Hibru 13:21 - Oksapmin

²¹ Ama imat pamsuhup han Got go gorhe ma ti da ti da dahapat danong dinahatin ohe tihan tihan kasip da oh apris paptenmur. Imat apris papatim gorhe Noh ire mutuh oh ihat patin yaho ma dahapat da oh Krais ohe heim dap tei oh nure mutuhnong namtinmur. Krais gonong nuhur dipwi armi naham napapten hano rim mameng moh napormur. Arpinwa.

Hibru 13:21 ပူးပေါင်းရင်းမြစ်များ

Piripai 2:13

Dir Got ohe dahat pat danong oh haptineng ma dahapti da ohsi; orhe danong hat son ohe kasip ohsi orhor gure mutuhdapat patim inahapat ohoh ihan ama inahapat ohe da ohsi amamen matin danongwi hat sashenmur.

2 Tesaronaika 2:17

Ama inahat napapti han yot itaitnong gure paten meng oh Gut ire danong akasip mara pang inasi mat paptenmur. Ire saptinonghe ti da ti da yah hat sapti ohe da ohsiwi mat paptenmur. Menghe yah mengwi rit sashen ohe dasiwi mat paptenmur. Gut imat ihirnong paptenmur por nadahandeiptimur.

Piripai 4:13

Norhe ihat patnong oh yahwiwa dahat ma pat oh Krais orhe kasip ohsi ihtin da nahatporhan ihat dahat patmur.

1 Pita 2:5

Eimat paten dasi hat ma pati gurhe kwei hatin hat pati bap gurmur. Ama ihat pati bap gurnong oh Got orhe ros paten ap yawar tam nadara orhe ap nahapatmur. Ama inahat napapat bap gurnong oh Got orhor ongeng nahat napapten hanat bok han nahapatmur. Ma nahapat oh gure dahe Krais ohe dap tei ire apop ma sum naprisheru mat orhor gure dahe ha naprishengwe daham inahapatmur. Gur imat orhornong apriperhan Krais ohe dap tei imat napriya moh yahwa daham amam hapatmur.

2 Timoti 4:18

Ma nambutirru nahat orhorwi Hanipyah oh er nahatin han ire atem teidapat orhorwi namburipramur. Nambura orhe napapat teinong nahatipramur. Ihtin han orhor dirnong imat napapat ohoh ihan dir Weso por armi mar papten han oh orhorwimur. Arpinwa.

Piripai 1:11

Ongeng tahat patin gorhe duutin dasi hat ma sapat da oh Jisas orhe nita bap ihirnong yah mat orhor apripatru mat orhorwi ihirnonghe imat teip mat orhorwi apris paptenmur. Imat teip mat apisapatin ihir wamara am hapti gorhornong armi nahamo winsi han nahamo ha nahatingwemur por nadahandeipatmur.

2 Korin 9:8

Imat panggeitpera ma dahapti gurnong oh Got oh Noh ihat ma pan hat yah mat orhor apripti ihirnong oh noh iraire din ohesi; ihirnong panggeitin ohesi ruumsan mat orhor tap mat apripora daham imat napin inasi nahat napapatmur. Inahatin inasi nahat pat ohoh ihan guraguresi; ihirnong yah mat panggeitin ohesi tap mat ruumsan mar bapkei mat orhor napripatmur.

1 Pita 4:2

Eimat mandam ma ihapti oh kakdah moh da patim ma indipri oh it damdapat da tarpam ihtipora ihtipora ma dahapti er da oh eimat mandama Got ohe Ihat ha patengwe ma dahapat da hrepdapat hat patim dimar ihaptimur.

Hibru 10:36

Gur kasip hat orhorwi marin ayao Got orhe dahapat danongwi dimar ayao ihat orhorwi ayahanoh orhe rit natip erer oh datiprimur. Ihan kasip hat orhorwi marin patenmur.

1 Tesaronaika 5:23

Nure at Gota por ma nadahandeipti meng oh At Gota. Go gorhorsi; nuhursi manap gosham yah hat paten ohe duuptei han oh gorhorwimur. Ihtin dasi naham napapat han gorhor Tesaronaika aptei sios bap ihirnong Got gorhor hatin mar gorhe yahnap danong asoh isip mat apisus gon gurus por apaptenmur. Imat apapatin ina da oh yahnap bok inasi hat patin Jisas Krais oh it apris ha wamtinoh rim go ihirnong ihtin inasi mat paptenmur por nuhur imat gure paten meng oh nadahandeiptimur.

