Jon oh yah meng ma brak matip ohe meng oh 15:15 - Oksapmin

¹⁵ Duuptei han ire da oh iraire atamreipti han ihir am hat patida. Ihir hanhan hat patimur. Amaru gur nohe natamreipti han hatin hat patineng nohe ma ihpat da oh gurnong na naporpatnengmur. Gur norhe yah han hat pati ohoh ihan noh at ohe naporpat meng oh gonsi gurnong naporpatmur.

Jon oh yah meng ma brak matip ohe meng oh 15:15 ပူးပေါင်းရင်းမြစ်များ

Matyu 13:11

Napotporhan orhe namgit napisapat han nuhur ohe duupnong susa Go ihirnong ma am deipat meng moh kianorim paham mengteiwi porpat por dahamtipa.

Korosi 1:26

Meng pomat orhorwi pot pisashenmur ma napotip meng oh hanip dirnong Got oh nareman patesuhru papatdapat gahan Got orhe nita bap kuuhan dire kinteinong mar pitap teinong matipmur.

Erer tarpatipra 1:1

Jisas Krais oh Komdapat ma tarpat sasipra ohe meng oh Jon nohe kinteinong pitap matporhan noh mama brak dei ohmur. Nohe kinteinong ma pitap matir oh Got ohdapat Jisas ohnong pinggitirmur. Pinggitporhan Jisas ohdapat Got ohsi pati han enser ihir tit han ohnong pinggitirmur. Ohnong pinggim darhetporhan ohdapat orhe atamreipat han nohe kinteinong pitap matirmur. Nohe kintei ma pitap matir oh Got oh kapkap arpin tarpatiprawa ma dahah da oh orhe atamreipti han bap gurnong namgitinmat nohe kinteinong pitap matirmur.

Epesas 3:5

Got orhe reman papatesuh meng oh rih hanip dirnong nareman paptesuhmur. Ginnong oh Krais ohsi tap hat sashen hano Got orhe meng pot pisapti hano nuhurnong oh Norhe hrep ongeng mat papat han bapo napor nuhurnong Got orhe Yahsup ohsi pomat orhor nure da tei pitap teinongwi mar namgit napisapatmur.

Epesas 1:9

Got orhor imat napapatin orhor orhe da orhor Noh kaput Krais orhe ma imtipra dap tei oh noh kakdah ohe erero putei ohe erero oh gonsi tit dawi deipat Krais orhe hrepnongwi mar orhornong kakhan matipramur dahatipmur. Orhe hrepnongwi matiprawa daham ma reman patesuh da oh gin pitap teinong matipmur. Ama pitap teinong matip da oh orhe ma dahatip dik oh hatporhan dam timama mamen matipramur.

Jon oh yah meng ma brak matip ohe meng oh 20:17

Raponai potporhan oh Noh at ohe patnong it na ruhum pat ohoh ihan go nohnong namarindipra. Go susa norhe namgit napisapat han ihirnong Oh it nohe atsi; gure itasi nohe Hanisipsi; gure Hanisipsi ohe patnong it rupatmur rihe potinmur ama potip oh.

2 Pita 1:1

Noh Saimon Pitamur. Jisas Krais orhor Go norhe meng mohsi pot pisona napotporhan orhe kis nahat napapat han noh orhe boknong hat patim orhe mengtei be atamreim sapat han noh mama brak mat nasar ohmur. Diradire namburpat han Jisas Krais oh Gotmur. Ama Krais orhor orhe duung dasi hat pat ohe pe oh orhornong Ohwi inahatin hatin hanwa dahatin ohe da oh Juda hat pati bap nuhurnong yah mat orhor napripatmur. Yah mat orhor ma napripatru mat orhor gurnonghe imat orhor napripatmur. Napriporhan ohwi inahatin hatin hanwa ma dahat pati han bap gurnong mama brak mat nasar ohmur.

Garesia 4:6

Krais oh dire tapnong hat patim sawa meng arpit namdatip ohoh ihan dir ama ohe pe oh Got orhe brer haptimur. Orhe brer hat patim Got oh Gur norhe brero rim orhe brer ohe Yahsup oh dire mutuhnong namtiporhan ama Yahsup ohsi At Gota poriptimur.

Jon oh yah meng ma brak matip ohe meng oh 12:26

Gur Dir Jisas ohe atamreindin danongwi hat sasipera dahayahanhe ama han gur nohsiwi sasiprimur. Nohsi ma sasipri oh nohe ma sasipra teinonghe gursiwi sasiprimur. Ihat saptin at ohhe gurnong Ihir ohsiwi tap hat tamrein saptio rim winsi han nahatipramur napongop.

Jon oh yah meng ma brak matip ohe meng oh 8:26

Noh gurnong Gur mama ihat sapti oh ermur napor nasam napotin ohe meng oh ruumsan patmur. Ruumsan pat orhor norhornong ma nadarhetip han ohe meng oh nohnong napotporhan ameng ohwi gurnong naporpatmur. Ama han oh arpin hanmur pongop.

