Hibru 9:10 - Oksapmin

¹⁰ Got oh Gur ihat den dayao tom dayao bes tom gahdeiyao hat patenmur potporhan ire ma ihat pateshe oh be ina teimdapat yah tahat paten ohe danong hat ha patengwe rim gipotip ma hapat. Da mutuhnong eimat na yah tahatin ohe danong ham ihashe ma hapat. Ama meng ohe hrepdapat hat patin kopenohe dik natip meng oh Krais orhe boknong mar pitap teinong matip ma hapat daham am haptimur.

Hibru 9:10 ပူးပေါင်းရင်းမြစ်များ

Mak oh yah meng ma brak matip meng oh 7:4

Den mohopti teinong sapti aprisa den dinmat oh bes tom gahmarwi den dashemur. Iraire ti ma ropir ire pohon da dimar ihashe oh ap tan gahmarwi timayao tomsan gahmarwi dayao sospen gahmarwi dayao hashemur. Ama ihashe han ihir Jisas orhe pinggit pisapat han ihir iraire bes oh tom na gahmar den daptin wandeingopari.

Garesia 4:9

Gin ma patinong oh Got orhe brer hat patimur. Got orhe brer hat ma pati oh guragure da orhor orhe brer haptida. Basra. Got orhordapat orhe brer nahat napapatin orhe brer hat patimur. Ihat pati ohoh ihan gur nuhur kakdah sawa meng hrepnong hama amram dimtiperhan Got oh Go sawa mengnong dindeipat ohoh ihan go yah hanmur napotiprakin daham it sawa hrepnong hatperhan sawa meng it nang natpat ha napaptenoh daham ihaptida.

Epesas 2:15

Yot bap hat pati bap dirnong oh tit bapwi nahatinmat oh Juda nure pohon sawa meng oh Gur ihat patenmura; ihat sashenmura rishe sawa mengnong oh orhe haputip ohe pe oh amkar namdatipmur. Amkar namdama yot han bap ma hat pati oh gin kopenohe han bap titwi nahatipmur. Nahatporhan gin manap gosham yah hat mama pati ohmur.

Korosi 2:16

Kat han ihir Mama tom oh awam tommur. Mama den oh awam denmur. Krismas tit birhiyao hayop tit suo tuperipti dik tit hayao hatperhan mihat tarmur den denmur riptimur. Ama ihat ripti han bap ihirdapat oh gurnong Gur ama da na hayahanoh gur er hapti han bapmur naporiyahanoh gur amrapri.

Hibru 10:22

Orhor imat napapat han ohoh ihan dir watahpei hat orhor Got orhe duupnong sasipera daham watahpei hat orhor sonmur. Sonmat Nohe er gap moh orhe heim ohsi da mutuhnong namor hirmar natimbas deipat ma hapat. Inanonghe yah gap tom ohsi gahnahat orhor napapat ma hapat daham Orhorwi inahatin hatin hanwa dahapti da ohsi; arpin da ohsi hat patimdapat orhe duupnong ham meng saro ham patepera daham ohe duupnong ham meng sar patimur.

Hibru 13:9

Ihat pat han ohoh ihan kopenohe na dahatin da mengo ti da ti da mengo oh naporiyahanoh Moh wan mandapnong nahatin meng naporiya ma hapat daham wan mandapnong nahatipririm kom asar mandanmur. Mandapti Den moh yahmur. Moh awammur ma ripti oh dire da mutuhnong ham kasip naham na napanggeipat mengmur. Got orhe damdapat ma yah nahapat da oh da mutuhnong kasip naham yah nahapatmur.

Hibru 2:5

Dire kopenohe mong tarpatipramur ma riya meng moh Got oh enser ihirnong Gure hrepnong mar wamat indina na potipramur.

Hibru 6:5

Got orhe meng oh ire mutuh oh dam timdiporhan wamar am haptimur. Kaput ma wamtipri kasip oh ihir gin orhor wamar am hat patimur.

Hibru 7:12

Got oh Noh wan han ihirnong hanat bok han mara darhetiproh ohoh ihan sawa menghe wan meng matiprohmur daham darhetipmur.

Hibru 9:1

Got ohri dik ma natip meng oh Gur mihat nohnong armi nahatinmur. Gur kakdah moh ohe watah ap yawar tit mimat hatinmur rima ohri ma dik natip meng ohmur.