Jon oh yah meng ma brak matip ohe meng oh 16:32 - Oksapmin

³² Gurnong oknahatperhan gur nohnong namdam it guragure nitat aptei kukutiprohemur. Kukutperhan noh norhap pat hatiprohmur. Namdatiprohe orhora; norhap na pat hatiprohmur at ohsi pat hatiprohmur.

Jon oh yah meng ma brak matip ohe meng oh 16:32 ပူးပေါင်းရင်းမြစ်များ

Matyu 26:31

Susa mandap oh Jisas oh nuhurnong Gur nohnong Oh nuhurnong nambur kasip nahat pat hanwa ma dahapti da oh gin kwihan morhor nohnong inahatperhan gur ama dahapti danong mandama kas ham tandutiprohemur. Ma ihtiprohe oh ma brak matpa meng oh arpin dam timdiprohmur. Ma brak matpa oh Got noh sahapti han ire nita han ohnong sutporhan sahapti han ihir mandam kukutiprimur ritporhan brak matpamur. Ma brak matpa oh arpin dam timdiprohmur.

Matyu 26:56

Gure ma ihya oh propet ire ma brak matpa meng oh gonsi dam ha timdinohrim ihyamur pongop. Potporhan orhe han nuhur gonsi kas ham mandama tandutpa.

Mak oh yah meng ma brak matip meng oh 14:27

Susa mandap oh Jisas oh orhe han ihirnong Ihir nohnong inahatperhan gur norhe danong hat ma pati da oh kas ham namdama tandutiprohemur. Gure ma ihtiprohe oh ma brak matpa meng oh arpin dam timdiprohmur. Ma brak matpa oh Got noh sahapti han ire nita han ohnong sutporhan sahapti han ihir kas ham kukutiprimur ritporhan brak matpamur. Ma brak matpa oh arpin dam timdiprohmur.

Mak oh yah meng ma brak matip meng oh 14:50

Potporhan orhe han ihir gonsi mandama tandutpari.

Jon oh yah meng ma brak matip ohe meng oh 12:23

Potperhan Jisas oh Grik ihir amam naham apriya ma hapat. Ihirnong panggeitin dik oh kakduup hah ma hapat daham Gin hanip brer nohnong amam armisi nahatin dik oh gin hayamur.

Jon oh yah meng ma brak matip ohe meng oh 16:2

Gurnong ma inahapri oh duuptei han ihir Gurnong Gur rotu ap moh na rosiprimur napor baso naporiprimur. Napora Nuhur maihirnong suyarit hapuriyahan Got oh nuhurnong Gur yah hayamur napotiprakin daham niprimur.

Jon oh yah meng ma brak matip ohe meng oh 16:25

Naporpat Jisas oh Gin oh noh meng moh paham mat naporpatmur. Kaput oh paham mat na napora at ohe ihat pat meng At oh ihat pat hanmura; ihat pat hanmura napor pitap tei meng orhor naporipramur.

Jon oh yah meng ma brak matip ohe meng oh 16:31

Potperhan oh Gur rih nohnong Oh arpin ihtin hanhe na dahat patimur. Gin oh gur Oh ihtin han ma hapat ma dahaya oh yahmuro.

Jon oh yah meng ma brak matip ohe meng oh 20:10

Gahan nuhut it kot marasa sein itin tei oh Maria uh yimapatin nuhut apnong pipa. Saperhan Maria uh yimat orhor tangras rim sein itiri temnong ama wamtip oh.

Jon oh yah meng ma brak matip ohe meng oh 4:21

Por dahamtiporhan oh Kuua. Go nohe ma napotiproh mengnong arpin menghe dahatinmur. Kaput hanip ihir yei kanong ruyao Jerusarem ap mutuhnong sayao ham Got ohe danong ham armi maro na haprimur.

Jon oh yah meng ma brak matip ohe meng oh 4:23

Ihtin orhora; gin mama pati dik moh arpin Got orhe danong hat patim ma armi deipti oh damdapat orhorwi arpin armi matin ohe da ohsi hat patim armi deiptimur. Amaru hat patim orhorwi Got oh Nohnong armi nahat ha napaptengwe dahapatmur.

Jon oh yah meng ma brak matip ohe meng oh 5:25

Noh arpin meng napotiprohmur. Ma haput pati hatin hat pati ihir Got ohe brer nohe meng amram it dasi hatiprimur. Kaputwi na ihaprimur. Ginhe ihaptimur.

Jon oh yah meng ma brak matip ohe meng oh 5:28

Imat nasapat han ohoh ihan gur Oh komdapat na nasatiprakin dahapri. Kaput haputperhan ma sein it pati han ihir gonsi nohe Gin gur masona potporhan amratiprimur. Amrama it masas teinong hatiprimur. Teinong hapti ma yah hat pateshe han ihir eimat paten dasi ham masaprimura; er hat pateshe han ihir masaperhan noh Gur er hat sashe ohoh ihan gur yah hat paten da oh timbasmur potipramur pongop.

Jon oh yah meng ma brak matip ohe meng oh 8:16

Noh gurnong nasatpor dahahhanoh norhe da orhor na nasatiprohmur. Norhornong ma nadarhetip at ohsi nutanut tit dawi ham nasatiprohemur. Ihat tap da hat patim napapti ohoh ihan pomat orhor nasapti ma hapat dahenmur.

Jon oh yah meng ma brak matip ohe meng oh 8:29

Ginnong oh norhornong ma nadarhetip at oh norhorsi patmur. Nohnong namdatporhan norhap na patmur. Nutanut patim noh dipwi orhe da ohsi ihpatmur pongop.

Aposer 21:6

Got ohsi mengripti kapkep goshapti ihirhe iraire apnong sangopa; nuhurhe sip tem rosa Taia aptei oh mandam pipa.

Aposer 8:1

Sitipen oh haputporhan kat han ma Got orhe da hat pat danong dindeipti han ihir aprisa Sitipen ohe sein oh dara sein sara payamamo hatpari. Ama Sitipen ohnong imat suta dik oh Jerusarem ap mutuh ohe Got ohe nita sios bap ihirnong ruumsup mar er matin da oh tarpatipmur. Ihat ma tarpatip oh Sor oh Got ohe meng amrapti sios bap kuuhan ihir ha timbas hatingwe rim ap ap oh susa kuuhan ihirnong ambura pisusa karapus mat pisangopri. Karapus maro ruumsup maro deipatin Got orhe nita ihir gonsi Judia mongnongo Samaria mongnongo oh kukut sangopari. Saperhan Jisas orhe mengtei atamreipti han aposer ihirwi Jerusarem ap mutuh oh patesheri.