Jut ohe brak mat atip ohe meng oh 1:25

Orhor pokwi dire Got ohmur. Orhorwi Hanipyah Jisas Krais orhe dap tei namburin han ohmur. Ihtin han ohoh ihan armi mar papten han oh orhor pokwimur. Has kasip ohsi hat paten han oh orhor pokwimur. Kakhan ham napapten hanhe orhor pokwi patmur. Ihtin han oh ihat orhor rih patesuhru patru patepra han orhormur. Ihtin han ohnongwi armi mar paptepera daham armi marwi paptenmur. Arpinwa.

1 Jon 2:17

Kakdah mohe er da tarpapat dao ama ohe danong hatinmat batbet hat sapti dao oh timbas hatin ina hat pat ohoh ihan ama danong ohri hapri. Got ohe danong ham ohe mengnong amram dimar patenmur. Ihat ma pati bap ihiroh eimat paten dasi ham ihat saptimur.

1 Timoti 1:17

Ama inahatip han oh na hapura kakhan hat patesuhru patru hat orhorwi patepra han ohmur. Hanip dirhe kin wamtinhe na wandeipti han ohmur. Orhorwi arpin Got ohmur. Ama ihat pat han ohnongwi armi maro win isip adaptuhuro mat papten han ohmur. Arpinwa.

Epesas 2:10

Orhor nambutin inasi nahat napapat moh rih orhor Got oh Krais Jisas orhe tapnong hatipri bap ihir mama yah da mama yah danong hat sa sasipri daham ama yah da oh mamen mat natipmur. Mamen mat nasara ama mamen mat natip yah danong hat sashen ohe inasi naham kis naham napapatmur.

Erer tarpatipra 5:9

Ama ihir bos hamnong hama kopenohe ga tit riptingopa. Kopenohe ga tit ma ritpa oh mamarumur. Gonong nitpawa; Gonong nitpawa. Nitperhan gwe heim oh tanduketipwa; tanduketipwa. Tandukera ama heim ohsi kakdah han ihirnong amohotipwa; amohotipwa. Ihir Got ohe nita ha hatingwe rim amohotipwa; amohotipwa. Han ambap ambap amohotipwa; amohotipwa. Han ameng ameng nitatsi han amohotipwa; amohotipwa. Ina nitasi han amohotipwa; amohotipwa. Mong mong nitatsi han amohotipwa; amohotipwa. Gowi ihtin hanmura; ihtin hanmura. Ihan brak tein bok oh gowi datin hanmura; datin hanmura. Dara gata emtin hanmura; emtin hanmura.

1 Jon 3:22

Dahamara Got orhe bopor mat papat dao orhe sawa mengo ohnong amram dindeipti ohoh ihan dire Got ohnong ma dahandeipti ohe erer oh gonsi napriporhan dariptimur.

Hibru 13:16

Imat armi mat paptim arwananah ihirnong asoh panggeipti dao erer hatip hatperhan panggeim apripti dao oh hanhan mar mandapri. Dahat patim orhor panggeinmur. Ama imat armi mar panggeipti da oh Got oh Nohnong armi naham apop natemar napripti ohe tan mat nohnong napriya ma hapat daham oh da yah ham amam hapatmur.

1 Timoti 6:16

Orhorwi haputin timbas patru pat hanmur. Orhorwi has isipsinap hat patin hanip dir orhe duupnong na hatin hatinmur. Hanip dir na wandeiptru na wandeipri hanmur. Orhornongwi Gorhorwi winsi hat paten hanmuro. Gorhorwi kasipsi hat paten hanmuro por orhornongwi armi mar papten hanmur. Arpinwa.

1 Timoti 5:10

Ama kuu ihir brer ihirnonghe pomat papayao hohop han ihirnong ambura papayao Got ohe nita bap ihir apriperhanhe ire tong agahmar papayao ruumsup hat pati ihirnong panggeim papayao ama ire kin tei ihat yah hat tamrein sapti kuu tahem ire winnongwi asarinmur.

1 Tesaronaika 3:13

Aisip mat paptim ire danong akasip mara yahnap ongengnap mat paptenmur. Imat apapatdapat gorhe it apris gorhe nita bap kuuhan ihirnong ambura Got orhe kinteinong ma matipra oh ama yahnap ongeng mat papat da ohsi hat patina ire boknong matin meng timbas hat patin orhor Got orhe kinteinong yah mat orhor matinmur por nadahandeiptimur.

