatin ohoh ihan Krais oh kakdah mama kis matpa ap yawar dahnong oh oh na ruhupmur. Aw tei orhe eimat patepra arpin Got orhe pat teinong rusa Got ohe kinteinong hama dirnong yah nahat napapten han hat patmur.

Epesas 4:4

Gur mamengnong moh dahenmur. Krais ohe nita hat pati diroh ina titwi hat patimur. Got orhe Yahsuphe tit pokwimur. Amaru hat orhor Got oh Noh gurnong tit han tit napripramur. Gur ama tit han napripra hannong oh minhan patenmur napotip han ohnong pokwi minhan patimur.

Piripai 2:9

Sutperhan Got oh Norhe mengnongwi dimtiporhan sur garmar suya moh ihan orhornong wanohe win isipsi han mara kaknap han matiprohmur daham tandaptuhur yahnap hat paten ohe kaknap han mara win yahnap isipnapsi han matipmur. Ma imtip oh kakdah ma patio putei mahat ma patio ama ihtin winsi han ti na patimur. Orhor pokwi ihtin win isipsi han hat patmur.

Jon oh yah meng ma brak matip ohe meng oh 17:25

At yahnap duung dasi hat pat han gonong kakdah morhe danong hat pati han ihir gonong hanhan hat patimur. Norhordapat oh gonong am hat patmur. Am hat patin norhe han ihir wanahama moh Got orhe darhetip han ma hapat napor am haptimur.

Jon oh yah meng ma brak matip ohe meng oh 13:1

Gahan Pasopa dik rih Isrer ihir Isip ire hrepdapat hat patim Got oh pisusa iraire mong Kenannong pihip ohe dik oh ama kakduup hatpa oh. Kakduup hatperhan Jisas oh kakdah moh mandama it itap pat son hah teio rim orhe han kakdah mama pati han nuhurnong orhe isip bopor nahat napaptesuhru bopor nahat napapat da oh pitap teinong mar namgingop. Orhe nuhurnong isip bopor nahat napapat da ma namgitip oh mamaru mat namgitipmur.

Hibru 1:3

Orhe boknong mar meng napor ma darhetip brer ohhe mamaru hat patmur. Itap orhor hatin hat patin itap orhe has yah da oh mon orhe boknong has mat papatin dir wamar am haptimur. Orhe meng oh kasipsi han hat pat ohoh ihan orhe meng kasip hrepnong mar mong erernong moh kasip mat papatmur. Ihtin han ohoh ihan oh dire er hapti ohe bisei er gap oh nahirmar yah naham napapten han hatipmur. Hapat putei mahat ma armi mar papti kakhan orhe bes oper tannong ham tongnom wanahat napapatmur.

Jon oh yah meng ma brak matip ohe meng oh 16:33

Kakdah moh gur ruumsupsi hapti orhor noh kakdah mohe erer oh nohe hrepnong mar ambapte mat papatmur. Ambapte mat papat ohoh ihan gur Oh erer moh orhe hrepnongwi mat papat ma hapat daham manap da tei hat orhorwi da yah hat patenmur. Gur Nuhur Jisas orhe tapnong hat pati moh yah hat patiwa daham gur da yah hat ha patengwe rim noh mameng moh napormur napongop.

Jon oh yah meng ma brak matip ohe meng oh 14:20

Ma wanahapri sut oh gur Oh itap ohsi pat ma hapat. Nuhur ohsi pati ma hapat. Oh nuhursi pat ma hapat daham am hatiprimur.

Jut ohe brak mat atip ohe meng oh 1:1

Noh Jemis ohe nap Jutmur. Jisas Krais orhe atamreipat han noh gurnong mama brak mat nasar ohmur. At Got orhor gurnong Norhe brermur napor orhe brer naham orhe bopor mutuh nahat napapatin Jisas Krais oh orhe yah hat napapten ohe hrepnong naham napapato rim noh gurnong mama brak mat nasar ohmur.

1 Jon 5:19

Dir am hat patimur. Kakdah moh ohe erer gon oh gonsi Satan ohe hrepnong mat papatmur. Papatmura; Got orhe brer hat pati dirnong oh Got orhor orhe hrepnong nahat napapatmur.

