Jon oh yah meng ma brak matip ohe meng oh 1:29 - Oksapmin

²⁹ Gahan kimsidapat Jon oh wandeioh Jisas oh ama apripat hatip oh. Apripathan oh Gin gur wamtin. Got orhe sahapat han sipsip bap hatin hat patim hanip dire er gap hirmar dat namdatin han oh gin mama apir ohmur.

Jon oh yah meng ma brak matip ohe meng oh 1:29 ပူးပေါင်းရင်းမြစ်များ

Matyu 1:21

Uhe brer ma itipra oh mon tit itipramur. Itporhan oh gure er da dat namdama gurnong namburin han hatipramur rim ohe winhe Jisas oh potinmur ama potip oh.

Matyu 20:28

Amaru hat orhor Hanip Brer norhor hat patmur. Noh winsi han hama gurdapat nohnong ha napanggeingwe rim na wanhupmur. Basra. Nohdapat win timbas han hatin ham gurnong napanggeinmat wanhupmur. Noh gur eimat paten ohe dasi hat ha patengwerim noh gure danong hama haputinmat wanhupmur. Ihan gurhe amaru hat orhor patenmur napongop.

Jon oh yah meng ma brak matip ohe meng oh 1:35

Gahan kimsidapat Jono orhe pinggit pisapat han yoto ihir wandeiyaoh Jisas oh apripatgopri. Apripathan Jon oh Han moh wamtin. Got ohe sahapat han sipsip bap hatin ham hanip dire er gap hirmar dat namdapat han moh wamtin. Gin mama apir ohmur pongopri.

Jon oh yah meng ma brak matip ohe meng oh 1:43

Gahan kimsidapat Jisas oh mong Garirinong saporo rim Pirip ohnong wamara Go nohe kom aprinmur pongopri.

Jon oh yah meng ma brak matip ohe meng oh 2:1

Gahan yot dah timama bimrip oh Gariri mong Kena aptei ihir kuumi itperim Jisaso orhe namgit napisapat hano nuhurnong Aprina napor unangopa. Unatperhan nuhur ire tarmuriya apteinong pipa. Ma pipa oh Jisas ohe sup uhhe ama aptei oh sus patin nuhur pipa.

Jon oh yah meng ma brak matip ohe meng oh 3:16

Got oh kakdah han gurnong ruumsan bopor nahat napapat ohoh ihan oh Norhe brer tit pokwi oh ire gwemat adarhetporhan ihir Ohwi inahatin hatin hanwa dahayahanoh ama ihat dahaya han ihir na hapura nohsi eimat yah hat paten dasi hat patepriwa daham gure gwemat orhe brer tit pokwi nohnong nadarhetipmur.

Jon oh yah meng ma brak matip ohe meng oh 4:42

Dahapti kuu uhnong Rih gwe meng amram arpinhe daham ohe danong hatirimur. Ginhe orhe meng mohhe amram Arpin moh nuhurnongo mong mong ma pati han ihirnongo eimat paten dasi nahatin han oh mama pat oh ma hapat daham ohe danong hayamur pongopa.

Jon oh yah meng ma brak matip ohe meng oh 6:51

Ama aw teidapat wandas eimat paten dasi nahapat den oh norhormur. Ama den oh gur dipero daham nadeyahanoh ama han gur eimat paten dasi ham eimat pateprimur. Ama den oh norhormur. Gin kakdah ma pati han gur eimat paten dasi ha hatingwe rim norhor gure gwemat haputipramur pongop.

Aposer 13:39

Moses ohe sawa meng natip ohe hrepdapat hat patin oh Got oh Gin noh gure er gap oh dat namdamur. Gin gur yah han bapmur na napotin ohe sawa meng hrepdapat hat patimur. Got orhe pamsuhur han ohe hrepdapat hat patim Orhorwi inahatin hatin hanwa ma dahapti ohe pe ohwi dire er gap dat namdama Gur yah han bapmur naporpatmur.

Aposer 8:32

Tongnoma wandeioh ma brak matpa meng moh Ohnong Sipsip sutperim ma pohon supti teinong pisaptiru mat orhor ohnonghe imat pisus sutpamur. Suptin sipsip ihirnong bat agatdeiptin ma kimirit patiru hat patin orhor oh kimirit patin orhor sutpamur.

1 Korin 15:3

Duuptei meng oh mohmur napor nohnong am nahatperhan noh ama duuptei meng oh gurnong napotirmur. Ama duuptei meng ma napotir oh mamaru hat patmur. Meng oh Krais orhe boknong mar ma brak matparu oh arpin dire er hat sapti yan oh dara orhe boknong mar haputirmur.

