Jon oh yah meng ma brak matip ohe meng oh 15:24 - Oksapmin

²⁴ Noh apris ire kintei hanip dire na imtin ina da oh na indeisuhneng ihir nohnong inahapti ohe san oh ire bok oh na patnengmur. Noh hanip dire na imtin ina da oh indeipatin orhor ihir wamar am ham orhor at nuhutnong tap mat garnaham heisup nahapti ohoh ihan san oh iraire bokdapat hat patmur.

Jon oh yah meng ma brak matip ohe meng oh 15:24 ပူးပေါင်းရင်းမြစ်များ

Matyu 11:5

Mamarumur. Kin kwisi han ihir it watahayao buh tan wa han ihir it yah ham sayao ina tohohesi han ihir it yah hayao nat ki han ihir it nat tem tanpur hanip meng amrayao hapuripti han ihirnong pamsaporhan it da apris masayao borop hat pati kuuhan bap ihir Got ohe yah meng oh amrayao nohe ma imat pisapat ohe meng moh gut sus Jon ohnong potinmur.

Matyu 21:32

Porpat Gin gur kiano dahaya. De brer oh itap ohe danong hatip por dahandeingop. Por dahamtiporhan ihir duuptei brer oh itap ohe danong hatipwa pongopa. Potperhan Jisas oh ama ohe tan oh Jon oh gurnong yah hat sashen ohe da oh namgitinmat apris namgitipmur. Namgitiporhan takis yan er mat daripti hano bisei saw hapti kuuo ihir wamara arpin napor ma hapat dahama iraire er hat sapti da oh mandama ohe meng amrama dimtipamur. Gurnong oh Jon ohe meng oh amrayao wandeiyao hatpa orhora; gur Gin dire ihapti da oh mandatpera na dahatpamur. Ihtin ohoh ihan ihir duuptei brer ohe da hatin hat patimura; gur kom brer ohe da hatin hat patimur. Duuptei brer ohe da hatin ma hat pati ihiroh ihirri Got ohe napapindin hrepnong hatin ina hat ma pati bap ihirmur pongop.

Matyu 9:33

Popriperhan Jisas oh mongsup ga aper yah matporhan oh yah ham mengingop. Mengitporhan ihir Epe. Isrer dir rih mihtin han moh na wandeishemur rima sein bupang ringopa.

Mak oh yah meng ma brak matip meng oh 2:12

Potporhan oh asut orhor ire kintei yah hat tandeima orhe timon pat gwar oh dat marima Got ohnong armi mat orhorwi orhe apnong sangopri. Saporhan ama kuuhan ihir Gin dir wanohe da tit wandeiya moho gosham ihirhe da tupnet ripti Got ohe winnong adaptuhur armi matpari.

Ruk oh yah meng ma brak matip ohe meng oh 24:19

Gipotporhan oh Jerusarem ap mutuh ma ihta meng oh kinhata meng ripti por dahandeingopri. Por dahamtiporhan ihit Jerusarem ap mutuh ma ihta meng oh Jisas Nasaret han ohnong ma imta ohe meng oh riptimur. Ama han oh propet yahnap hanmur. Ohe meng poro erer ma indeipato oh kasip yahnapwi hatporhan Got ohe kinteio kuuhan ire kinteio oh imtiporhan ihir wamara Moh yahnap hat sapat hano dahaptimur.

Jon oh yah meng ma brak matip ohe meng oh 10:32

Ihtiperhan Jisas oh Noh At orhe yah mat ma indeipat da oh gurnong namgipatin gur wanaham orhor nohnong nitperim ma ihya oh dehnong wamar Mama da moh er hah ma hapat daham nitper ihya pongop.

Jon oh yah meng ma brak matip ohe meng oh 10:37

Noh At ohe ma ihpat da oh na hapat ohe pe oh gur na amraptineng oh yahwa.

Jon oh yah meng ma brak matip ohe meng oh 12:10

Aprisa wamara Jisas oh Rasaras ohnong pamsuhuphe daham trun kuuhan ihir Ohwi inahatin hatin han ma hapat dahangopa. Ihtiperhan Got ohe ap yawar hanat bok ire duuptei han ihir Kuuhan ihir Rasaras ohnong wamara Jisas ohe danongwi hapti moho. Ihan dir Rasaras ohsi tap mat sutiprohemur rim ihir meng ama wanin matpa oh.

Jon oh yah meng ma brak matip ohe meng oh 12:45

Amaru hat orhor nohnong ma wanahapti guroh Got ohsi nuhutnong tap mat wanahaptimur.

Jon oh yah meng ma brak matip ohe meng oh 15:21

Ma garnahatipri oh ihir nohnong ma nadarhetip han ohnong hanhan hat patim Jisas ohe hano rim gurnong garnahaprimur.

Jon oh yah meng ma brak matip ohe meng oh 15:22

Noh kakdah moh wandasa ihirnong na pot patin ohe ma er hat saya ohe pe oh yansida. Ihir er hat sapti han bapmur potiproheda. Basra. Ihir hanhan hat patim ihat saya ohoh ihan na gipotiprohemur. Noh wandas porpatin orhor ma ihaptinong oh kinhat Nuhur hanhan hat patim ihaptimur ritiprohe. Ihat na ritin ina hat patimur.