1 Pita 1:11

Ama aperishe ohe meng oh mamaru hat patmur. Yahsup oh ihirsi patim kaput Krais oh ti ina ruumsup ti ina ruumsup ohe batbet oh ohe boknong matperhan datipramur. Darpat komdapat oh ti da ti da armi matin ohe da oh oh datipramur por rit asarisuhmur. Por rit atporhan ihir mama naporpat meng moh de dik sa tarpatipra. Dir kinhat patin apripra gigosham am hatinmat aperishemur.

Jemis 1:1

Jemis noh Gotsi Hanipyah Jisas Krais ite atamreipat han nohmur. Ihat ma tamreipat han noh Got orhe nita Juda bap gurnong mahaw ihir inaham oknahatperhan gur kukut sus among among tei ma pati gurhe sa yah hat patio rim noh mama brak mat nasar ohmur.

Pirimon 1:16

Gin oh it gorhe patnong ma apir oh rih gorhe hrepdapat be natamreisuh han hatin hat orhorwi na apirmur. Gin yahnap han gorhe nanganong bopor mat papat hatin da ohsi hat apirmur. Noh ruumsan bopor mat papat ohoh ihan gorhor atnap Moh norhe yah hat natamreipat han ma hapat. Moh Hanipyah ohe nitao rim nutanut taptem nangman haya ma hapat daham bopor isipnap matinmur.

Jon oh yah meng ma brak matip ohe meng oh 17:26

Am hapti ihirnong oh noh gwe mihat pat da meng oh ihirnong por pinggipatmur. Pinggipatru pinggitwi ma paptepra oh Noh ire tap patin gwe nohe danong ham bopor nahapatru hat orhor ihirnonghe bopor mat orhor ha paptenoh rim indeipramur pongop.

Jon oh yah meng ma brak matip ohe meng oh 15:20

Nohe ma naporpatgwer mengnong oh dahatinmur. Nohe gurnong ma naporpatgwer oh Kamah han tit oh orhe atamreipti han ire hrepdapat hat patda. Basra. Oh ire hrepdapat hat na patmur ma naporpatgwernong oh dahatinmur. Ihat pat ohoh ihan nohnong garnahamo inahamo nahayahanoh nohe hrepnong nahat napapat gurnonghe atnap inahapri basda. Gurnong atnap inahaprimur. Nohnong nohe meng amramo ma haya ihirnong oh gure menghe amramo haprimur.

Jon oh yah meng ma brak matip ohe meng oh 13:16

Noh arpin meng napotiprohmur. Kamah han ohe atamreipat han ohe hrep oh kamah han orhor ohe hrepdapat hat patda. Basra. Papat han orhordapat orhe atamreipti han ihirnong orhe hrepnong mat papatmur. Tit han tit kamoheim hat patim orhe hrep papat han ohnong Norhe meng mohsi go sus potinmur por mengsi darherhanoh ama meng pisa han oh kak hat patda. Basra. Mengsi ma darher han orhor kak hat patim meng ma pisapat han oh orhe hrepdapat hat patmur.

Jut ohe brak mat atip ohe meng oh 1:1

Noh Jemis ohe nap Jutmur. Jisas Krais orhe atamreipat han noh gurnong mama brak mat nasar ohmur. At Got orhor gurnong Norhe brermur napor orhe brer naham orhe bopor mutuh nahat napapatin Jisas Krais oh orhe yah hat napapten ohe hrepnong naham napapato rim noh gurnong mama brak mat nasar ohmur.

Jon oh yah meng ma brak matip ohe meng oh 4:19

Potporhan uh Hanipyaha. Go nohe han dara mandapat ohe meng oh arpin meng napor ohoh ihan noh gin Go propet hat pat hanhe dahahmur. Go ihat propet hat pat ohoh ihan go mama meng moh napotina.

Ruk oh yah meng ma brak matip ohe meng oh 10:23

Giporpat bos tamburkera orhe pinggit pisapat han ihirnongwi Gurnong oh nohe ma namgipat da oh wamar am hapti ohoh ihan amamsi hat pati bap gurmur.

Jon oh yah meng ma brak matip ohe meng oh 16:12

Noh gurnong am nahatin meng oh trun pat orhor trun meng naporpatin da ban tahapririm noh gurnong mameng mohwi napotiprohmur.

Rom ihirnong Por oh brak atip ohe meng oh 7:15

Ohe hrepnong nahah hatin nahat napapat ohoh ihan nohe er danong asoh noh na ihtiprohneng ma dahah danong asoh noh it ihpatmur. Ma ihpat oh nohe yah danong yaho por ihtiprohneng dahah danong asoh na ihpatmur. Nohe ero por dasei deipat danong asoh noh ihpatmur. Nohe ma ihpat oh noh kinham sa ihpat daham norhor hanhan ham aperpatmur.

1 Korin 2:16

Ihir imat na nasatin hatin hat patimur ritporhan ma brak matpa meng oh mamaru hat patmur. Kakdah mama pati han dir Hanipyah orhe danong awamar Gin go mihat sonmur. Mihat patenmur por sawa atiproheda. Basra. Dir ohe danong am ham imat potin oh timbasnapmur. ritporhan brak matpamur. Ohe danong am hatin oh na hat pati orhor dir Krais ohe dahapat da oh dirsi pat ohoh ihan dir ohnong am hat patimur.