Jemis 4:4

Ihat daham ma ihat sapti bap gur Got ohnong bisei mar ihaptimur. Gur mohnong hanhanda. Kakdah mohe danong rum mutuh mat ma papti oh Got ohnong mahaw mat paptimur. Gur ama danong hanhan hat patim ihat saptida. Ihtin ohoh ihan kakdah mohe danong hat inper ma dahapti guroh Nuhur Got ohnong mahaw mar ihapti ma hapat dahenmur.

Aposer 3:21

Jisas oh gin ma patnong oh Got ohe pat tei aw tei mahat patmur. Aw tei mahat ma pat oh Got orhe meng porishe han bap da ongeng mat papti han bap ire Got ohe meng oh Got noh kaput erer oh kopenohewi matipramur ritporhan ma brak matpa meng oh ha dam hatinoh rim Jisas oh minhan wamat patmur. Patin ameng oh dam tarpatporhan it apripramur.

Jon oh yah meng ma brak matip ohe meng oh 13:3

Den daptin Jisas oh Noh rih at Got orhe pat teidapat apdap ma hapat. Aprisa erer oh at oh norhe kasip hrepnong namtiporhan norhe kasip hrepnong mar papat ma hapat. Gin noh mama kakdah mong moh mandam it at orhe pat teinong son kakduup hah ma hapat dahama den dapatdapat tandeima orhe tei ohe watah oh daphot sara tahor tit dara bok mutuh moh parpar tahangop.

Erer tarpatipra 4:8

Ama hatriphei bap ire kaspas oh dopheisiwi hangopa. Kinhe ina gonsi moh kinwi hangopa. Ama ihat pati bap ihir mong da timbas kwitem timbas ihir dipwi mutuh tongnot pat han ohnong Hanipyah Gota. Kasipnap han rih patesuhru patru ihat patepra han go ongengnap yahnap hat pat hanmura; yahnap hat pat hanmura ga tei poriptiru pot orhorwi haptingopa.

1 Pita 1:5

Ama minhan wamat pati dirnong oh Got orhor kasip han ohoh ihan orhe kasip ohsi dir Ohwi inahatin hatin hanwa ma dahapti ohe pe oh ama kasip ohsi ponahat wanahat napapatmur. Wanahat ma napapat oh oh Norhe ihirnong imat ambutiprawa ma dahat pat da moh noh pepe dik oh pitap mar ambutipramur daham mamen mat papat da oh dir ha datingwe rim dirnong yah mat orhor wanahat napapatmur.

Garesia 3:28

Ihama dir Krais ohe nitao rim tit pokwi haptimur. Hapti Moh Judamur. Moh Grikmur. Moh be atamreipat hanmur. Moh hanip ire hrepnong hat na patim orhe teinong hat pat hanmur. Moh kuumur. Moh hanmur rim na tisariptimur. Jisas orhe nita tit bapwi hat pati ohoh ihan dir na tisariptimur.

1 Korin 1:10

Gur ihat yah hat pati orhora; Krowi ohe aptei han ihir aprisa nohnong Korin aptei sios ihir sakarap gosham kat ihir Nuhurri Por ohe meng amram dindeipti han nuhurmur. Kat ihir Nuhurri Aporos ohe han ham ohe mengnong amram dindeipti han nuhurmur. Kat ihir Nuhurri Pita ohe han ham Pita ohe mengnong amram dindeipti han nuhurmur. Kat ihir Nuhurri Krais orhe han ham ohe mengnong amram dindeipti han bap nuhurmur rim sakarap gosham inggoshaptimur napotirimur. Napotperhan noh amram da er hatirmur. Nohanhera. Noh Jisas Krais orhe mengtei meng naporpat ohoh ihan gin noh kasip mengtei napotiprohmur. Gure sakarap gosham katket tahat pati da oh mandama tit dawi hat patima Tit meng pokwi dimar paptepera daham tit dawi hat patenmur.

Rom ihirnong Por oh brak atip ohe meng oh 12:5

Amaru hat orhor dirhe trun han hat pati orhor Krais orhe boknong ham tit inawi hat patimur. Ihat tit inawi hat patim nitat atamreindin nitat ma hat pati oh irair gospanggeit ha indingwe rim nitat ina pesi hat patimur.

