Jon oh yah meng ma brak matip ohe meng oh 15:21 - Oksapmin

²¹ Ma garnahatipri oh ihir nohnong ma nadarhetip han ohnong hanhan hat patim Jisas ohe hano rim gurnong garnahaprimur.

Jon oh yah meng ma brak matip ohe meng oh 15:21 ပူးပေါင်းရင်းမြစ်များ

Matyu 10:18

Yah hat orhorwi saptin ihir Maihir Jisas ohe nita ihir ma hapat napor gurnong Juda na hat pati han ire gapman ire bes teinong nahayao mong moh ohe kak hat pati han ire bes teinong nahayao nahatiprimur. Nahatperhan gurdapat oh ihirnongo Juda na hat pati han ihirnongo norhe yah meng oh porinmur.

Matyu 10:22

Gurnonghe Maihir Jisas ohe nita han ihir ma hapat napor heisup nahat napapteprimur. Inahat napaptin gurdapat Got ohe danongwi kasip hat mandayahanoh kaput pepe dik oh ama ihat pati bap gurnong oh Got oh nambutipramur.

Matyu 10:39

Gur kakdah mohe paten danongwi hatpor dahayahanoh ama da ohsi kakdah moh timbas hatiprimur. Ihir nohnong Go Jisas ohe yah hanmur napor niyahanhe yahmur ma ihat dahapti guroh Got ohsi dipwi paten dasi datiprimur napongop.

Matyu 24:9

Ihat ma apripra oh Moh Jisas orhe nita hat pati hano rima gure boknong batbet nahatinmat ire bes teinong nahama batbet nahamo sein nimo nahat napisasiprimur. Napisusa mong mong gonsi ihir tap ham dasei naham garnahatiprimur.

Matyu 5:11

Maihir Jisas ohe nita ihir rim ihir gurnong dasei nahayao inaham niyao inin meng gure boknong nahayao dasuh meng gure boknong nahayao ma inahaya gur amam henmur.

Mak oh yah meng ma brak matip meng oh 13:13

Gurnonghe Maihir Jisas ohe nita han ihir ma hapat napor kuuhan gonsi ihir heisup nahat napapteprimur. Inahat napaptin gurdapat Got ohe danongwi kasip hat mandayahanoh kaput pepe dik oh ama ihat pati bap gurnong oh Got oh nambutipramur pongopri.

Ruk oh yah meng ma brak matip ohe meng oh 21:12

Ihtin sup oh tarpat sasipra orhor ama ihtin sup oh na tarpat patin orhor kat han ihir gurnong net napor er naham batbet ina ruumsup nahaprimur. Nahama rotu apnong napisus Moh er hanmur napor ha karapus nahatingwe rim rotu ap wamat pati han ire bes teinong nahaprimur. Nahama Maihir Jisas orhe han hat patio rim kak hat pati hano gapman hat pati hano ire duupnong nahaprimur.

Ruk oh yah meng ma brak matip ohe meng oh 21:17

Kuuhan bap ihirhe gonsi ihir gurnong Maihir Jisas orhe nita hat patim ihat saptio napor heisup nahat napapteprimur.

Ruk oh yah meng ma brak matip ohe meng oh 6:22

Kat kuuhan ihirdapat gurnong Maihir Hanip Brer Jisas ohnong dindeipti ma hapat daham gurnong heisup naham gurarhe teinong naham kom nasariyao dasei meng naporiyao gure winnong naer deiyao nahayahanoh gur amamsi hat pati bap gurmur.

Jon oh yah meng ma brak matip ohe meng oh 15:24

Noh apris ire kintei hanip dire na imtin ina da oh na indeisuhneng ihir nohnong inahapti ohe san oh ire bok oh na patnengmur. Noh hanip dire na imtin ina da oh indeipatin orhor ihir wamar am ham orhor at nuhutnong tap mat garnaham heisup nahapti ohoh ihan san oh iraire bokdapat hat patmur.

Jon oh yah meng ma brak matip ohe meng oh 16:3

Ihir at nuhutnong hanhan hat pati ohoh inahaprimur.

Jon oh yah meng ma brak matip ohe meng oh 17:25

At yahnap duung dasi hat pat han gonong kakdah morhe danong hat pati han ihir gonong hanhan hat patimur. Norhordapat oh gonong am hat patmur. Am hat patin norhe han ihir wanahama moh Got orhe darhetip han ma hapat napor am haptimur.

Jon oh yah meng ma brak matip ohe meng oh 8:19

Potporhan ihir Itap oh apris tap meng napotiprohkin daham Ita oh de tei pat. Nuhur na wandeiyamur potperhan oh Gur nohnongo at ohnongo gur hanhan hat patimur. Gur nohnonghe am hat patida ihan at ohnonghe am hatiprohe pongop.

Jon oh yah meng ma brak matip ohe meng oh 8:54

Por imtiperhan Jisas oh Noh norhe winnong isip mar daptuhut pisahanoh oh be ina teimdapat norhe winnong daptuhut pisaprohmur. Norhordapat na daptuhurpatmur. Gure ma Nure Gotmur ma poripti han orhordapat nohe winnong nadaptuhur isip deipatmur.

