Jemis 1:26 - Oksapmin

²⁶ Gur Noh Got orhe nita hat patim ma ihat sapat da moh yah hat sapatwa ma dahapti han gur guragure pangnong dahenmur. Pangnong ongeng mat na papathanoh Ai. Norhe boknong moh dasuh ham ihat sapat han ma hapat. Got orhe kintei noh yah hat sapatwa ma dahapat da oh na napanggeipat ma hapat dahat sashenmur.

Jemis 1:26 ပူးပေါင်းရင်းမြစ်များ

Matyu 15:9

Sawa mengnonghe ihir iraire dahapti sawa meng orhor Moh Got orhe sawa mengmur. Mama meng moh dimtinmur poriptimur. Ihapti ihiroh be nohe meng moh ha dindeipti hatin haptimura; danong oh arpin nohe danong na hat patim ihaptimur. ma napotip oh gure boknong naham brak matipmur pongop

Mak oh yah meng ma brak matip meng oh 7:7

Sawa mengnonghe ihir iraire dahapti sawa meng orhor Moh Got orhe sawa mengmur. Mama meng moh dimtinmur poriptimur. Ihapti ihiroh be nohe meng moh ha dindeipti hatin haptimura; danong oh arpin nohe danong na hat patim ihaptimur. Aisaia oh rim ma brak matip meng oh ama ihapti han gure boknong naham brak matipmur pongopri.

Ruk oh yah meng ma brak matip ohe meng oh 8:18

Gur nohe mengnong moh pomat amram dahenmur. Nuhur mama amraya meng moh kimur ma dahapti ihirnong oh titsi na aprisa ama amraya meng oh it dat amdatipramur. Arpin mengnong moh nuhur titsi amratper ma dahapti han ihirnong oh titsi apris isip mat orhor aprisipramur. Ihtin ohoh ihan gur meng moh pomat amrama dahenmur pongopri.

1 Korin 15:15

Nuhur Got oh Krais ohnong it da pamsuhupmur naporipti ohoh ihan oh imat na pamsuhupneng nuhur dasuh meng napor Got ohnong dasuh han hatin deiptinengmur. Hanip dir haputperhan Got oh it da na napamson ina hat patneng ihan Krais ohnonghe it da na pamsuhupnengmur. Got oh imat na pamsuhupneng nuhur gurnong dasuh meng naporiptinengmur.

1 Korin 15:2

Ama yah mengnong oh kasip ham orhor marin orhorwi paptin Got orhor nambutipramur. Imat marin na paptihanoh dam timbas meng mar be mandaptimur.

1 Korin 3:18

We. Gur Noh kakdah mohe dakuu da ohsi hat patim noh dakuu hat pat hanmur rim guragure danong dasuh mat pisasipri. Arpin dakuu han hatpor dahayahanhe imat ma dahaya guroh kakdah han ire Moh dakuu damur ma ripti danong oh mandama Got orhe dakuu danong oh kakdah han ihir Moh da timbas damur ma ripti hrepnong hat patenmur.

Garesia 2:6

Got ohe atamreipti winsi han ihirdapathe nohnong Gwe Krais ohe meng pot ma pisapat mohsi; dire pohon meng mohsi yot mar pot pisonmur na napotpamur. Got oh Moh winsi hanhe. Moh win timbas hanhe ihat na dahapatmur. Amaru hat orhor noh Moh winsi han ohe meng moh amratpora. Win timbas han ohe meng moh noh na amratpora na dahapatmur.

Garesia 2:9

Gahan duuptei hanmur ma porishe han Jemiso Pitao Jono ihirhe wanahama Got orhe damdapat Por ohnong kasip deipat ma hapat. Kasip matporhan ama kasip ohsi mama tamreindin moh tamreipat ma hapat dahatpamur. Dahama diradir tap tamreindin moh tamreipti ma hapat dahama Banabas nuhutsi we gosatpamur. We gosaripti Gur Juda na hat pati han bap ihirnong meng pot pisasiprimura; nuhur Juda ihirnong meng pot pisasiprimur goshapti tit dawi hatpamur.

Garesia 3:4

Gure ma datiri oh be datirida. Noh Gur be na datirikin dahapatmur.

Garesia 6:3

Gur ihtin han hat na patin orhor guragure damdapat Noh ihtin hanmur dahayahanoh guragure danong dasuh deiptimur.

Epesas 4:29

Gur hanip ihirnong er matin ohe er meng ohri ripri. Ama er mengnong oh hariri por mandanmur. Eimat mandama Mama meng moh ihirnong panggeit papten ohe meng ma hapat daham iraire nitat panggeit papten ohe meng oh nitat mat por panggeinmur.

Epesas 5:4

Ongeng tahat orhorwi patim tohor meng hatin hat er meng ripti mengo dam na tarpatin ohe mengo tohor goshapti mengo ama meng oh gurri ripri. Got orhe nita hat pati gurri ihtin meng oh na ripti awam meng ohoh ihan ama ihtin meng ohri ripri. Gure ritin oh Got orhornongwi weso por armi mat paptenmur.

Korosi 4:6

Pinggit pisus meng potinnong oh ambar mengteiwi yah mat orhorwi pot pisashenmur. Imat pot pisaptin ihir dahanahatin meng tit dahanahayahanhe it ihirnong ambar mengtei yah mat orhor porin ohe da oh gur sa am hapri.

Jemis 1:19

Nohe taptem gonsi gur pomat dahatinmur. Gur meng potin danong isip hapri. Tongnom amrat indin ohe danong isip henmur. Kapkap heisup dahe hapri.

Jemis 1:22

Behe meng amram hariri por mandapri. Be ma amram mandapti han ihiroh iraire boknong dasuh taham ihapti han bap ihirmur. Ihan behe amram mandapri. Amrama damsi hat orhorwi saya apriya ham patenmur.

Jemis 2:20

Damdapatwi Got oh inahatin hatin hanwa dahayahanwi yahmuro daham ma giripti han gur da hut patim giripti han gurmur. Be mengwi ma ripti ohe pe oh dam na timama wa hapat ma hapat ha dahatingwe rim noh diradire aw Epraham ohe ma ihtip meng oh napotiprohmur.

1 Pita 3:10

Ihat ha patengwe rim ma brak matpa meng oh mamaru hat patmur. Noh yahnap hat orhorwi amam dasi hat patepora ma dahapti han guroh gure atem tei oh er meng ritino dasuh meng ritino ohri ripri. Awamnapmur.