Korosi 4:12

Epapras guragur tap bap ohhe gurnong Ihirhe sa pati rim dahatahapatmur. Oh Krais ohe atamreipat han ohmur. Oh arpupsi hat orhorwi dipwi gure indin ohe meng oh At Gota. Ihir gorhe danong hatin ohe da oh hanipyah ire dahat ma sapti da hatin hat ha patengwemur. Ihat patin gorhe Ihir ihat ha patengwea. Ihat yah hat orhorwi ha sashengwe gorhe ihat ma dahapat da ohsi ihirnong am mar paptenmur. Imat papatin ihir gwe ma dahapat da oh isip am hat ha patengwemur por nadahamarwi patmur.

Korosi 3:17

Rit susa gure meng rit sapti dao gure ma ihat sapti dao ama ihat sapti da gonsi oh Krais orhe hrepdapat hat patim ihat sashenmur. Ihat susa Got ohnong dipwi weso porwi paptenmur. Dire weso porwi ma papti oh Krais oh mutuh han ham itap ohnong porpat ma hapat daham weso porwi paptenmur.

Piripai 4:18

Gure Epaprodaitas ohe kintei ma natiri oh oh popris napriporhan noh gonsi datirmur. Darpat gin na hatip hama ruumsan hat orhorwi patmur. Ma natiri oh Got ohnong apop gapgwesi mar atendeiyarit oh gapgwe mar da yah hapatru mat orhor Got ohnong da amam mar nohnonghe natirimur.

Epesas 2:18

Krais orhor imat napapat ohoh ihan dir tit Yahsup ohsiwi Got ohe tapnong hama ohsi mengitin ohe inasi hat patimur.

Matyu 28:20

Patira nohe gurnong sawa ma nasarisuh meng oh gonsi am mat pisashenmur. Am mat ma pisasipri oh mama meng moh amram dimarwi paptenmur por am mat pisashenmur. Mohnong dahenmur. Nohe ma patepra oh noh arpin gursi napanggeit orhor napapatru nahat napanggeit napapatin kaput mong pepe dik sa hatipra napongop.

Matyu 6:13

Er hat ha songwerim kis nahapat mutuhnonghe nahatiprarim gorhor namrim napaptenmur. Er nahapat han Satan ohe mutuhnong nahatiprarim napatreman napaptenmur. por ihat Got ohsi mengir patenmur.

Erer tarpatipra 5:13

Gahan noh amraoh Got ohe ma dasi matip erer oh aw tei mahat Got ohsi pati ohe dasi erero mong tei moh ohe dasi erero mong hrep ohe dasi erero tom hru tem dasi erero oh gonsi gon ihitnongwi armi mar ga poriptingopa. Ga ma potpa ga oh mamaru hat patmur. Mutuh ap tan ma tongnot pat hansi sipsip bap ihitnongmura; ihitnongmura. Ihitnongwi winsi matin hanmura; winsi matin hanmura. Ihitnongwi has yahnapsi hanmuro porin hanmura; porin hanmura. Ihitnongwi kasipnap hanmuro porin hanmura; porin hanmura. Ihitnongwi ihtin han ohoh ihan ihitnongwi eimat armi mar papteprimura; papteprimura por ga poriptingopa.

Erer tarpatipra 4:6

Tit orhe rumkin dason ma pat hatip oh tom sor hru tan oh tom kakeir hatin hat patgop. Gahan kat dah kat dah ohnong ma parper mat papti hatpa oh hatriphei dasi bap ire ina bok oh kinwi hatpa bap oh parper mat paptingopa.

Hibru 12:23

Ama ihat pati tei oh Got orhe duuptei brer win brak mar aw tei mahat atip brer ire tap tei hat ma pati tei ohmur. Gure sus ma pati tei oh kakdah hanip gonsi dirnong nasatipra han Got orhe pat tei ohmur. Got oh duung dasi naham eimat yahnap dasi natporhan hapura ama duung da oh sus pati tei ohmur.

1 Tesaronaika 4:3

Got oh ihir ihat ha songwe ma dahapat da oh mamaru hat patmur. Hanipyah orhe kasip ohsi da ongeng mat yah mat orhorwi papti dao imat paptim it bisei saw goshat ma sapti danong kom asar mandama yah hat ma sapti ohe dao

Korosi 3:20

Brer gurhe suanir itanir ire meng gonsi naporiya mengnong oh amram dindeinmur. Got oh Ihir Hanipyah orhorsi tap hat patim ire ihat ma sayanong oh yaho daham orhor amam hat pat ohoh ihan brer gur ire mengnongwi amram dindeinmur.