Rom ihirnong Por oh brak atip ohe meng oh 9:17

Orhe da orhor ma inahapat ohe meng oh tit mama brak matpa ohmur. Ma brak matpa meng oh Got oh Isip mong ohe kakhan Pero ohnong Gwe kakhan hat pat moh gorhe da ohsi kakhan ham ihat na patmur. Norhe da orhor Mama han ohnong kakhan mara norhe Imtipora dahapat da oh ohe boknong mat papatin kuuhan ihir norhe kasipnong oh wamara ihir ha am hatingwe. Am hama norhe mama ihat pat winnong moh nadaptuhura aw pe mong pe mong mong moh ha napishengwe daham gonong kis naham mama inahat napapat ohmur gipotipmur. Gipotporhan brak matpamur.

Jon oh yah meng ma brak matip ohe meng oh 16:28

Noh rih at ohe pat teimdapat kakdah wanhupmur. Gin it at ohe pat son hahmur. Son hah ohoh ihan kakdah moh mandama at pat sapramur napongop.

Jon oh yah meng ma brak matip ohe meng oh 7:33

Darhetperhan ihir apriperhan Jisas oh Noh kakun gursi matei patema it nadarhetip han orhe patnong sapramur.

Matyu 10:16

Jisas oh naporpat it meng tit napangop. Gur amratin. Gur sipsip ire ahar da hapti hatin hat pati han gur kotwa ire da hatin hat pati ire mutuhnong nadarhetiprohmur. Ihat pati han ire mutuhnong nadarhetporhan ihir gurnong be bokdus dahanaham inahayao nahatipri ohoh ihan gur da darher dakuu meng yah ohwi poro ham yahnap hat patenmur.

Matyu 5:48

Ita aw tei ma pat han ohe duutin da ma nahat patru gure dahe ihat orhor duutin da ohwi hat patenmur pongopri.

Erer tarpatipra 19:12

Ama win yotsi han ohe kinhe irat has hatin hangop. Kakhe kakhan ire aripti kakung hatin trun an patgop. Orhe ina bok oh orhe gon win tit orhorwi am hat pat win tit brak matpa oh patgop.

Erer tarpatipra 15:4

Gorhap yah dawi ongeng mat papat hanmura; ongeng mat papat hanmura. Go ihtin han ohoh ihan nih gonong na kas hapata; na kas hapata. Gonsi gonong kas ham winsi nahapti hanmura; winsi nahapti hanmura. Gwe yah mat orhorwi indeipat da oh pitap tei patmura; pitap tei patmura. Ihat pat ohoh ihan aw pe mong pe mong mama pati ihir wamara am hama armi nahaptimura; armi nahaptimura. por ihat ga riptingopa.

Jut ohe brak mat atip ohe meng oh 1:24

Dir er danongwi ham Got orhornong mandam wandapririm orhordapat dirnong kasip naham orhornong na mandatin inasi nahapatmur. Inahat ma napapat oh orhe has yahnap duupnong napisonmat oh amamnap ongengnap ina ohsi nahat napapatmur. Ihtin inasi nahat napapat Got ohoh ihan orhornongwi armi mar paptepera daham armi marwi paptenmur.

1 Jon 3:12

Ihat ma da gosapris pati bap guroh rih Ken ohe ma hatip da hatinhe hapri. Ohe ma ihtip oh er han ohe hrepdapat hat patim ohoh ihan orhe arwap ohnong sutipmur. Ma sutip oh Got oh arwap ohnong orhe yah hat sapat ohe pe oh Yah hana por ma hapat. Nohnong norhe er hat sapat ohe pe oh Er hana napor ma hapat daham heisup mar arwap ohnong sutipmur.

Jon oh yah meng ma brak matip ohe meng oh 17:6

Jisas oh itap ohnong Go kakdah han maihirnong Moh norhe han ihirmur. Ihan Jisas orhe han amtipor daham norhe han ma nadeipat ihirnong oh norhor At oh ihtin han hat patmura; ihtin han hat patmur por gorhe ma ihat pat meng ohwi pot pisapatmur. Imat por pinggit pisapatin ihir gorhe mengnongwi amram dindeiptimur.

Jon oh yah meng ma brak matip ohe meng oh 17:23

Tit hanwi hat ha patengwe rim ma indeipat oh go nohsi patru noh ihirsi ihat patepora daham indeipatmur. Indeipatin tit dawi hat pati da oh dam timdiporhan kakdah maihir wamara nohnong Orhor darhetip han ma hapat. Itap oh ama darhetip han ohe danong ham bopor mat papatru ire danonghe oh imat bopor mat papat ma hapat sa dahapri.