Jon oh yah meng ma brak matip ohe meng oh 12:48 - Oksapmin

⁴⁸ Nohe mengnong na amram kom asaripti han gurnong kaput komdapat ma nasatipra meng oh patmur. Norhe mama naporpat meng orhordapat kaput mong pepe dik oh nasatipramur.

Jon oh yah meng ma brak matip ohe meng oh 12:48 ပူးပေါင်းရင်းမြစ်များ

Matyu 10:15

Noh arpin meng napotiprohmur. Got ohe nasam ma inahatipra dik oh Sodom ihiro Gomora ihiro ihir er da ham artahat saperhan Got oh heisup mar ma sutip oh isip orhora; oh garpok hat patmur. Mama garnahaya ire ma ihya ohe yan oh isipnap datiprimur napongop.

Matyu 21:42

Dahamtiporhan ihir Epe. Er matiri ihirnonghe suma oh tam tambor mat itipkin. Tam tambor mat sara ama ru oh wan han orhornong kat aprisipri han ire bes teinong matipkin pongopa.

Matyu 25:31

Jisas oh naporpat Hanip Brer nohe it ma apripra oh amam armi inasi ham Got orhorsi pati han enser ihirsi tap hat apripramur. Aprisa mong ohe kakhan ire tongnopti tei hatin tongnotipramur.

Mak oh yah meng ma brak matip meng oh 12:10

Gur Got oh ritporhan ma brak matpa meng moh sam na dahaptida. Ritporhan ma brak matpa meng oh mamaru hat patmur. Ap hapti han ihir ap tam moh ero rim mandatperhan ama mandatiri tam wanin oh wan han ihir dara na mandatin tamo rim it haw mutuh tam orhor mar gonotiprimur.

Mak oh yah meng ma brak matip meng oh 16:16

Imat pot pisaptin meng amram Arpin menghe daham tom hru dahnong waya ihirnong oh Got oh amburipramur. Amrama arpin menghe na dahapti ihirnong oh Got oh Gure er hat sapti ohe yan oh patmur por na amburipramur.

Mak oh yah meng ma brak matip meng oh 8:31

Gahan Jisas oh ohe sutin ohe meng oh duup mar ma potip oh rotu ap wamat pati han pohono Got ohe ap yawar ohe hanat bok han ire duuptei hano sawa am hat pati hano ihir Hanip Brer nohnong garnaham kom nasara batbet nahatiprimur. Batbet naham nitperhan noh haputipramur. Hapura yot dah timama bimrip oh it da apris masapramur pongopri.

Ruk oh yah meng ma brak matip ohe meng oh 10:16

Giporpat orhe han ihirnong Gur susa meng oh ihirnong potperhan gure meng amram dindeiyahanoh oh nohe mengnong amram dinahaptimur. Gure meng na amram kom nasariyahanoh oh nohnongsi; nohnong ma nadarhetip han nuhutnong tap mat kom nasariptimur pongopri.

Ruk oh yah meng ma brak matip ohe meng oh 17:25

Noh komdapat ihat apripra orhor ohri ma hatipra oh gin ma pati kuuhan ihir Hanip Brer nohnong garnaham kom nasar batbet isip naham ina batbet ruumsup namkatiprimur.

Ruk oh yah meng ma brak matip ohe meng oh 20:17

Potperhan Jisas oh ihirnong wamaro hama Gur Es. Ohri na ihtipramur riya orhor ritporhan ma brak matpa meng moh ohe mutuh ohe mengnong moh na daham giriyada. Ritporhan ma brak matpa meng oh mamaru hat patmur. Ap hapti han ihir ap tam moh ero rim mandatperhan ama mandatiri tam wanin orhor wan han ihir dara na mandatin tamo rim it haw mutuh tam orhor mar gonotiprimur. ritporhan brak matpamur.