2 Korin 5:21

Got oh Krais orhe dap teidapat Norhe yahnap duung da moh ire boknong matpor. Matinmat ire er hat pati da moh ongeng tahat pat han Krais orhe boknong matpor daham orhe boknong mar er han hatin matipmur.

Garesia 3:13

Dir pohon mengnong dimtipera dahapti orhor pomat na dindeipti ohoh ihan Got oh heisup nahat napapatmur. Ama da oh Jisas oh dara ama yan oh oh datipmur. Ohe ma heisup nahat napapat da oh ma datip oh mama brak matpa mengru hatin mat datipmur. Ma brak matpa meng oh Hanip sama Moh er han sutin han ma hapat daham irat boknong nang atpayahanoh ama irat boknong nang atpaya hannong oh Got ohhe heisup mat papat hanmur por brak matpamur. Ma brak matpa mengru hat orhor Got orhe bopor heisup nahat napapat da oh Jisas orhe sur gartahatip boknong matipmur.

1 Timoti 2:6

Ama ihat mutuh han ham napapat han orhor orhe danong na ham Noh ire er hat sapti ohe yan oh norhe boknongwi mar haputpora daham gonsi dire kakhan ham haputipmur. Ihat ma haputip oh Got oh Noh hanip bap gonsi ihirnong ambutipraneng ma dahat pat da moh ama dik oh imat pinggitiprawa ma dahatip dik oh pitap teinong mar dirnong namgitipmur.

Taitas 2:14

Ama minhan pati han Krais orhor Noh ire er nang hrepnong hat pati moh norhor ambura yah teinong matpora. Yah teinong mara ire er gap ahirmara eimat norhe kuuhan hat paten han bap matpora. Mara yah hat pan hat sashen ohe da ohsi matpora daham orhe yah hat paten ohe danong na hama dire danong ham dire gwemat haputipmur. Ama inahapat han orhornong apripra ma hapat daham minhan patimur.

Hibru 1:3

Orhe boknong mar meng napor ma darhetip brer ohhe mamaru hat patmur. Itap orhor hatin hat patin itap orhe has yah da oh mon orhe boknong has mat papatin dir wamar am haptimur. Orhe meng oh kasipsi han hat pat ohoh ihan orhe meng kasip hrepnong mar mong erernong moh kasip mat papatmur. Ihtin han ohoh ihan oh dire er hapti ohe bisei er gap oh nahirmar yah naham napapten han hatipmur. Hapat putei mahat ma armi mar papti kakhan orhe bes oper tannong ham tongnom wanahat napapatmur.

Hibru 2:17

Hanip ihirnong panggeitpora ma dahatip ohe mandap oh tit mandapwimur. Ama mandap oh mamaru hatipmur. Orhorsi taptem dire inao dao hapti ohe tan hapat dire ma ihat pati da erer gon oh gonsi am hapat ama ohe pe oh hinhina dasi hat patim ap yawar ohe hanat bok han hatin ham pomat atamreindin han hatipmur. Hapat dire er hat saperhan er gap hirmat namdama Got orhe heisup nahat napapat da oh it nayah dein han hatipmur.

Hibru 9:28

Ama ihat tit dahwi hapuriptiru hat orhor Krais oh tit dah pokwi dire gwemat hapura hanip bap trun dire er gap oh orhe boknongwi mar natimbas matipmur. It komdapat ma apripra oh er gap nahirmatinmat na apripramur. Orhe apripranong amam ham minhan ma wamat pati dirnong nambutinmatwi apripramur.

1 Pita 1:19

Ma namohotip oh Krais orhe heim yahnap yan isipsihe na mohotin hatin heim ohsi namohotipmur. Ama heimsi ma namohotip han ohe bok oh sipsip bap ire bok trotinsi yahnap hat patin sum ma atendeishe sipsip bap hatin hat patin ohe heim oh dukera namohotipmur.

1 Pita 2:24

Ihat yah hat patdapat Ire ma er danong hat sapti da oh hapur sus erer ma hanhan ham mandapti ohe tan mat er danong sa mandatipri. Mandama yah hat son ohe danong oh da patim kasip hat saya apriya hapti da hatin hat orhor sa patepri daham dire er hat sapti ohe ina ruumsup batbet oh orhe boknongwi mar irat bok sur gartaham haputipmur. Orhe ina boknong batbet dar ma er hatip oh dire er hat sapti danong moh oh nasi mar yah nahatporhan dir gin si ham yah hat saptimur.

1 Pita 3:18

Krais ohe ihtipnong oh gur dahenmur. Krais oh yahnap duutin dasi hat pat han orhor dire er hat sapti ohe batbet yan oh orhe boknongwi matipmur. Ma imtip oh oh Ama batbet yan oh norhe boknongwi nahatporhan nohe ma haputiproh ohe pe oh ihir Got orhe duupnong sa hapri daham tit dahwi haputipmur. Ma haputip oh kuuhan ihirdapat oh eimat ha haputinoh rim ina teinong sutpa orhor Got oh eimat paten dasi mar pamsas pihipmur.

