Hibru 13:3 - Oksapmin

³ Got ohe nita hat pati ohe pe oh karapus hat pati bap ihirnonghe Noh ire tap karapus hat patin norhe nita bap ihirhe apris napanggeimo haptineng ihat ma dahapat da hatin hat orhor ihirnong imat da aprishenmur. Got ohe nita hat pati ohe pe oh ina batbet apris ruumsup mat papti ihirnonghe gorhe ina ruumsup batbet dara ihir apris napanggeiptineng ma dahapat da hatin ihirhe ihat dahat pati ma hapat daham panggeinmur.

Hibru 13:3 ပူးပေါင်းရင်းမြစ်များ

Matyu 25:36

noh watah timbas hat patin watah napriyao noh sik hat patin napapayao karapus nahat patin gur wanaham apriyao hat pati han bap gurmur noh napotipramur.

Matyu 25:43

Noh hohop han hat apripatin gur nohnong nambur gure apnong na napisashemur. Noh watah timbas hat patin gur watah na naprishemur. Noh sik haho karapus haho hat patin gur nohsi na napapteshemur por noh ihirnong imtipramur.

Aposer 24:23

Pora dupsi han ire duuptei han ohnong Dupsi han ihir Por ohnong wamat ha indingwemur. Wamat paptin oh orhe da orhor Noh anong sapora daham ushano arwapir ihir apris wamaro den pandemo ihayahanhe yahwimur pongopri. Pora Piriks oh it orhe apteinong sus ama indip oh.

Aposer 27:3

Kimsidapat mong da hatporhan saptin Saidon aptei oh kotpa. Koripti sip oh kasip mat mandapti Jurias oh yah da tit Por ohnong aprisa Go gorhe mandap son ohe erer oh gorhe yah han ihir ti ha napanggeitingwe dahahhanhe yahwa. Kakdah was wamtinmur pongopri.

Rom ihirnong Por oh brak atip ohe meng oh 12:15

Ihir amam da tit dariptihanhe gur Wes imat amam da dariya rim guragur tap hat amam henmur. Ihir ruumsup tit dar saheih ham yimaptihanhe guragur tap hat ruumsan dara saheih ham yimonmur.

1 Korin 12:26

Dire ina moh tit inawi ham gospanggeit pati ohoh ihan tit pemdapat tit ina ruum darhanhe gonsi ina pe moh ire ruum dariptimur. Tit pemdapat tit armi matin da hahhanhe gonsi ina pe moh irair tap mat ama ohe amam oh dariptimur.

Epesas 4:1

Noh Got ohe atamreipat hano rim karapus nahat patimur. Karapus hat pat han norhor Got oh Krais ohe kasip ohsi inahapato rima noh kasip meng tei gurnong mama meng moh napotiprohmur. Got oh Gur norhe nita kuuhan bap hama mihat sa sasipri daham ma kis nahatipru hat orhorwi gurhe ihat orhorwi sashenmur.

Korosi 4:18

Gin gurhe sa yah hat pati napor Por noh pepe meng mohwi gin norhe bes tei brak mat nasar ohmur. Gur nohe ma karapus hat patnong mohhe hanhan nahapri. Got ohnong nadahamarwi paptenmur. Nohdapathe gure nadahamtin oh Got gorhe damdapat Yah matpora daham bapkei mat papat da oh ihirnong bapkei mat paptenmur por nadahamara gurnong mama brak mat nasar ohmur. Gin nohe meng oh kimur.

Hibru 10:34

Kat gur karapus hat pati ihirnong hinhina mar panggeiptin ama ohe ruumsup oh it guragur tap hat darishemur. Kat gure ruumsup ma hashe oh guragure erer oh nadatinmat apriperhan Yahwa nure ma datipri han oh yahnap dipwi paten han patmur. Mama kakdah mohe erer moh timbas hatipra han ohoh ihan yah da tei orhor gur darina potperhan ihir nadarishemur.

Hibru 11:37

Indeipti kat ihirnong kwei tahe por sushemur. Kat ihirnong da adason mar batbet aprishemur. Kat ihirnong so ohsi ina moh agatmar katket mar sarishemur. Kat ihirnong bior tansi sushemur. Kat ihir kukuripti borop han bap ham bisei hat patim irarhe hapti memeo sipsipo ire watah oh dara watah hatinmat ar sashemur. Ihat susa ire bok oh erer timbas hatperhan ihir dasei matperhan ina ruum isip darishemur.

1 Pita 3:8

Gin Pita noh mama napor meng moh timbas matinmat mama meng moh napotiprohmur. Guragur tit dawi goshat patim saya apriya hat patenmur. Ama da ohsi ihat patim tit han oh amam darhanhe guragur tap hat amam da titwi darinmur. Ina ruum darpathanhe guragur tap hat ina ruum titwi darinmur. Guragure taptem ihirnong asohhe gonsi hinhina da aprisa bopor mat paptenmur. Bopor mat paptima Norhorwi ihtin han hat patwa dahapti ohe da oh mandama ire danong hat patenmur.