Ruk oh yah meng ma brak matip ohe meng oh 7:30

Parisio sawa meng am hat pati hano ihir Jon ohe bes tei dir tom na waprohemur rim tom na washe han bap ihir Got ohe yah da ma Ihir mihat ha sashengwe por ma pinggipat danong oh ihir kom atpamur.

Ruk oh yah meng ma brak matip ohe meng oh 9:22

Anggurpat Hanip Brer nohnong rotu ap ohe han pohono ap yawar ohe hanat bok han ire duuptei hano sawa mengnong am hat pati hano ihir nohnong garnaham batbet ruumsup nahatiprimur. Nahat patimdapat nitperhan noh haputipramur. Hapura yot dah timama bimrip oh Got oh it da napris it napamsapramur pongopri.

Ruk oh yah meng ma brak matip ohe meng oh 9:26

Gur norhornongo norhe mengnongo oh kasna nahayahanoh kaput Hanip Brer noh norhe has da ohsi; ato yahnap hat pati ensero ire has ohsi gon gurus rim apris gurnonghe noh kasna nahatipramur.

Jon oh yah meng ma brak matip ohe meng oh 11:24

Potporhan uh Noh am hat patmur. Mong pepe dik oh hanip gonsi it da apris masapri ohoh ihan oh it masapramur dahapatmur pongop.

Jon oh yah meng ma brak matip ohe meng oh 5:45

Gur nohnong Ohdapat itap ohe kintei nuhurnong Maihir meng pomat na amram er hat sapti han bap ihirmur potiprakin dahapri. Basra. Maihir ihtin han bap hat patimur napor gure boknong meng ma nahatipra han oh Moses ohmur. Ihan gur Nuhur meng oh pomat amrapti ma hapat. Imat amrapti ohe pe oh Moses oh nuhurnong Gur yah han bapmur napotiprakin ma dahapti danong oh dahapri.

Jon oh yah meng ma brak matip ohe meng oh 6:39

Nohnong ma nadarhetip han ohe dahapat da oh mama ohmur. Gorhe hrepnong namtipra han ihirnong oh tit uh tit kot dahnong hamo hatipra rim pomar ruprup mar gorhe hrepnongwi mar pomar paptenmur. Imat ruprup mat pomar papatin kaput mong pepe dik oh gonsi eimat paten dasi hat orhorwi patin pamsonmur napor nadarhetporhan noh ama ohe da orhorsi ihat apripatmur.

Jon oh yah meng ma brak matip ohe meng oh 8:47

Got orhe brer hat pati ihir itap orhe mengnongwi amraptimur. Gurnong oh Got ohe brer na hat pati ohoh ihan gur orhe brer nohe mengnong na amraptimur pongop.

Aposer 17:31

Ama ginaporpat han orhor Noh norhe dahat pat dik oh hatporhan mama han orhe dap teidapat duutin dasi mat orhorwi satipramur daham ama imtipra diknong oh orhor kis mat papatmur. Orhe kis mat papat danong oh ha am hatingwe rim orhe ma kis matip brer oh haputporhan da oh it pamsuhupmur potipri.

Aposer 3:23

Orhe mengnong na amram na dindeiyahanoh ama han gurnong Got oh Gur Isrer han bap basmur napor gurarhe wan teinong naham namdatipramur rim brak matipmur.

Rom ihirnong Por oh brak atip ohe meng oh 2:16

Moses ohe sawa meng hatin oh hanip mutuh pat ohoh ihan pepe dik oh Got oh Gin Jisas Krais go ihirnong dahamar satinmur por ma darhetipra dik oh orhor hanip diradire hanip ire kintei ma ihat sapti dasi; ahar ma ihapti dasi orhap pomat nasatipramur. Nohe yah meng ma ihirnong pot pisapat oh amaru mat orhorwi pot pisapatmur.

2 Korin 4:3

Imat naporiptin kat ihir Moh na dahatin meng riptihe ma dahapti han bap ihir eimat paten dasi na hapti bap ihir ihat dahaptimur.

