Jon oh yah meng ma brak matip ohe meng oh 13:34 - Oksapmin

³⁴ Noh kopenohe sawa meng moh napotiprohmur. Sawa meng oh mamarumur. Guragurhe da gosapris bopor gosat patenmur. Norhe ma da napris bopor nahat napapatru hat orhor guragurhe ihat orhor da gosapris bopor gosat patenmur.

Jon oh yah meng ma brak matip ohe meng oh 13:34 ပူးပေါင်းရင်းမြစ်များ

Matyu 5:44

Ihir ihtin meng tit naporishe orhor noh meng tit napotiprohmur. Mahaw han ihirnong bopor deinmur. Bopor mara ma ruumsup nahapti han ihirnong Got oh ire maripti han erero oh bapkei mar ha deinoh rim adahandeinmur.

Jon oh yah meng ma brak matip ohe meng oh 15:17

Nohe mama naporpat sawa meng oh guragur da gosapris bopor goshat paten ohe sawa meng oh naporpatmur napongop.

Jon oh yah meng ma brak matip ohe meng oh 17:21

Ihan go nohsi patru noh gosi patru dite ihat tit hanwi hat patiru ihirhe ihat tit hanwi hat ha patengwemur. Ihat ditsi tap hat patin kakdah maihir wamara Jisas oh arpin Got ohe darhetip han ma hapat sa dahapri.

Rom ihirnong Por oh brak atip ohe meng oh 12:10

Diradire taptem ihirnong da apris paptiru mat orhor kuuhan gonsi ihirnong asohhe da apris bopor mat paptenmur. Guragure boknong ma dahapti da oh mandama ire danong ham bopor mat paptenmur.

Rom ihirnong Por oh brak atip ohe meng oh 13:10

Imat ma hanip da apris gonsi bopor mat papti guroh guragure bopor mat papti han ihirnong imar er matiproheda. Basra. Gur bopor mat papti ohoh ihan na er matiprohemur. Ire danong hat pati ohoh ihan sawa mengnong amkar ihtiproheda. Basra. Da apris bopor mat papti ohe pe oh sawa mengnong gonsi amram dam mar indeiptimur.

Rom ihirnong Por oh brak atip ohe meng oh 13:8

Kakdah mama orhe erer moh yan hat ma pati oh yan hathe patepri aprishenmur. Aprisa gin timbas dei ma hapat dahaptimur. Hanip ihirnong bopor mar da apripti da oh imat yan ohe tan mat apris na timbas deipti da ohmur. Dipdipwi yan hat patim ma apripti ohe tan mat apriswi paptenmur. Imat ma da apris papti han ihiroh Got ohe sawa mengnong pomat amrat patim ihat patimur.

Garesia 5:22

Oh diradire er hat sapti da ohmura; Got orhe Yahsup oh dire mutuhdapat patim dam tit pokwi hapatmur. Dam tit pokwi ma hapat oh tit hanipnong bopor mar panggeipti da ohmur. Tit amamsi da hat pati da ohmur. Tit manap da tei ma pati da ohmur. Tit ahar dahapti da ohmur. Tit ihirnong panggeitpora daham panggeim yah da ma apripti da ohmur. Tit arpin dasi hat ma sapti da ohmur.

Garesia 5:6

Jisas Krais ohsi tap hat ma pati dirnong oh Got oh eit watah gatmatperhan ama gatdeiya ohe pe oh Go yah hanmur naporpatda. Na gatdeiyahanhe ama na gatdeiya ohe pe oh Go yah hanmur naporpatda. Basra. Ama gatdeiya na gatdeiya hapti ohe pe oh na ginaporpatmur. Jisas Krais ohe tapnong hat patim Ohwi inahatin hatin hanwa daham ihirnong bopor mar panggeipti ohe da ohwi Got oh wanaham Go yah hanmur naporpatmur.

Garesia 6:10

Ihtin ohoh ihan panggeitin hatin hat ma pati ihirnong asohhe gonsi panggeinmur. Panggeitinmat oh Got ohwi inahatin hatin hanwa ma dahapti han ihirnong oh isip mat orhor panggeinmur.

Garesia 6:2

Guragure ruumsup hat pati da oh gospanggeit sashenmur. Ihat ma sapti oh Krais orhe napotipru hatwi saptimur.