Jon oh yah meng ma brak matip ohe meng oh 15:23

Nohnong ma heisup nahapti ihir at ohnongsi tap mat heisup deiptimur.

Jon oh yah meng ma brak matip ohe meng oh 16:9

Ire er hapti da ma atirip hapra oh Ihir ohnong ohwi inahatin hatin hanhe ma na dahapti ohe pe oh iraire er hat sapti da oh pitap teinong mar atirip hapramur.

Jon oh yah meng ma brak matip ohe meng oh 3:2

Patin gahan oh kwitem oh Jisas ohe pat ama apdap oh. Aprisa Jisas ohnong Tisa. Gwe hanip nure na imtin hatin da ma deipat moh hanip nure da ohsi na imtin hatin ma hapat. Ihan Got orhe kasip da oh napriporhan go ama da ohsi indeipat ma hapat. Ihan kat han pang han nuhurhe go Got oh nadarhetir tisa ma hapat dahat patimur pongop.

Jon oh yah meng ma brak matip ohe meng oh 5:36

Jon oh nohe boknong ma nahatip meng oh garpokmur. Norhe mama ihat saporhan gur wamar ma dahapti oh isipnapmur. Norhe mama ihat sapat oh at oh Go mama tamreindin da mohsi tamrein sapatin gonsi timbas matinmur napor ma nadarhetip da orhorsi mama ihat sapat ohmur. Ihat sapatin gur wanahama Moh arpin Got oh darhetip han hat patin ihat sapat ma hapat dahaptimur.

Jon oh yah meng ma brak matip ohe meng oh 6:36

Ihtin orhor gur nohnong am hat pati orhor noh Gur nohnong Ohwi inahatin hatin hanwa na dahaptimur ma napongwer mengru hat orhorwi patimur.

Jon oh yah meng ma brak matip ohe meng oh 7:31

Na marinperhan ama kuuhan trun ihir Ohnong Krais ma ripti han oh orhe wan kasip titsi apriprada. Ohra gin mama kasip ohsi mama ihat apripat ohmur. Orhe darhetipra ma ritip han oh mama han morhormur dahangopa.

Jon oh yah meng ma brak matip ohe meng oh 9:41

Potperhan oh Gur Nuhur kin kwisi han ihir hatin hat pati moh oh ha yah nahatinoh dahaptineng gur nohnong Yah nahatina napotperhan noh gurnong yah nahatporhan er gapsi timbas hat patinengmur. Gur Nuhur yah hat patimur ma dahapti oh noh na yah nahatporhan er gapsi orhorwi hat ma pati oh kin kwisi hatin hat pati bap gurmur pongop.

Aposer 10:38

Pot patin Got oh Nasaret aptei han Jisas ohnong kis mara orhe Yahsupo orhe kasipo oh ohe boknong mara apdapmur. Apriporhan oh aptei aptei oh susa ihirnong panggeio Satan ohe ma er mat papat han ihirnong pondeio mat pisasuhmur.

Aposer 2:22

Pora Isrer han gur nohe meng moh amratin. Nasaret aptei han Jisas oh gure mutuh oh patin Moh Got ohe mengtei ihat sapat hanhe ha dahatingwe rim Got oh orhe bes teinong am hatin da oh deio na dahapti da oh deio deisuhmur. Ma indeisuhnong oh gur am hat patimur.

Rom ihirnong Por oh brak atip ohe meng oh 1:30

Tit oh arwananah ire kintei asoh tit han ohe winnong aer mar aripti da ohmur. Tit oh Got ohnong dasei mar tumbe gut asaripti da ohmur. Tit oh ihirnong dasei deipti da ohmur. Tit oh norhorwi ihtin hanmur rim tohormi tahat sapti da ohmur. Tit oh rih ti na ihashe ohe er da pamsaripti ohe da ohmur. Tit oh brer ihir supir itapir ire poriya mengnong na amrama sakarap hat sapti da ohmur. Ama er da trun oh ire danong teip mat paptin ihat sashemur.

2 Timoti 3:4

kat han ihirnong nang han ham supti dao iraire indinnong asoh na dahama er danong asoh kapkap dinggoshapti dao Nuhurwi ihtin dasi isip hat pati han bapmur ripti dao iraire Got ohe danong na hama tihan tihan erer ohe ina amamnong oh hat pati dao

Jemis 4:4

Ihat daham ma ihat sapti bap gur Got ohnong bisei mar ihaptimur. Gur mohnong hanhanda. Kakdah mohe danong rum mutuh mat ma papti oh Got ohnong mahaw mat paptimur. Gur ama danong hanhan hat patim ihat saptida. Ihtin ohoh ihan kakdah mohe danong hat inper ma dahapti guroh Nuhur Got ohnong mahaw mar ihapti ma hapat dahenmur.