Jon oh yah meng ma brak matip ohe meng oh 1:14 - Oksapmin

¹⁴ Ama da meng namgitin han oh Got ohsi patdapat kakdah wandasa hanip ina hapat kakdah indipmur. Kakdah ma indip oh Got oh Noh norhe brer tit hanwi moh orhe boknong bapkei mar has dasi matpora daham orhe boknong hassi mat orhorwi papatin dir wamara Moh Got orhe arpin has ohsi mat papat ma hapat daham dir am haptimur.

Jon oh yah meng ma brak matip ohe meng oh 1:14 ပူးပေါင်းရင်းမြစ်များ

Matyu 1:16

Jekop oh Josep ohe itap oh. Josep oh Maria uhe imap ohmur. Inap Maria uh Jisas ohnong ma itip kuu uhmur. Jisas oh Got orhor ihirnong ambutipra hanmur potip hano rim Krais porishe han ohmur.

Ruk oh yah meng ma brak matip ohe meng oh 2:11

Gure amamnap hatin ohe meng oh mamarumur. Gin mama kwitem morhor Depit ohe ap mutuh moh kakdah pati kuuhan gurnong namburipra brer tit sariyamuro. Oh Got orhor Ihirnong sa amburipra rim kis mat pat han Hanipyah Krais ohnong sariyamuro.

Ruk oh yah meng ma brak matip ohe meng oh 2:7

duuptei brer mon ama itip oh. Hanip ire ma timapti ap oh hanip bokota tei ohoh uh brer oh burmakau ire timapti ap ama itip oh. Sarpat watah tansi parpar mara burmakau ire den asaripti dah oh ama itip oh.

Ruk oh yah meng ma brak matip ohe meng oh 9:32

Jisas oh orhe has ohsi has hat patim ama yot han ihitsi mengriptin Pitao ama yitir han ihir timon patimdapat masas wamtipari.

Jon oh yah meng ma brak matip ohe meng oh 1:1

Got oh Norhor darhetipramur ma ritip han oh Got orhornong Oh ihat pat han ma hapat dahatin ohe da meng namgitin han ohmur. Ama da meng namgitin han oh erer oh na tarpat patin orhor ohri patesuhru patru pat han ohmur. Ihtin han oh Got ohsi itait tap hat pateshemur. Ama ihat tap hat pateshe yot ihit Got tit pokwi hat patimur.

Jon oh yah meng ma brak matip ohe meng oh 11:40

Potporhan Jisas oh Noh ma go nohnong Ohwi inahatin hatin hanwa dahahhan go Got ohe kasip yah danong wamar am hatiprohmur ma ginaporhe oh gin go na daham ginaporpatda pongop.

Jon oh yah meng ma brak matip ohe meng oh 14:6

Potporhan Jisas oh Ama apteinong son ohe mandap kat oh norhormur. Arpin meng ma riptihe norhe bokdapatwi tarpapatmur. Eimat yah hat paten ohe dahe norhe boknongwi hat patmur. Noh ihat pat han ohoh ihan At ohe patnong sapera dahayahanhe wan kathe ti na saptimur. Norhe boknongwi ham at ohe patnong saptimur.

Jon oh yah meng ma brak matip ohe meng oh 17:22

Go nohnong winsi nahapatru noh ihirnonghe imat winsi deipatmur. Imtiporhan ihir dite titwi hat patiru ihat orhor ha patengwe rim indeipatmur.

Jon oh yah meng ma brak matip ohe meng oh 17:24

At go mong erer moh kopen na tarpat patin orhor go nohe danong ham bopor naham winsi nahat napaptesuhmur. Gwe norhe han ma nadeipat hansi; komdapat ma norhe han nadeipra hansi ihir nohe ma patepra tei oh tap hat pateprineng dahapatmur. Norhorsi patim gorhe winsi nahapat da oh wamar ha dahatingwemur.