Epesas 5:2

Krais oh dirnong bopor nahama dire gwemat haputipmur. Dire gwemat ma haputip ohe gapgwe oh ap yawar tei apop atendeipti ohe gapgwe hatin hat sus Got ohe rum tem roporhan oh da yah ham amam hatipmur. Ihan Krais oh dirnong imat bopor naham haputipru hat orhor gurhe arwananah ihirnonghe imat orhor bopor mar da apris paptenmur.

Korosi 1:4

Weso por nadahamar pati ohe duuptei oh Epapras oh apris Korosi ihir Krais Jisas ohe danong hama Ohwi inahatin hatin hanwa dahat patimuro. Ihat dahat patim Got ohe nita bap kuuhan gonsi ihirnong bopor mat paptimuro ririt nuhut amrama Got ohnong weso por nadahandeiptimur.

1 Tesaronaika 3:12

Tit ma dahanahaya oh Hanipyah Jisas go Tesaronaika aptei pati kuuhan iraire bopor gosham da gosaprishen dao kuuhan ihirnong da apris bopor deipti ohe dao oh nure ihirnong isipnap bopor mar apripti da hatin mat orhor ire danonghe imat aisip mat paptenmur.

2 Tesaronaika 1:3

Nure taptem bapa. Gure ma Hanipyah ohnong Orhorwi inahatin hatin hanwa ma dahat pati da ohsi; arwananah ihirsi da gosat pati da ohsi ama ihat dahapti da yot oh guragure bok oh isip hat saptio rim nuhurhe Ihir ihat saptio rim Got ohnong dipwi weso naporiptimur. Weso ma naporipti oh Got oh ama weso potin da oh nuhurnong napin pat ohoh ihan Got ohnong weso naporiptimur.

Hibru 13:1

Gur taptem guragure da gosapin pati da hatin hat orhor Got ohe nita bap guragur da gosat orhorwi patiru hat orhorwi patenmur.

Jemis 2:8

Ihat daham ma hanipnong sapti oh ermuro. Gur yah danong orhorwi hat sasiper dahayahanoh mama isip yahnap hat pat sawa mengnong moh daham dindeinmur. Ama sawa meng oh mamaru hat patmur. Gur guragure ina danong bopor taham yah tahaptiru hat orhor arwananah ihirnonghe gorhe inanong bopor tahat pat da hatin mat orhor aprishenmur rim ma brak matpa isipnap mengnong moh amram dindeinmur. Ama ihat bopor mat pisapti kuuhan gur yah hat sapti bap gurmur.

1 Pita 1:22

Gin gur Krais ohe namohotip ohe yah meng oh amram dimtipera daham dindeipti ohe pe oh gur er da hirmar mandama guragure taptem ihirsihe da mutuhdapat orhor da gosapris yah hat patimur. Ihat pati ohoh ihan ama ihat da gosapripti ohe da oh isip mat orhor pisashenmur.

2 Pita 1:7

Got orhe da hatin hat sapora daham sapti ohe basnong oh Got orhe nita taptem ihirnong hinhina mar panggeipti da oh ohe basnong matpora daham kasip ham imtinmur. Taptem ihirnong hinhina mar panggeipti ohe da ohe basnong oh kuuhan gonsi ihirnong bopor mar da apripti da oh ohe basnong matpora daham kasip ham imtinmur.

1 Jon 3:11

Taptem guragur da gosapris bopor goshat patenmur ma ripti meng oh gur kopen Krais orhe danong haya tei orhor amrasheru ginhe mama amraptiru amraptimur.

1 Jon 3:23

Got orhe ma naporpat sawa meng oh mamaru hat patmur. Gur norhe mon Jisas Krais ohnong Oh arpin ihtin han hat pat ohoh ihan orhorwi inahatin hatin han ma hapat daham ohe danongwi hat patenmur. Ihat patim orhe Gur arwananah ihirnong da apris bopor mat paptenmur ma naporpatru hat orhor patenmur napor Got orhor imat sawa nasarpatmur.

1 Jon 4:21

Ama dire na wandeipti Got orhor mama sawa meng moh Norhornong arpin bopor nahayahanoh norhe nita kuuhan ihirnonghe arpin bopor matiprohemur napor ama sawa meng oh natipmur.

2 Jon 1:5

Got orhe kis nahat napapat kuu gonong Go kopenohe sawa meng oh go ihat indinmur na napotiprohmur. Kopenat Krais ohe danong haya tei orhor ma amratpa wanin sawa meng orhor dimar ha paptenoh rim gonong mama napor ohmur. Hanip ihirnong da apris bopor mat orhorwi paptenmur ma ritpa ohe meng oh dimar ha patenoh rim noh mama napor ohmur.