Jon oh yah meng ma brak matip ohe meng oh 8:55

Gur Nure Gotmur poripti orhor gur ohnong hanhan hat patimur. Norhor ohnong am hat patmur. Nohdapat Ohnong hanhan hat patmur rihanoh nohhe dasuh han gur hatin hatiproh basda. Noh ohnong am hat pat ohoh ihan noh ohe mengnong amram dindeipatmur.

Aposer 17:23

Noh gure ap mutuh moh sus gure erer ohe danong ham ma armi deipti han erer oh ruumsan patin noh wamat sapatmur. Gahan noh ihat sus tit ma wamtir oh Dire hanhan hat pati Got ohe asaripti tei mohmur rim gwar ohe boknong mar brak matpa gwar tan tit patin noh wamtirmur. Ama nure hanhan hat pati Gotmur por ma armi deipti Got orhe meng oh gurnong am nahatiprohmur.

Aposer 26:9

Noh rih ma patesuhnong oh sawa meng oh Nasaret aptei han Jisas ohe danong ham orhe winnong adaptuhur isip mat pisapti kuuhan ihirnong Got oh Go sum timbas deinmur naporpat ma hapat daham noh ama kuuhan ihirnong sut apisasuhmur.

Aposer 3:17

Nohanhera. Gure hanhan hat patim ma ihtirinong oh noh am hat patmur. Guragure ma ihtiri oh guragure kak hano guragur hanhan hat patim tap ham sutirimur.

Aposer 4:17

Mama ap mutuh oh ite ma imtiri meng na remdin ina hat pat orhor ama imtiri da oh ire kintei pisapririm ihitnong mameng moh potiprohemur. Gut gin Jisas ohe winnong rimhe it imtipri por baso potiprohemur goshama

Aposer 5:41

Mandatperhan aposer ihir pipari. Susa Dir Jisas ohe mengtei ihapti ohe pe oh mama ruumsup dire boknong naham napris napisapti moh yaho rim amam hat pipari. Amam hat susa Jisas oh Got ohe kis matip han Kraismur poripti ohe yah meng oh na mandam ameng orhorwi Got ohe ap yawar doho dahnong ros poriyao ire ap ap ros poriyao ham dipwi orhe meng oh porwi patesheri.

Aposer 9:14

Gin gorhe ap yawar ohe hanat bok han ire duuptei han ohe mengtei Jisas orhe win rim gorhornong dahanahapti han nuhurnong karapus nahatporim apdormur ama potip oh.

Aposer 9:16

Am mat pisapatin ama am mat pisapat ohe pe oh ruumsup batbet ma daripra oh norhordapat gorhe boknong naham namgipramur por norhor kis mat papat han ohoh ihan go sonmur ama potip oh.

Rom ihirnong Por oh brak atip ohe meng oh 1:28

Ihir Got orhornong dahatin ohe da oh na hatiprohemur daham mandatperhan Got oh Yahwa. Guragure er da hat sapti ohe da er hrepdapat hat patena por arpit mandatipmur. Mandatporhan hanip dire na ihapti ohe er danong hrepdapat hat patim ama hanip dire na ihapti er danong ohwi er hat sashemur.

1 Korin 15:34

We. Gur da hut patim er hat ma sapti da ohri mandanmur. Mandama yah hat da darhet sashen ohe danong oh hat patim da darhet sashenmur. Kat gur Got ohnong hanhan hat patim ihat saptimur. Ihat saptimur ma napor oh gur kas ham ha mandatingwe rim noh mameng moh napormur.

1 Korin 2:8

Ama reman paptesuh dakuu mengnong kakhan ihirhe wamtinnong oh wamtipa orhora; dahatinnong oh na dahatpamur. Ihir dahatpaneng diradire Hanipyah yahnap dasi hat pat han ohnong na sutpanengmur. Na dahatpa ohoh ihan ohnong sutpamur.

2 Tesaronaika 1:8

Ama inahatipra dik oh Got ohnong hanhan mar ihat sapti kuuhan bapo Hanipyah ohe yah mengnong kom asar mandapti kuuhan bapo ihirnong iraire er hat ma sapti ohe er yan oh apripramur.

1 Jon 3:1

Gur mohnong dahenmur. Han bana. Got orhe bopor nahat napapat da mohri isipnap nahat napapatmur. Isipnap nahat ma napapat ohe pe oh dirnong Gur norhe brermur naporpatmur. Imat ma naporpat oh dir arpin orhe brer hat patin Gur norhe brer gurmur naporpatmur. Dir ihat orhe brer ma hat pati oh kakdah han diradir kat han ma Got ohnong hanhan hat pati han ihiroh Got orhe pat danong hanhan hat pati ohoh ihan orhe brer hat pati dire ihat ma sapti danong ohsi hanhan hat patimur.

3 Jon 1:7

Ama Got orhe atamrein sapti bap ihir Krais orhornong Ihat pat han ma hapat daham ha am hatingwe rim orhe win aisip mat apisaptimur. Imat isip mat ma apisapti oh ihir Nure meng pot ma pisapti ohe pe yan oh Got orhe danong na hat pati han bap ire ihsen erer oh nuhur na datiprohemur daham ihir na dara be ihat saptimur.

Erer tarpatipra 2:3

Ihirdapat Maihir Jisas ohe nitao rim ina ruumsup nahapti orhor gure na gapa hama kasip hat orhorwi pati oh orhor am hat patri.