Jon oh yah meng ma brak matip ohe meng oh 18:37

Potporhan Pairat oh Gwe ihat ma napor meng moh go arpin kat han ire kakhan hat patin ginaporkin potporhan Jisas oh Go nohnong Go kakhan hat pat hankin ma napor oh go arpin meng nohnong napormur. Ihat kakhan hama arpin mengwi rit ha sashenoh rim em uh nohnong kakdah morhor nitporhan noh tarpatipmur. Ihat tarpatip ohoh ihan noh arpin mengsi mama ihat apripat ohmur. Ihat apripatin arpin danong dindeipti han ihir nohe meng amraptimur ama potip oh.

Jon oh yah meng ma brak matip ohe meng oh 2:11

Ama Gariri mong Kena aptei tomnap orhor irat gwe wain tom gap ma matip oh Jisas orhe hanip dire na imtin da ma deisuh oh mohri kopenat rang ohe tan duup mar imtipmur. Ma imtip oh Moh Got orhe has yah da ohsi hat pat ma hapat dahatin ohe da oh pitap teinong mar namgitipmur. Namgitporhan orhe namgit napisapat han nuhur Orhorwi inahatin hatin han ma hapat dahatpamur.

Jon oh yah meng ma brak matip ohe meng oh 3:16

Got oh kakdah han gurnong ruumsan bopor nahat napapat ohoh ihan oh Norhe brer tit pokwi oh ire gwemat adarhetporhan ihir Ohwi inahatin hatin hanwa dahayahanoh ama ihat dahaya han ihir na hapura nohsi eimat yah hat paten dasi hat patepriwa daham gure gwemat orhe brer tit pokwi nohnong nadarhetipmur.

Jon oh yah meng ma brak matip ohe meng oh 3:18

Inahatip ohoh ihan Ohwi inahatin hatin hanwa ma dahaya gurnong oh noh Gur er hat patihe na naporpatmur. Ohwi inahatin hatin hanwa ma na dahapti gurnong oh Gur Got ohe brer nohnong Ohwi inahatin hatin hanwa na dahapti ohoh ihan gur er teinong son ohe mandapnong hat patim ihaptimur naporpatmur.

Jon oh yah meng ma brak matip ohe meng oh 6:51

Ama aw teidapat wandas eimat paten dasi nahapat den oh norhormur. Ama den oh gur dipero daham nadeyahanoh ama han gur eimat paten dasi ham eimat pateprimur. Ama den oh norhormur. Gin kakdah ma pati han gur eimat paten dasi ha hatingwe rim norhor gure gwemat haputipramur pongop.

Jon oh yah meng ma brak matip ohe meng oh 8:32

Ama ihat pati bap guroh arpin da mengnong oh am haprimur. Arpin da mengnong ma am hapti ohe pe oh dasuh meng ohe er da hrepnong nahat napapat da oh arpit namdatipramur pongop.

Aposer 13:33

Ama awher ihirnong rit atip meng oh gin puh dire boknong ma dam matporhan dir arpin dam oh wamtirimur. Ma imtir oh tit han tit tipnerip ohe Sam tei oh mamaru mat brak matipmur. Gin oh noh gorhe ita hatin hama gonong norhe brer mon nahahmur. ritporhan brak matipmur.

Rom ihirnong Por oh brak atip ohe meng oh 8:3

Dire boknong nahatin meng timbas hat ma pati moh diradire kasip ohsi ihat na patimur. Ina teimdapat er da tarpam pranahat napisapat ohe kasip oh Got ohe sawa mengnong amram dimtin danong oh gapa nahat napapat ohoh ihan dir kinmat diradire kasip ohsi dimtiperhan dire boknong nahatin meng timbas hatiproh. Ihtin kasip oh diradir timbasmur. Got orhorwi ihtin kasipsi han ohoh inahapatmur. Ma inahapat oh orhe mon Krais orhornong darhetipmur. Darhetporhan oh er hat sapti han dire ina ham dire gwemat apdapmur. Ihat apriporhan itap orhor er hat sapti han dire batbet er nang oh orhe boknong mara dire bat gwe han mar sutipmur.

