Hibru 4:1 - Oksapmin1 Got orhe ihir apris matei sa tupetipri ritip meng oh na timbas ham pat ohoh ihan gur orhe napotip teinong sonmat oh wan katnong hapri. Wan katnong hatperhan Got oh wanahama tupetin teinong na hatin ina ham wan katnong haya ma hapat dahatiprarim gur ihan kas ham duutin dasi hat orhor orhe napotip teinong hatinmat orhorwi sashenmur. အခန်းကိုကြည့်ပါ။ |
Gatmat ma mandatir oh iraire Ohwi inahatin hatin hanwa na dahapti ohe pemdapat gatmat mandatirmur. Mandama gin Juda na hat pati han bap gurnong ma it dip nahat napapat oh guragure yah hat sapti pe inahat na napapatmur. Damdapat Orhorwi inahatin hatin han ma hapat dahapti ohe pe ohwi inahat napapatmur. Ihan gur Nuhur yah hat pati ma hapat daham armi tahat sasipri. Ihat armi tahat sus ohe danong hatin ohe da oh mandayahanoh Rih arpin tenong gatmat mandatip ma hapat. Gin nuhurnong be te hat pati moh atnap gatmar namdatiproh ma hapat daham kas hat orhorwi patenmur.
Dir tit da haya tit da haya ham da tamburkem tamburkem hayahanoh ama ihya bap ihirwi ihaptimur. Krais ohnong oh tit da hah tit da hah ham da na yawar deipat han ohoh ihan oh da na tamburkem tamburkem tahapat hanmura; na tamburkem tamburkem tahapat hanmura. Orhe noh imtiprawa ma dahapat da orhorwi inahatipramura; inahatipramura. ihat ga ma ripti oh arpin ga riptimur.
Gin gur Got ohe meng ritporhan ihir Nuhur na amratiprohe daham ma kom atparu gurhe ihat kom asaripri. Ire ohe meng na amram ma kom atpa oh mamaru ham kom atpamur. Got oh kakdahdapat orhor We. Gur ihapri por kasip bok meng potipmur. Potporhan ihir Nuhur na amratiprohemur por kom atpamur. Kom asar ma na amraya ohe pe oh yan oh kap hashenda. Basra. Darishemur. Gin aw teidapat meng ma naporpat meng moh Nuhur na amratiprohemur daham kom asariyahanoh ama ohe pe oh yan kap hatiprida. Basra. Aw teidapat naporpat meng ohoh ihan atnap yan isip datiprimur.