Jon oh yah meng ma brak matip ohe meng oh 15:11 - Oksapmin

¹¹ Nohe amam da oh gure mutuh isip yahnap hat ha hatinoh rim noh gurnong mama naporpat ohmur.

Jon oh yah meng ma brak matip ohe meng oh 15:11 ပူးပေါင်းရင်းမြစ်များ

Ruk oh yah meng ma brak matip ohe meng oh 15:23

Aripti brer moh apiro rim amam matiprohe ohoh ihan sus burmakau bap bapkei tahat pat burmakau yahnap oh sum rohdinmur. Orhoma den ruumsan damo amam hamo hatiprohemur.

Ruk oh yah meng ma brak matip ohe meng oh 15:32

Gorhe nangga oh haputipkin dahat patin gin it apris pat ohoh ihan ohe danong ham amam matin da oh na mandatin hatinmur. Na mandatin ina hat pat ohoh ihan ohnong amam mar den damo hatiprohemur potipri. Ihtipari por Jisas oh ama paham meng oh pongopri.

Ruk oh yah meng ma brak matip ohe meng oh 15:5

nita oh amam isip ham ambura kat tam tei sara amam hat orhor popriprohmur.

Ruk oh yah meng ma brak matip ohe meng oh 15:9

Pomat angmar pathan dara urhe yah kuuo tap aptei kuuhano ihirnong Gur amratino. Nohe mani tan pamdir ma angdeipat mahhe gin darmuro. Ihan gurhe apris diradir daro rim amam hatpero por uatiprohmur.

Jon oh yah meng ma brak matip ohe meng oh 16:24

Rih gur nohe mengtei Got ohnong na dahandeiptimur. Gin oh nohe mengtei dahandeinmur. Dahamar ama dahandeiya oh dariprimur. Daripti gure ama dariya ohe amam oh isipnap tit hat pateprimur napongop.

Jon oh yah meng ma brak matip ohe meng oh 16:33

Kakdah moh gur ruumsupsi hapti orhor noh kakdah mohe erer oh nohe hrepnong mar ambapte mat papatmur. Ambapte mat papat ohoh ihan gur Oh erer moh orhe hrepnongwi mat papat ma hapat daham manap da tei hat orhorwi da yah hat patenmur. Gur Nuhur Jisas orhe tapnong hat pati moh yah hat patiwa daham gur da yah hat ha patengwe rim noh mameng moh napormur napongop.

Jon oh yah meng ma brak matip ohe meng oh 17:13

Noh gin gwe patnong aprin kakduup hat patmur. Ihtin orhor gin noh gorhe patnong na apin patim orhor kakdah mamdapat orhor mameng moh gonong naporpatmur. Ma naporpat meng oh ihir amrama norhe amam hat pat morhor hatin hat ha isip hat patengwe rim naporpatmur.

Jon oh yah meng ma brak matip ohe meng oh 3:29

Gin gur mohnong dahatinmur. Han tit kuu darhanoh orhe dat paten kuu uhmur. Orhe dat paten kuu daro rim orhe yah han arwap oh amam hapatmur. Amaru hat orhor noh kuuhan ihir Jisas ohe duupnong ham orhe han haptio rim orhe yah han noh amamnap hat patmur.

Rom ihirnong Por oh brak atip ohe meng oh 15:13

Ama orhor yah nahatiprawa daham minhan pati ohe da ma napripat han oh Got orhorwimur. Ama Got orhornong noh Rom aptei Got orhe danong hat pati han bap gure paten meng oh nadahandeipatmur. Ma nadahandeipat oh Got go ire gorhornong Ohwi inahatin hatin hanwa dahapti ohe dap teidapat oh amam hat paten da ohsi; manap goshat yah hat indin da ohsi isip mat orhor teip mat apaptenmur. Imat teip mat apapatin gorhe Yahsup ohe kasip ohsi Orhor yah nahatiprawa daham ma minhan pati da oh isipnap mara teip mat orhorwi apris paptenmur por noh Rom aptei Got orhe danong hat pati kuuhan bap gure paten meng oh nadahandeipatmur.

2 Korin 1:24

Gure Got ohe danong hapti da oh nure hrepnong mar mihat dahatinmura; mihat dahatinmur napor kasip meng tei napapindinmat oh gurnong mama meng moh na naporiyamur. Gure Got ohe danong ma hat pati da oh gur kasip hat pati ohoh ihan gurnong nuhur Gur ihat dahat patenmura; ihat dahat patenmur na napotiprohemur. Gur guragure amam danong isip hat ha sonoh ma dahapti da oh nuhurhe ihir ihat amam danong bapkei mar isip mat ha pisongwe dahat patim mama meng napor nasariptimur.

Epesas 5:18

Wain er tom ruumsan dama ohe kasip hrepnong nahatporhan da ban tahat ma sapti oh er ohoh ihan gurri ihapri. Mandama Got orhe Yahsupnong asoh nohe da mutuh mahan ha teip nahatinoh. Teip nahat napapatin noh orhe kasip hrepnong hat patepor daham pei mat pisashenmur.

Piripai 1:25

Kakdah moh gurnong napanggeitin han timbas ohoh ihan norhornong arpit namdatperhan noh gure patinong it apris gurnong napanggeim napapteprawa dahat patmur. Imat napapatin gure Krais ohnong Orhorwi inahatin hatin hanwa dahatin da oh isip hama amam da oh sa isip hat sasipra. Ihat isip hat susa gur Por oh it apris nuhursi pat moho rim gur nohnong amam naham Krais Jisas orhornong armi mar sa paptepri dahapatmur.

1 Tesaronaika 5:16

Gur dipwi damdapat amam hat orhorwi patenmur.

1 Pita 1:8

Gur Jisas ohnong na wamat patim orhor ohe danong ham bopor mat paptimur. Ginhe na wamat patim orhor Ohwi inahatin hatin hanwa daham amam isip hat patimur. Ama amam isip ma hat pati oh wanohe na ritin hatin armisi amam oh hat patimur.

1 Jon 1:4

Gin gur amam hat indin ohe da oh isip hat orhorwi ha sashenoh rim noh ama ihat paten ohe da meng oh Jon noh mama brak mat nasar ohmur.

2 Jon 1:12

Noh gurnong ruumsan meng napotin orhor brak tei moh brak mar na napotiprohmur. Kakduup apris diradir tap hat tongnoma meng oh pomat napora diradir amam isipnap gosham indiprineng dahapatmur.