Rom ihirnong Por oh brak atip ohe meng oh 9:5

Ama han bap ire ropir ihiroh nuranure duupteinap awher ihirmur. Ama awher duuptei han ire puh ire bokdapat Krais oh hanip brer tarpam apdapmur. Ama apdap Krais oh dire kakhan titwi ham erer gon moh orhe hrepnongwi naham napapat han Got orhormur. Orhornongwi dipdipwi armi mar papten han ohmur. Arpinwa.

1 Korin 15:47

Kakdah morhe ohri patesuh han Adam oh Got oh mong morhorsi darpapat kakdah morhe paten han mat mandatipmur. Komdapat ma apdap han Adam oh aw tei mahat ohe eimat paten ina dasi hat ma pat han Adam oh kakdah moh apdapmur.

2 Korin 12:9

Dahamtiporhan oh Es. Norhe kasip oh gapa han ire da mutuh oh yah hat tarpama tamreipatmur. Ihat gapa han ire mutuh tamreipat kasip ohoh ihan go Got oh bopor naham mama kasip mohsi nahat pat ma hapat. Mama kasip moh kiwa dahatinmur napor baso napongop. Baso napotporhan noh Gapa hat pat moh yahwa. Krais orhe kasip oh ha tarpatin oh daham kimiritipmur. Kimiripat norhe gapa hat pat ohe pe oh Krais orhe kasip oh ha tarpatinoh daham ohnongwi daham armi tahat patmur.

Garesia 4:4

Ihat patin gahan Got oh Noh adik darhetiprawa ma dahatip dik oh hatporhan arpin orhe brernong darhetipmur. Darhetporhan kuu uh brer ake hama itipmur. Itporhan Juda ire sawa meng hrepnong ham amrat patesuhmur.

Epesas 3:8

Norhe da oh Noh komnap han win timbas han hat pat ma hapat dahapatmur. Ihat ma dahat pat han nohnong Got oh orhe damdapat orhor Imat yah matpora dahapat da ohsi nohnong Go Krais orhe yahnap da hanip gur na dahatin hatin ohe yahnap da meng moh go Juda na hat pati bap ihirnong pot pisashenmur.

Korosi 1:19

Ama duuptei brer orhornong itap oh Ihir norhornong Oh ihtin han hat pathe pomat daham ha am hatingwe rim orhe kasipo orhe dao gonsi gon mon orhe boknongwi hat patin namgisuhmur. Namgit napapatin dir wamar am haptimur.

Korosi 2:3

Got orhe imat nareman ma papatesuh yah da oh Krais orhe boknongwi matporhan orhorwi ama nareman paptesuh yah da oh pitap teinong mat papat han oh Krais orhe bokdapatwi pitap teinong mat papatmur. Imat papatin dir wamar am haptimur.

Korosi 2:9

Mama mengnong moh arpin meng ma hapat dahenmur. Krais ohe kakdah mohe ma patesuh oh Got orhe ma hat pat da oh gonsi Krais orhe boknongwi hat patin orhor Got hat sasuhmur.

1 Timoti 3:16

Ama dire yah hat paten arpin meng nareman papat meng oh Got oh pitap teinong matir meng moh wanohe arpin meng yahnap meng tit ma hapat daham mama ga ripti meng hatin mat ripti ohmur. Krais oh hanip hapat pitap hatipmura; pitap hatipmura. Pitap hapat orhe ongeng tahat yah hat sapatin Got ohe Yahsup oh orhe yah hat ma sapatnong oh namgitipmura; namgitipmura. Enser ihir wandeishemura; wandeishemura. Orhe meng oh aw pe mong pe han gonsi pot pisaperhan ihir amram arpin ohwi inahatin hatin hanhe dahashemura; dahashemura. Dahatperhan Got oh orhe yahnap teinong pihipmura; pihipmura. rim mama ga oh ripti ohmur.

