Hibru 13:7 - Oksapmin

⁷ Gur guragure sawa naporishe kakhan ihirnong dahenmur. Daham ire yah hat sus ma hapurishe danong ham Ihir Got ohwi inahatin hatin hanwa dahat patim ihat sashe ma hapat. Ihan dirhe ihat orhor sasipera daham ihat sashenmur.

Hibru 13:7 ပူးပေါင်းရင်းမြစ်များ

Hibru 13:17

Dire kakhan ihir dir er hatipririm dipwi yah mat orhor tamreim wanahat napaptimur. Ihir Noh er hat tamreihan Got oh er hat tamrei ohe meng moh norhornong dahanahatiprakin daham yah hat orhor wanahat napaptimur. Kakhan ihir ihat wanahat napapti ohoh ihan gurhe ire hrepdapat hat patim ire ma naporipti meng moh pomat amratper daham pomat amram ire hrepnong hat patenmur. Ihat ayahanoh ihirhe amam dasi hat orhor tamreiprohemur. Ihat na ayahanoh ihirhe ina ruumsi ham yah hat na tamreiprohemur. Yah hat na tamreim gurnong yah mat na napanggeitiprohemur. Ihaprohe ohoh ihan ire hrepnong ham ire meng pomat amranmur.

Piripai 3:17

Nohe taptem gur nohe ma ihat sapatnong moh wanahama Ohe ma ihat sapatru hat dirhe sasipera daham nohe ma hat sapatru hat sashenmur. Susa gur nure ihat saperhan wanaham pomat ma dindeipti ihirnong oh gurhe pomat wamar sashenmur.

Hibru 6:12

Ihan gur garham mandapri. Kat ire kapkap garham na mandam kasip hat orhorwi patim Got orhe napripra ritip erer oh dara marin pati ire tan ham kasip hat orhorwi patenmur.

1 Tesaronaika 1:6

Napanggeit napaptin gurhe meng amrama Hanipyah ohsi nure ma kat han ihirdapat inahatperhan amam hat ma saptiru gurhe dinahama amaru hat orhor pirimur. Gur ihat ma piri oh ina ruumsup isip daripti dus orhor Got orhe Yahsup oh gurnong amam dasi nahatporhan amam ham meng oh dar amam hat pirimur.

Aposer 14:23

Ihama ihit aptei aptei ama Jisas orhe nita sios bap ihirnonghe kat han ihirnong Mama han gur wasman ohnong panggeit pisashenmur por kis mat pihipari. Imat kis deipti irair Gin dir Got ohe danong hatinmat kakun den na diprohemur gigoshapti den na dama Got ohe danongwi ham ohsi mengiro hatpari. Ihama Hanipyah gorhe danong hat pati han maihirnong gorhor wamat paptenmur por orhe bes teinong mat pihipari.

Matyu 24:45

Jisas oh Gur mohnong dahatinmur. Kamah han hat pat han oh wannong tit saporim orhe atamreipti han ihir kinhat pat han ohnong ohe erer oh ohe hrepnong mar saproh. Dakuu hat pan hat orhorwi tamrein sapat han tit pathanoh ama han orhornong Gin noh wan teinong tit saprohmur. Gin go apo norhe natamreipti hano ihirnong gwe hrepnong mar papatinmur. Imat papatim den dapti dik oh den pomar nitat mar pandemo papatinmur potiprohmur. Gipora mandam saprohmur.

1 Timoti 3:5

Han orhe kuu brernong pomat na papatin ihirhe itap ohe mengnong na amraptisi han oh sios ihirnong atnap er mat papindipra han ma hapat daham ama ihtin han ihirnongri kis deipri. Kuu brer ihirnong yah mat ma papat han ihirnongwi kis deinmur.

