Jemis 1:14 - Oksapmin

¹⁴ Ihat ma er nahapat duuptei oh orhe gon katdapat tarpapatmur. Orhe gon katdapat ma tarpam apripat oh mamarumur. Hanip damdapat orhor Moh nohenengo ma dahapti da oh tarmin tohan agonom bapen apin teinong pramat pisapti ohe tan diradire er da oh pranahat napisapatmur.

Jemis 1:14 ပူးပေါင်းရင်းမြစ်များ

Matyu 15:18

Oh atem tei sar dapti han oha. Atem kat ma marpat han oh da mutuhdapat tarpam marpatmur. Ama han oh er nahapat da ohmur.

Matyu 15:20

ama ihapti da oh mutuhdapat tarpam maras ina teinong ham er nahapat da ohmur. Bes tom na gahmar den dayahanoh ama han oh er nahapat da ohda. Basra. Oh na er nahapat da ohmur napongop.

Matyu 4:1

Ihtiporhan Got orhe Yahsup oh Jisas ohnong Gin go hanip timbas irat timbas mongnong sonmur. Sus patin den na dam be patin sande hanen gon hapat tit oh katket matipramur. Ihtiporhan Satan oh apris go er hat ha sonohrim kis nahatipramur por pisongopri.

Matyu 5:28

Ihtin orhor noh ohe pe oh tit meng tit napotiprohmur. Gur kuunong asoh wamara nohe kuuneng ma dahah go damdapat bisei saw hahmur.

Rom ihirnong Por oh brak atip ohe meng oh 7:11

Eimat paten dasi nahatin ohe sawa meng hrepdapat hat pat ma hapat dahasuh orhor We. Go ihapra ma napor danong asoh noh kis taham wamtipor dahatporhan er han oh dasuh naham eimat timbas nahatin ohe hrepnong hat patesuhmur.

Rom ihirnong Por oh brak atip ohe meng oh 7:13

Ama yahnap sawa meng oh norhe yah hat paten ohe da namdama eimat batbet dar paten ohe da hrepnong mat namdatipda. Basra. Got orhe sawa meng oh We. Go ihapra ma napor danong asoh noh kis taham wamtipor daham wamar ihtiporhan ama da oh pranahat napisus eimat batbet dar paten ohe da hrepnong nahat napaptesuhmur. Got ohe sawa meng ohsi ma inahatip oh norhe er hat sapat da oh Moh atnap er da dasei mar mandatin da ma hapat daham ha mandatinoh rim ama sawa meng ohsi namgitipmur.

Epesas 4:22

Arpin danong ma namgitpa oh mamarumur. Gur er da hrepdapat hat patina er da oh gin gur mihat sashenmur. Mihat sashenmur napor dasuh naham gurnong imat pranahat napisus timbas nahatin ina nahat napapat ohe er da oh gin orhor rihohe watah er ma daphot eimat mandaptiru mat orhor eimat kom asar mandatinmur.

Hibru 3:13

Watahat patim gin mama pati dik morhor er da oh dasuh nahapat ohoh ihan er da oh dasuh nahama Got ohe meng na amratin inasi nahatiprarim guragur sawa gosasara kasip goshat patenmur.

Jemis 1:13

Ruumsup namkar ohe pe oh er da tit tarpam hahhanoh Got oh inahah ma hapat dahapri. Er da ohdapat Got ohnong Gin go er hat sonmur por ohe mutuhnong kis matin handa. Basra. Ohe danong na kis matin hatin hanmur. Ohdapathe dirnong Gin gur er hat son napor kis nahatiprohda. Basra. Ohdapat na inahapat hanmur.

Jemis 1:15

Napisus bapen apin teinong nahatporhan bapen apin tei oh er da tarpapatmur. Tarpama arpin er da ohe dam oh timapatmur. Er da ohe dam timama sup nahatporhan Got oh heisup naham timbas nahatin ina nahat napapatmur.