Hibru 1:3

Orhe boknong mar meng napor ma darhetip brer ohhe mamaru hat patmur. Itap orhor hatin hat patin itap orhe has yah da oh mon orhe boknong has mat papatin dir wamar am haptimur. Orhe meng oh kasipsi han hat pat ohoh ihan orhe meng kasip hrepnong mar mong erernong moh kasip mat papatmur. Ihtin han ohoh ihan oh dire er hapti ohe bisei er gap oh nahirmar yah naham napapten han hatipmur. Hapat putei mahat ma armi mar papti kakhan orhe bes oper tannong ham tongnom wanahat napapatmur.

Hibru 1:5

Itap oh orhorwi tandaptuhut pat hanmur daham meng potporhan ma brak matpa meng oh mamaru hat patmur. Go Got norhe monmur. Ire kintei moh norhe erer gon oh gorhor pokwimur datiprao rim gin noh mameng moh napormur. potporhan brak matpamur. Tit meng orhe boknong potporhan ma brak matpa oh mamaru hat patmur. Noh orhe itap hat patepramur. Oh norhe brer hat patepramur. gipotporhan brak matpamur. Ama ihtin meng oh enser ire boknong matporhan brak matpada. Basra. Orhe mon orhe boknongwi mar meng potip ohoh ihan orhorwi tandaptuhut pat hanmur.

Hibru 10:5

Kakdah mohe apop sum atendeipti heim oh na kasip hat pat hano rim Krais oh kakdah moh wandasa mama meng moh itap ohnong potipmur. Go hanip ire er hat saptin dipwi erer nasariyao apop sum natendeiyao ha hengwe na dahapatmur. Ihan gorhe wanin mat papat ina oh napin patmur.

Hibru 2:11

Ongeng nahat napisapat han Jisas ohsi; ongeng nahat napapatin ongeng tahat sapti han dirsi dire at oh tit pokwimur. Dire at oh tit pokwio rima Jisas oh na kas hama Moh nohe taptem ihirmur naporpatmur.

Hibru 5:5

Krais ohe ma ihtiphe orhe da orhor Noh norhe winnong daptuhura hanat bok han hatpora daham dire hanat bok han na hatipmur. Itap orhor win adaptuhura hanat bok han hatina por kis matipmur. Ma kis matip ohe meng oh mamaru hat patmur. Go Got norhe monmur. Gin ire kintei Moh norhe erer datipra han mon ohmur rimur. ritporhan brak matpamur.

1 Jon 4:14

Got oh orhe mon ohnong aw pe mong pe gonsi dirnong namburin han darhetporhan nuhur dam wamara gurnong Arpin oh dire namburin han nadarhetipmur napotperhan gur amram am haptimur.

1 Jon 4:9

Got oh dirnong da napris bopor nahat napapat ohe da oh orhe mon tit pokwi orhor ohnong Gin go wasa ire gwemat haputinmur. Haputporhan gwe ma hapur ohe dap tei oh ihir eimat yah hat paten da sa datipri por orhe mon tit pokwi orhor darhetipmur. Ma imtip oh orhe bopor nahat napapat da oh mon ohe boknongwi mar dirnong namgitipmur.

2 Jon 1:7

Mong mong mama pati han ihir kat han ruumsan han ihir Jisas Krais oh hanip na hatip hanmur rim dasuh nahat apriptimur. Ama ihat dasuh nahat apripti ihir Krais ohnong mahaw mar kom at pati bap ihirmur.

Erer tarpatipra 19:13

Orhe watah dapsi ma an pat oh heim hru dahnong mara heimsi matin watah dap tit an patgop. Ire ohnong ma win poripti oh Got ohe dahat pat da oh namgipato rim winnong oh Got ohe meng ohmur poriptimur.

Erer tarpatipra 21:3

Wanporhan noh amraoh orhe pohon tongnopat bas amdapat kasip mengtei We. Gur gin amratinmuro. Gin Got ohe ma patepra oh orhe kuuhan ire mutuh oh patepramuro. Oh ihat patin ihirhe orhe nita bap kuu han ham pateprimuro. Arpin napormuro. Got orhorsi; orhe nita kuuhan ihirsi tap hat pateprimuro.