Hibru 13:24

Gure kak hat pati hano Got ohe nita hat pati bapo ihirnong Ihir sa yah hat pati rim dahatahat hangwermur potinmur. Itari mong ma pati Got ohe kuuhan bap ihir Ihirhe sa yah hat pati rim dahatahayarit noh mama napor brak mat nasar ohmur.

1 Tesaronaika 2:13

Nuhur apris Got orhe meng oh napotperhan gur amrama Moh hanip guragure meng na naporiya ma hapat. Got orhe meng oh naporiya ma hapat daham datirimur. Gur ihat datirio rim nuhur Got ohnong dipwi weso naporiptimur. Oh arpin Got orhe meng ohoh ihan Got orhe danong hapti han gure da mutuh oh arpin dam timdin meng oh gure mutuh patmur.

1 Korin 4:16

Noh ihat gure ita hat pato rim kasip mengtei Gur ita norhe ihat sapat danong mohwi dimar sashenmur mama naporpat ohmur.

Rom ihirnong Por oh brak atip ohe meng oh 10:17

Meng amram arpinhe daham ma amrapti oh Krais orhe yah mengnong moh pot pisaperhan amraptimur. Amrama Krais oh arpin ihtin hanhe daham orhe danong haptimur.

Aposer 4:31

Dahamtiperhan ama tarmuriya ap oh bupangopri. Bupatporhan Yahsup oh ire mutuhnong ham isip hangopri. Imat isip mat papatin ihir watahpei ham Got ohe meng oh watahpei hat orhor pot pisasheri.

Erer tarpatipra 6:9

Saperhan sipsip bap oh hathat gata oh endeingop. Emtiporhan noh wandeioh han ihir Got ohe meng oh yah matwi pot pisaptin ihirnong garmar sushe han ire da oh Got ohe apop atendeipti gwar duup oh patingopa.

Erer tarpatipra 20:4

Kanmat mandatporhan gahan noh wandeioh Jisas ohnong na mandatin ina ham orhe mengo Got ohe mengo oh ihir kasip ham marin patio rima ihirnong mahaw mar sutperhan ma haputpa da bap ihiroh masasa patingopa. Ama bap ire ma pateshe oh kurwah ohe danong na hamo orhornong arhur irat bok kis matpa ohe danong na hamo orhe win kis oh ire kinbi teio bes teio na brak matpao ama ihat pateshe han bap ire da oh masas patingopa. Ihir ihat patin Krais oh Gin Satan ohnong tanggap tem apat mandamur. Gurhe nohsi tap ham ihirnong papindin ohe kakhan hat patin krismas 1,000 birhim timbas hatipramur pora kuuhan ihirnong dahamar satin inasi matporhan ihir kakhan ire tongnopti tei oh tongnoma ire hrepnong mar paptingopa.

Erer tarpatipra 1:9

Noh guragure nita Jon noh brak mat mama nasar ohmur. Diradir Jisas ohe nita bap dir Got orhe napapindin hrepnong hat pati bap dirmur. Ama ihat pati han dirnong be han ihirdapat Jisas ohe nita hat pati han bap ma hapat daham ina ruumsup napriptimur. Ina ruumsup diradir titwi daripti han dirmur. Ina ruumsup napripti orhor Jisas orhe tapnong hat pati ohoh ihan dir na gapa ham kasip hat orhorwi saptimur. Noh Got ohe mengsi; Jisas ohe arpin meng ma napor mengsi pot pisapatin ama ohe pe oh ihir nohnong inahama tom goh Patmos mongnong nang natpam namdatpamur.

2 Tesaronaika 3:9

Nuhur den mohom ma dashe oh gurnong namgim ihashemur. Nure meng naporipti ohe pe oh Den namdina napor den dar dashehanoh yah hashemur. Ihtin orhora; nuhur na dashemur. Nuhur gur nure tamreim den dapti ohe da oh gurhe wamar am hama ha dimtingwe rim nuhur gurnong namgim ihashemur.

