Jon oh yah meng ma brak matip ohe meng oh 11:11 - Oksapmin

^11-13 Naporpat Rasaras oh haput pato rim nuhurnong Dire yah han Rasaras oh timon patmur. Ihan noh sus pamsapramur napotporhan nuhur timon pat meng naporkin daham ohnong Hanipyaha. Oh timon pat oh yah hatipramur potpa.

Jon oh yah meng ma brak matip ohe meng oh 11:11 ပူးပေါင်းရင်းမြစ်များ

Matyu 27:52

Hanip or saripti kwei tem tukera Got ohe danong hat patin ma haputpa han ihir ama mashupa oh.

Matyu 9:24

Ihaptihan Jisas oh Gur aperipri. Brer moh na haputmur. Be timon patmur. Gin gur gonsi kotnong rona potporhan ihir kre angopa.

Mak oh yah meng ma brak matip meng oh 5:39

Yimaptihan oh ap ham rosa gur kinham sinisane rim saheih ham yimaptio. Brer mohra na hapura be timon pat ohoh ihan gur yimapri pongopri.

Jon oh yah meng ma brak matip ohe meng oh 11:10

Patem mong kwitem hatporhan hanip dir tamrein sayahanoh na wataham tamrein saptin tapaptimur. Gin noh mama pat moh mong da hat patmur. Mong da tei pat ohoh ihan yah hat orhor saprohemur napongop.

Jon oh yah meng ma brak matip ohe meng oh 11:3

Gahan Nanip Rasaras oh sik hatporhan kor yot ihit Hanipyah ohnong gur sus potinmur. Orhe yah han Rasaras ohhe sik hat patmur potinmur por darheriya hangopa.

Jon oh yah meng ma brak matip ohe meng oh 3:29

Gin gur mohnong dahatinmur. Han tit kuu darhanoh orhe dat paten kuu uhmur. Orhe dat paten kuu daro rim orhe yah han arwap oh amam hapatmur. Amaru hat orhor noh kuuhan ihir Jisas ohe duupnong ham orhe han haptio rim orhe yah han noh amamnap hat patmur.

Aposer 7:60

katin takir tongnoma akit mengteiwi Hanipyah go ihir nohnong mama inaham san haya ohe pe yan oh go ihirnong apripra pora hapungopri. Haputporhan Sor oh Sitipen ohnong suya oh yahmuro ama dahatip oh.

1 Korin 15:18

It na pamsuhupneng ihir Krais oh nuhurnong napamsaprawa daham ma hapuriya han ihir it da mason inasi na hama eimat timbas haptinengmur.

1 Korin 15:34

We. Gur da hut patim er hat ma sapti da ohri mandanmur. Mandama yah hat da darhet sashen ohe danong oh hat patim da darhet sashenmur. Kat gur Got ohnong hanhan hat patim ihat saptimur. Ihat saptimur ma napor oh gur kas ham ha mandatingwe rim noh mameng moh napormur.

1 Korin 15:51

Gur mohnong amram dahatinmur. Gin noh rih pitap teinong na mat papat meng tit gin pitap teinong mar napotiprohmur. Krais orhe ma apripra oh kat dir tit na haput patin orhor apripramur. Orhe ma apripra oh pong pong poripti han oh pepe oh meng matperhan hanip gonsi dirnong kapkap orhor kin up has watahas ma riptiru hat orhor kapkap hanip dire ina moh nayawar mar wan ina dasi nahatipramur. Ma inahatipra oh haputpa han ihirnongri na haputin inasi mara pamsa tei oh na haput pati han dirnongsi tap mat wan ina dasi nahatipramur.

Epesas 5:14

Tit has teinong ma hapti ohe meng oh mamaru hat riptimur. Hapura timon pat han go kin wataham masona. Masporhan Krais orhe has ohsi has teinong nahatiprohmur riptimur.

1 Tesaronaika 5:10

Krais ohe ma haputip oh dir da patindo haputpa teido apris dirnong nambura orhorsi tap hat ha patengwe rim dire gwemat haputipmur.