Jon oh yah meng ma brak matip ohe meng oh 1:9 - Oksapmin9 Ama has han oh orhorwi arpin has yah dasi hat pat han ohoh ihan kuuhan among among gonsi dirnong ma nasaripti oh orhe has tei orhorwi tarpatperhan nasariptimur. အခန်းကိုကြည့်ပါ။ |
Potporhan Jisas oh Ama apteinong son ohe mandap kat oh norhormur. Arpin meng ma riptihe norhe bokdapatwi tarpapatmur. Eimat yah hat paten ohe dahe norhe boknongwi hat patmur. Noh ihat pat han ohoh ihan At ohe patnong sapera dahayahanhe wan kathe ti na saptimur. Norhe boknongwi ham at ohe patnong saptimur.
Rihohe sawa meng orhora; kopenohe sawa meng hatin hat pat ohoh naporpatmur. Kopenohe sawa meng hatin hat patmur ma napor oh kwitem da hut sapti da oh mandama yah da oh mong da tei nahat napapato rim noh kopenohe sawa meng hatin hat patmur napormur. Kopenohe sawa meng hatin hat ma pat oh mamaru hat patmur. Krais oh dire danong ham napapao dire arwananah ihirnong da gosat ayao hat ma pati oh sawa mengnong dam mara kopenohe sawa meng hatin mar paptimur.
Dir am hat patimur. Got orhe brer oh kakdah mama wandas patesuh ohe pe oh dire da nadapema arpin Got orhornong am hatin ohe da oh napdapmur. Napriporhan dir ohnong am haptimur. Am hapti orhe brer Jisas Krais ohsi tap hat ma pati oh Got orhorsi tap hat patimur. Ama ohsi ihat pati Got orhor arpin Got eimat paten dasi nahapat Got orhormur.