Jemis 2:19 - Oksapmin19 Guragure damdapatwi Got oh tit han orhorwiwa daham pitap teinong mar dam na deipat han gur mongsup ire ma ihat patinong asohhe dahenmur. Ihiroh Got oh tit han pokwiwa dahapti orhor ihat dahapti han dirnong Got oh er nahatipra ma hapat daham orhornong kasa hat patim bupariptimur. အခန်းကိုကြည့်ပါ။ |
Tongnotporhan Jisas oh Mongsup go hanip mohnong ga at pat han go gin ga taper maras sona pongopri. Porpatin ohe mutuh pat mongsup oh Orhor nohnong yah hat na indin teinong naham nadarhetipra daham kasip mengteiwi Jisas ohnong Puteinap mahat ma pat han Got orhe brer go nohnong kinnahatporim apir. Go Got ohe win rim Noh gonong batbet na napriprohmur napor awam tuketinmur pongopri.
Pora hanip dire ma duung dasi ham ongeng taham yah hat sapti da mengo yah da oh hanip diradire hrepnong mar papti ohe da mengo kaput ma Got orhe apris dirnong dahanaham nasatipra ohe da mengo oh potipri. Potporhan Piriks oh kas hama ohnong Gin gwe meng oh kiwa. Sonmur. Kwit noh it gwe mengnong namratpor dahah tei oh it unatipramur pongopri.
Diradire napapat Got oh tit han pokwi diradire At Got oh pokwi patmur. Ihat ma pat Got orhor erer moh gonsi darpatip Got orhorwimur. Dir ama ihat pat Got orhewimur. Dire Hanipyah ma pat hanhe Jisas Krais orhor pokwimur. Ama Hanipyah hat pat han orhe bes teinongwi mara erer oh darpatipmur. Ama ihat Hanipyah hat pat han orhor dirnonghe ihat paten dasi nahat napapatmur.
Ihat daham ma hanipnong sapti oh ermuro. Gur yah danong orhorwi hat sasiper dahayahanoh mama isip yahnap hat pat sawa mengnong moh daham dindeinmur. Ama sawa meng oh mamaru hat patmur. Gur guragure ina danong bopor taham yah tahaptiru hat orhor arwananah ihirnonghe gorhe inanong bopor tahat pat da hatin mat orhor aprishenmur rim ma brak matpa isipnap mengnong moh amram dindeinmur. Ama ihat bopor mat pisapti kuuhan gur yah hat sapti bap gurmur.
Mohnong dahenmur. Kat han Got ohe mengnong kom asar na amrapti ihir Got orhe nita gure mutuhnong ahar apris patimur. Ama Got ohe mengnong na amram apris pati han bap ihir gurnong Got oh orhe da orhor yah naham napanggeipat ohoh ihan dirhe diradire ti da ti da ma dahapti danong hayahan yahwiwa. Orhe heisup nahatin bopor oh dire boknong moh timbaswa. Ihan yahwi hat saptimur napor er danong hat son ohe da namgit napisaptimur. Iham susa diradire Hanipyah tit hanwi Jisas Krais ohnong Oh dire Hanipyah kakhanda por ohnong kom asar mandaptimur. Ama ihapti han ihirnong rih orhor Got oh Noh ama ihapti han ihirnong noh heisup mat paptepramur rim heisup meng oh ire boknong matporhan brak matpamur.
Got orhor orhe meng pisaya popriya hapti da enser ihirnong ma imtip ohe menghe dahenmur. Kat enser ihir Got orhe nitat tamreindin da ma apdap oh mandama iraire pati tei oh mandama wan apteinong susa wan danong hat saperhan Got oh Ama ihir norhe tamreindin apdor moh mandama wannong saya moh daham eimat arpit na mandatin nang ohsi atpama kwitemnap mong mutuhnong mat papatmur. Kaput pepe dik oh sama er yan apriprao rim imat papatmur.
Ihirnong sum timbas matporhan Satan oh ihirnong dasuh mat pisapat hano rim Got oh tahe por kwei mianpang hatin har hapat dahnong matipramur. Ma matipra dah oh kurwahsi; kurwah orhe dasuh meng pisapat hansi ite ma matir dahnong oh tahe por mandatipramur. Tahe por mandatporhan ihir batbet oh duut orhor kwitem timbas mong da timbas dipdipwi batbet dar pateprimur.