1 Jon 2:2

Ama han orhor dire gwemat haputip ohe dap tei oh dire er hat sapti er da oh hirmat namdapatmur. Ma inahapat oh dire er hat sapti er da ohwi hirmat namdapat han hat na patmur. Mong mong gonsi ma pati han bap iresi tap mat hirmat namdatin han hat patmur.

1 Jon 3:5

Gur am hat patimur. Krais orhe bok oh er dahe timbasnap han ohmur. Ama han oh dire er da hat sapti da oh hirmat namdatinmat kakdah moh wandas pitap hatipmur.

1 Jon 4:10

Ama mon ohnong Go ire gwemat haputinmur. Haputporhan noh gwe ma hapur ohe dap tei oh noh ire er hat sapti yan oh it yansi na mara eimat hanhan mar amdatipramur por mon ohnong darhetipmur. Ma darhetip oh orhe dirnong da napris bopor nahat napapat da oh mon orhe boknong mar namgitipmur. Ma namgitip oh dire arwananah ihirnong bopor matin da oh mihat pat ma hapat dahatin ohe da oh mon orhe boknong mar namgitipmur. Ma namgitip oh dire Got ohnong bopor deipti da hatin mat na namgitipmur. Bopor matin da oh morhe gon hat patmur rim mon orhe boknong mar dirnong namgitipmur. Namgitporhan dir wamara hanip ihirnong da apris bopor deipti da oh mihat pat ma hapat daham am haptimur.

Erer tarpatipra 1:5

Jisas Krais Got ohe meng dason teiwi ripat han ohri duuptei masas pip han aw pe mong pe moh ohe kakhan ire duupteinap hat pat han Jisas oh orhe da orhor gurnong yah nahapat dasi; manap gosham yah hat paten dasi sa nahat napaptepra. Dir er nang ohe natpat pat hrepdapat hat patin Jisas oh bopor nahat napapatdapat dire danong ham hapura ama er nangnong orhe heim ohsi arpit namdatipmur.

Erer tarpatipra 12:11

Dire taptem ihir sipsip bap ohe heim ohe kasip ohsi; arpin meng pot ma pisapti ohe kasip ohsi ama yot ite kasip ohsi Satan ohnong ambapte matamuro. Ihir Dir ihat saptin niyarit hapuriyahan yahwa daham ihat sashe han ihirmuro.

Erer tarpatipra 13:8

Imat wamat patin mong mong mama pati gonsi ihir ama kurwah ohe danong ham ihir armi deiprimur. Gonsi armi deipri orhor kat ihir mong na tarpat patin orhor da dipwi paten ohe brak tei ma win atip ihir ohnong na armi deiprimur. Da dipwi ma patepri ohe brak oh sipsip bap hatin ma sutpa han ohe brak ohmur.

Erer tarpatipra 14:1

Gahan noh wandeioh sipsip bap oh Got ohe aptei Saion yei ka oh tandeit patgop. Ohsi kat han ma orhe wino itap ohe wino ohsi ire kinbi tei ma abrak matip ihir 144,000 ihir ohsi tap hat patingopa.

Erer tarpatipra 14:4

Ama han bap ihir kuu ihir tap na saw ham ongeng taham yahnap hatwi ma pati han ihirmur. Ihir sipsip bap ohe Noh anong sapora daham saporhan ihirhe ohe komnongwi ma dinggoshapti bap ihirmur. Kakdah han maire mutuhdapat ihirnong ma ambutip oh kopen pa awduup pera han pohon ihirnong apriptiru Got ihit taman kopenat ma amburiya moh nute taman tit pokwimur rim ma ambutpa han ihirmur.

Erer tarpatipra 15:3

Marin patim Got ohe atamreisuh han Moses ohe ga wanino sipsip bap ohe ga wanino oh riptingopa. Ga ma ritpa oh Hanipyah kasipnap hanmura; kasipnap hanmura. Kasipnap han go erer moh ha indeipata; ha indeipata. Mong mong moh ohe kakhan gorhorwimura; gorhorwimura. Gorhe duutin yah da orhorsiwi inahapatmura; inahapatmura.

Erer tarpatipra 17:14

Ihat ma indipri oh ihir sipsip bap ohsi gusutiprimur. Gusupti sipsip bap oh orhapnap hanipyah hat pat han ohoh ihan orhapnap kakhan hat pat hanmur. Orhapnap ihtin han ohoh ihan ohdapat ihirnong ambapte mara orhe hrepnong matipramur. Orhoro orhordapat Gur nohe nitamur potporhan ma ohe danong ham na mandam pan ham dindeipti bap ihiro ihirdapat ihirnong ambapte matiprimur napongop.