Piripai 2:11

Adaptuhura Jisas Krais moh orhorwi hanip yahnapmur ha poringwe daham win isipnapsi han matipmur. Orhorwi Hanipyahnapmur por armi mar ma winsi deipti oh itap Got orhe winsi tap mat win isipsi mar win adaptuhuriptimur.

Garesia 1:5

At Got oh Krais ohnong imat darhetipo rim ihan dir ohnong dipdipwi armi mar papten hanmur. Arpinwa.

Rom ihirnong Por oh brak atip ohe meng oh 11:36

Orhorwi duupteinap hat pat han ohoh ihan erer gon moh gonsi orhorwi darpama orhe hrepnongwi mat papat ohoh ihan dirdapat tit han tit ohnong apinhe na apin hatinmur. Ihat pat han orhornongwi dir dipdipwi win adaptuhur armi mar papten han ohmur. Arpinwa.

2 Pita 3:18

Kasip hat orhor marin paptim ama ihat sapti han ire danong ohri hapri. Diradire Hanipyah namburpat han orhornong Oh ihat pat hanhe daham am hatin ohe dao orhe da orhor bapkei naham yah nahapat ohe dao ohnong titsi titsi dar am hatpora daham ama ohe danong ohwi isip mat pisashenmur. Orhorwi has yahnapsi hat pat han ohoh ihan gino kimsio kaputo dipdipwi armi mar papten han oh orhor pokwimur. Arpinwa.

Rom ihirnong Por oh brak atip ohe meng oh 16:27

Ama ihat patesuhru patru patepra Got oh orhor pokwimur. Orhorwi dakuunap han Got oh orhorwimur. Ama ihat pat Got ohnong Jisas Krais ohe dap teidapat dipdipwi armi mar papten Got oh orhor pokwimur. Arpinwa.

Jon oh yah meng ma brak matip ohe meng oh 17:23

Tit hanwi hat ha patengwe rim ma indeipat oh go nohsi patru noh ihirsi ihat patepora daham indeipatmur. Indeipatin tit dawi hat pati da oh dam timdiporhan kakdah maihir wamara nohnong Orhor darhetip han ma hapat. Itap oh ama darhetip han ohe danong ham bopor mat papatru ire danonghe oh imat bopor mat papat ma hapat sa dahapri.

Jon oh yah meng ma brak matip ohe meng oh 7:17

Ma nadarhetip han orhe da meng oh gurnong naporpat orhor gur ama meng oh naporpat ma hapat na dahaptimur. Gur Noh Got ohe dahapat dahnong oh am ham noh ihtiprohmur ma dahaya han gurwi nohe mengnong Oh orhe da meng bas ma hapat. Arpin Got ohe da meng oh ohnong potporhan napor ma hapat daham am haptimur.

Matyu 21:31

Gahan itap oh it tap meng orhor mon tit han ohnong Gin gohe nohe tomhan oh ti nakapom sashenmur potipri. Potporhan oh Yahwa noh saprohmur pongopri. Saprohmur ritip ohor na pipri. Ihtipari pongop.

Matyu 7:21

Gur nohnong Arpin hanipyah go ma naporipti han gur gonsi Got ohe napapindin teinong hatipriwa dahapri. Basra. At aw tei ma pat han orhe danongwi daham ma dindeipti han gurwi saprimur.

Matyu 12:50

Namgima Nohe at aw tei ma pat han ohe dahapat danong ma dindeipti guroh nohe nap nanip kuunango wanango emhero gurmur pongop.

2 Timoti 3:17

Imat ma napisapat oh dir Got orhe atamreindin ohe kasipo dao oh napriporhan ti yah han ti yah han ohe tamreindinnong oh mamen tahat ha patengwe rim inahapatmur.

Hibru 12:28

Ama bupar na timbas hatipra han oh Got orhe papat mong dire hrepnong mar ohsi tap hat paptepri mong oh na timbas hatipramur. Bupor na timbas hatin han dire hrepnong nadei moh weso por armi mar paptenmur. Orhor ihir norhornong oh imat weso napor armi nahayahan yaha ma dahapatru mat orhor ohnong weso por orhornong armi maro hat patenmur.