2 Tesaronaika 1:8

Ama inahatipra dik oh Got ohnong hanhan mar ihat sapti kuuhan bapo Hanipyah ohe yah mengnong kom asar mandapti kuuhan bapo ihirnong iraire er hat ma sapti ohe er yan oh apripramur.

Hibru 10:25

Ihat susa diradire tarmur ma rotu hapti danong oh mandapri. Kat ire tarmutinmat na apripti da hatin hapri. Gur Hanipyah orhe aprin dik oh kakduup hah ma hapat. Ihan da kasip goshat inpera daham tap tei ham da kasip goshat patenmur.

Hibru 12:25

Gin gur Got ohe meng ritporhan ihir Nuhur na amratiprohe daham ma kom atparu gurhe ihat kom asaripri. Ire ohe meng na amram ma kom atpa oh mamaru ham kom atpamur. Got oh kakdahdapat orhor We. Gur ihapri por kasip bok meng potipmur. Potporhan ihir Nuhur na amratiprohemur por kom atpamur. Kom asar ma na amraya ohe pe oh yan oh kap hashenda. Basra. Darishemur. Gin aw teidapat meng ma naporpat meng moh Nuhur na amratiprohemur daham kom asariyahanoh ama ohe pe oh yan kap hatiprida. Basra. Aw teidapat naporpat meng ohoh ihan atnap yan isip datiprimur.

Hibru 2:3

Ama er yan ma darishe oh enser ire atem tei naporishe meng amkar mandatperhan er yan ma darishe ohmur. Gin oh tandaptuhut pat mon orhe namburpat meng moh namgim napotip meng moh isipnap meng ohoh ihan ama isipnap hat pat meng oh amkar mandayahanoh atnap er yan isip dariprimur. Ama namburpat meng oh kopenat Hanipyah orhor duup mar napotporhan ma amraya han ihir amram dam timam yah hat saperhan wamar Moh arpin menghe daham am hashemur.

Hibru 4:12

Got ohe meng dam tarpapat kasip meng oh mamaru hat patmur. Bior tansi tansi gret hat ma patnong oh Got ohe meng gretnap meng ohe hrepdapat mat papatmur. Ama gretnap ohdapat dire mutuhnong hama tamsi; awarsinong moh orhe meng gret ohsi katket mara tam orhe dei awar orhe dei mar pomat dason mat papatmur. Indeipat diradire ina tei dahapti dasi; mutuhdapat ma dahapti dasi ayotnong ohhe pomat dason mar wamat napapatmur.

1 Pita 1:5

Ama minhan wamat pati dirnong oh Got orhor kasip han ohoh ihan orhe kasip ohsi dir Ohwi inahatin hatin hanwa ma dahapti ohe pe oh ama kasip ohsi ponahat wanahat napapatmur. Wanahat ma napapat oh oh Norhe ihirnong imat ambutiprawa ma dahat pat da moh noh pepe dik oh pitap mar ambutipramur daham mamen mat papat da oh dir ha datingwe rim dirnong yah mat orhor wanahat napapatmur.

2 Pita 3:3

Ire ma naporipti meng oh mohnongri dahenmur. Gin mama pepe dik pati morhor dasei meng naporin han ihir iraire ina teimdapat ti da ti da oh pramat pisapat ohe hrepdapat hat patimdapat aprisiprimur. Ihat aprisa Jisas ohe boknong mar gurnongsi dasei meng naporiprimur.

2 Pita 3:7

Gin mong tan aw tan ha tarpatinoh potporhan aw tan mong tan tarpatip ohe meng kasip orhorsi gin mama pati aw tan mong tan mohnong Kaput irat har mar sutipramur daham sutinmat ama meng kasip ohsi mamen mat marin papatmur. Mamen mat ma papat oh pepe dik oh Hanipyah oh aprisa Got ohe meng na amram sapti han bap ihirnong dahamar sutipramur. Ama dik oh mongnong irat har mar timbas matinmat mamen mat papatmur.