1 Korin 11:1

Nohe ma ihat sapat oh Krais orhe hat pat ohe tan hat sapat ohoh ihan gurhe norhe ma ihat sapatru hat orhorwi sashenmur.

Ruk oh yah meng ma brak matip ohe meng oh 12:42

Por dahamtiporhan Hanipyah oh Gur mama mengnong dahenmur. Kamah han hat pat han oh wannong tit saporim orhe atamreipti han ihir kinhat pat han ohnong ohe erer oh ohe hrepnong mar saproh. Dakuu hat pan hat orhorwi tamrein sapat han tit pathanoh ama han orhornong Gin noh wan teinong tit saprohmur. Gin go apo norhe natamreipti hano ihirnong gwe hrepnong mar papatinmur. Imat papatim den dapti dik oh den pomar nitat mar pandemo papatinmur potiprohmur. Gipora mandam saprohmur.

Ruk oh yah meng ma brak matip ohe meng oh 8:11

Jisas oh Nohe tit han tit den gwe sakmar pipmur ma napot ohe paham meng ohe mutuh meng oh mamarumur. Ama den gwe oh Got ohe meng ohmur.

2 Tesaronaika 3:7

Gur Poro ire dirnong namginipti da moh dir dindeiyahanoh yahmur dahat patimur. Nure gurnong ma namgishe da oh mamarumur. Nure gursi ma patenipti oh nuhurri be gapanwa han hat na pateshemur.

1 Korin 10:13

Dir er hat ha songwerim dire boknong er da oh apris kis nahapatmur. Ama kis nahapat kis oh hanip gonsi dirnong tap kis orhorwi kis nahapatmur. Dir er hat ha songwerim ma kis nahapat da oh Got oh norhor imat ihirnong panggeipramur napor ma rit natip da ohsi oh arpin han ohoh ihan dirnong imat orhor napanggeipatmur. Imat ma napanggeipat oh er da oh dirnong kis nahatporhan dir na ambapte matin ina hat patihanoh Got oh baso porpatmur. Dir ama ohe er danong ambapte matin ina hat patihanoh Got oh yahwa daham baso na porpatmur. Ama er da oh dirnong kis nahat napapatin Got oh dirnong ama er danong ambapte matin ohe kasip ohsi nahatporhan dir ama kasip ohsi er danong ambapte mar tonggamar son ina hat patimur.

Aposer 13:46

Imtiperhan Porsi Banabas ihit watahpei ham Got ohe meng moh Juda bap gurnongri napotin inasi nahat napapat ohoh ihan gurnongri mama naporipti ohmur. Gurnongri naporipti orhor guragurdapat Nuhur eimat paten ina dasi na hatin ina hat patimur daham mengnong moh kom asar mandayamur. Imat kom asar mandaya ohoh ihan nuhut gurnong namdama Juda na hat pati bap ihirnong pot pisasiprimur.

Ruk oh yah meng ma brak matip ohe meng oh 5:1

Gahan tit dah tit Jisas oh tom hru Genesaret dinin tei oh tandeit patin kuuhan trun Got ohe meng amratperim ohe patnong apris ohnong rupnet pongopari.

1 Pita 4:11

Nitat ma napin pat da oh mamarumur. Got orhe meng mama pot pison da napin pathanhe Noh Got ohe meng pot pison da napin pat ma hapat daham pomat orhor pot pisashenmur. Ihirnong panggeit pison da napin pathanhe Nohnong Got oh ihirnong panggeitin dasi nahat napapat ma hapat daham orhe kasip nahat napapat kasip orhorsi panggeit pisashenmur. Imat pisaptin ihir wanahama Maihir Krais orhe kasip dap teidapat ihat yah hat tamrein sapti ma hapat daham ihirhe Got orhornong armi matin dasi ham ha armi deingwemur. Ma armi matiprohe han orhor pokwi has yahnap dasi ham dipwi armi mar papten han orhorwimur. Arpinwa.