Erer tarpatipra 19:7

Sipsip bap oh Ama kuu uhnong noh datiprohwa ma dahat pat kuu uhnong Got oh Watah has yahnap moh ara mamen tahat indinmur potporhan uh arpin ara mamen tahat patmuro. Gin ite gosdatin ohe dik oh gin hahmuro. Ihtin dik hah ohoh ihan dir da yah ham amam hayamuro. Amam hama orhorwi yahnap hano rim armi mat pateprimuro. rim hangopa. Watah has yahnap ma apdap oh Got orhe nita dire yah hat sapti ohe da ohmur.

Erer tarpatipra 19:9

Gahan enser oh Jon nohnong Gin go mama meng moh brak matinmur. Sipsip bap oh Gin noh kopen kuu dara amam ham den ruumsan dinmat norhe nita gurnong Gin apris amam ham den dinmur napor unatipramur. Ma unatipra gur oh amamsi bap gurmuro napor ama meng oh brak matina napongop. Naporpat it nohnong ama meng oh Got ohe arpinnap meng ohmur napongop. Napotporhan noh mama nabrak dei ohmur.

Erer tarpatipra 21:14

Ama ap mutuh ohe doho kamenhe nathei kwei kasip kamensi hangop. Ama kwei kamen ohe bok oh sipsip bap orhorsi tap sashe nathei han ire win oh nitat brak mat itpa hangop.

Erer tarpatipra 21:27

Yah erer oh poprisiprimura; ongeng tahat na pati hano bisei hapti hano dasuh hapti hano ama ihapti han ihir ama ap mutuhnong oh na rosiprimur. Sipsip bap orhe eimat paten ohe brak teinong win ma atip bap ihirwi rosiprimur.

Erer tarpatipra 21:9

Gahan Got orhe bopor heisup beshei dis nitat ma marin pati enser ihir bes enser oh pepe ruumsup apin ohe beshei dis oh marin pat enser oh aprisa Jon nohnong Gin sipsip bap ohe kuu ma datiproh oh gin noh gonong namgitiprohmur. Go apris wamtinmur napongop.

Erer tarpatipra 5:6

Gahan noh wandeioh mutuh ohe ap tan tongnoma ihirnong ohe hrep papti ohe ap tan tei oh sipsip bap tit tandeit pat hangop. Oh mutuh tandeit pat hangopa; hatriphei dasi bapo han pohono ihir ohnong parper mat paptingopa. Sipsip bap ma tandeit pat hatip oh inamdapat sutpa han orhor pat hangop. Orhe kak tei ambah hatin oh beshei hangop. Kinhe beshei kin hangop. Ama beshei kin oh beshei aptei sios ihirnong kasip mat papat ohe Yahsup Got oh aw pe mong pe ma darhetip Yahsup ohmur.

Erer tarpatipra 5:8

Datporhan hatriphei dasi bapo 24 han pohono ihir sipsip bap orhe danong hama orhe hrep oh bos hamnong hangopa. Ihir nitat gita hatin ros hatin oh marin ayao gor kweisi hatpa dis oh nitat marin ayao hat pati hangopa. Dis ma marin pati hatpa oh Got ohe rum tem ha ronoh rim gapgwesi han ma atendeishe ohe gapgwe han oh dis dah oh teip mar marin patingopa. Ama gapgwe han dis dahnong mar ma marin pati hatpa oh orhe nita han bap dire Got ohsi mengripti ohe gapgwe ohmur.

Erer tarpatipra 6:1

Gahan noh wandeioh sipsip bap oh be han ihir dapem wamtipririm beshei gatasi kasip matpa gata oh tit ohri endeingop. Emtiporhan noh amraoh hatriphei dasi bap tit minggihim gurir dei hatin We. Sono pot ungop.

Erer tarpatipra 6:16

Hama yeio kweio ihirnong Gur kapkap het apris namkatino. Mutuh ap tan ma tongnot pat hansi; sipsip bap ihit wanaham nuhurnong heisup naham batbet nahatiprio. Ihan ihit wanaham nitipririm gur kapkap het apris gianaham namkatino.

Erer tarpatipra 7:14

Dahanahatporhan noh ohnong Hanipyaha. Nohri hanhan hat patmur. Gorhor am hat patmur potip. Potporhan oh Maihir iraire mahaw han ihir ina ruumsup isip tit apriya orhor ihir Jisas orhe panggeitin ohe kasip ohsi na gapa ham kasip ham yah hat ma pati han bap ihirmur. Ire watah has dapsi mohhe sipsip bap ohe heim ohsi gahmara ongeng mar has mar mama an pati han ihirmur.