Hibru 7:17 - Oksapmin

¹⁷ Dipdipwi pat hano rim ma kis matip oh orhe ritporhan ma brak matpa mengnong moh dahatinmur. Merkisedek ohe tamreisuhru hat tamreinmur napor kis nahah ohoh ihan go hanat bok han hat orhorwi patru patepranapmur potporhan brak matpamur.

Hibru 7:17 ပူးပေါင်းရင်းမြစ်များ

Hibru 5:10

Hat patin Got oh Go Merkisedek ohe tan hanat bok han ham patenmur por kis mat papatmur.

Hibru 5:6

Tit orhe boknong matporhan brak matpa meng oh mamaru hat patmur. Go Merkisedek oh dipwi hanat bok han hat ma patesuhru hat pat han ohe tan gin gononghe ihat eimat patepra hanat bok han nahahmur. ritporhan brak matpamur.

Hibru 6:20

Hanat bok han bap ihir Got orhe ap yawar ongengnap mat papti dahnong roshemur. Amaru hat orhor Jisas oh Merkisedek ohe tan eimat hanat bok han hat patim Got orhe duup sus patmur. Ama inahat napapat han Jisas orhe dap tei oh dir Got orhe duupnong haptimur.

Hibru 7:11

Ripai ohe puh ihirnongwi Go hanat bok han hatina por kis deishemur. Kis matperhan ihir ihat ma pateshe ohe pe oh Got oh orhe sawa meng oh naprisuhmur. Ihir ihtin kasip han bap hat patin sawa meng moh naprisuh orhor eimat yahnap inasi nahatin ohe kasip ohsi ihir hatip hatperhan Got oh Noh iraire han Eron orhe hatin han oh darhetpora na dahatipmur. Noh hanat bok han Merkisedek orhe kasip hatin han mohnong darhetpor daham darhetipmur. Ihir eimat yahnap inasi nahatin ohe kasip ohsi patinneng ama han ohnong darhetipnengda. Basra. Ama ihtin han ohnong na darhetipnengmur.

Hibru 7:15

Wan han hanat bok han Merkisedek orhor hatin ma matip oh rihohe sawa mengnong dimar Ripai ohe puh ihirnongwi hanat bok han mar kis deinmur ma porishe meng oh na dimara Mama han moh dipdipwi patepra ohe kasip ohsi hat patepra han ma hapat daham Jisas ohnong hanat bok han matipmur. Rihohe sawa meng na dimar imat wan han ohnong hanat bok han ma matip oh kopenohe sawa meng nasar imtip ma hapat dahaptimur.

Hibru 7:21

Got oh awam tuketipo rim ma brak matip oh mamaru hat patmur. Hanipyah oh awam tuketipmur. Awam tuker meng potip ohoh ihan wan danong na hapramur. Awam tuker meng ma potip oh Go hanat bok han hat orhorwi patru patepranapmur por awam tuketipmur. ritporhan brak matipmur.